Kojolɔi 8:27 - Ṅmãle̱ Kroṅkroṅ Le̱

²⁷ Ni Gideon ṅõ-fe *efod, ni eṅõ-to emaṅ ní dši Ofra le̱ mli. Ni Israel fẽ yabo̱ adſamaṅ ke̱-nyie se̱ ye̱ dše̱i, ni etšṍ tšōne ehã Gideon ke̱ ewe le̱. *17,6. 2 Mose 28,6-14.

ŊMALƐ KRƆŊKRƆŊ LƐ

²⁷ Gideon kɛ shika nɛɛ fee efod, ni ekɛto emaŋ ni ji Ofra lɛ mli. Ni Israelbii fɛɛ kwa Nyɔŋmɔ, ni amɛtee jɛi ni amɛyaja efod lɛ. Enɛ tsɔ̃ tsɔne ehã Gideon kɛ ewe lɛ.

Kojolɔi 8:27 ပူးပေါင်းရင်းမြစ်များ

Lalai 106:35

ši ame̱ke̱ ame̱he futu dšeṅmãdši le̱, ni ame̱kase ame̱nifemo̱nii le̱,

Lalai 106:39

ni ame̱ke̱ ame̱nitšumo̱i le̱ wo ame̱he mũdši, ni ame̱bo̱ adſamaṅ ye̱ ame̱nifemo̱nii le̱ amli.

Lalai 73:27

Ši na, mei ní ke̱o teṅ dšeke̱ le̱ ahĩe aakpātā; ofiteo̱ mei fē ní dšeo̱ ose̱ yabo̱ō̱ adſamaṅ le̱.

2 Mose 23:33

Kāhã ame̱hĩ ošikpoṅ le̱ no̱, ní amemīhã obafe eša ošimi; edšake̱ ke̱dši osúmo ame̱nyoṅmo̱i le̱, befẽbe ní fe le̱ eetšṍ tsõne ehão. Kods. 2,3.

2 Mose 32:4

Ni ehe ye̱ ame̱dẽ, ni eke̱ nikpe̱mo̱ dade kpe̱ ni eſiele̱ tšinabi; ni ame̱kē̱: Israel, ene̱mei dši onyoṅmo̱i ní dšieo ke̱-dše̱ Mizraim šikpoṅ le̱ no̱ le̱! Lal. 106,19. 20. 1 Maṅ. 12,28. Bo̱f. 7,41.

2 Mose 34:16

ní ow̌e̱ ame̱biyei le̱ eko ohã obihĩĩ, ni ame̱biyei le̱ yanyie ame̱nyoṅmo̱i le̱ ase̱ ame̱bo̱ adſamaṅ, ni ame̱hã obihĩĩ le̱ hũ yanyie amenyoṅmo̱i le̱ ase̱ ame̱bo̱ adſamaṅ. 5 Mose 7,3. Kods. 3,8. 1 Maṅ. 11,2.

Yesaia 8:20

Mla le̱ ke̱ odase le̱ nõ ne̱! Ke̱dši ame̱wiee ne̱ke̱ wiemo̱ ne̱ le̱, no le̱ dše tše̱reṅame̱;

Ezekiel 7:20

Ewulamo̱nii ni yo̱ fe̱o le̱ ame̱ke̱-fe hewõnii, ni ame̱ke̱-fe ame̱nihĩnii amãgãi le̱ ke̱ ame̱tãṅtãṅnii le̱; nohewo̱ le̱ mihã etšṍ noko ní anyãṅeo̱ ehãame̱ le̱.

Hosea 2:2

[11.] No Iudabii ke̱ Israelbii le̱ aabua amehe na ke̱-akpe, ni ame̱ato yitšo kome ame̱hã amehe, ni ame̱afã ke̱-adše̱ šikpoṅ le̱ no̱ ke̱-aba; edšake̱ Iezreel gbĩ ie̱ gbĩ wulu ni. Ies. 11,11-15. Ier. 3,18. Ezek. 37,22.

Hosea 3:4

Edšake̱ *Israelbii le̱ aahĩ ši gbĩĩ pī ni ame̱be̱ maṅtše̱, ni ame̱be̱ asafoi-atše̱, ní ame̱be̱ afo̱le, ni ame̱be̱ amãgã, ni ame̱be̱ efodlo terafim. *2 Kron. 15.3.

5 Mose 12:5

ši moṅ heni Iehowa, nye-Nyoṅmo̱ le̱, aahala ye̱ nyekutšei le̱ fẽ mli ní eke̱ egbe̱i aato dše̱i ni eke̱ dše̱i aafe ešihĩle̱he le̱, dše̱igbe̱ nyeplea ni dše̱i nyeyaä;

5 Mose 7:16

Ni ofite mãdši fẽ ní Iehowa, o-Nyoṅmo̱ le̱, aatu awo odeṅ le̱; ohĩṅme̱ii akanaame̱ mo̱bo̱, ni kāsúmo̱ ame̱nyoṅmo̱i le̱; edšake̱ no bafe tšõne ahão. Ios. 23,13.

5 Mose 7:25

Ame̱nyoṅmo̱i le̱ amãgãi le̱ nyeke̱ la ašãa; ohĩe akakõ dſie̱te̱i lo šika ní yo̱ ame̱he le̱ no̱ ní oṅõ ohã ohe, koni no akafe tšõne ní edũo; edšake̱ Iehowa, o-Nyoṅmo̱ le̱, mīhĩ.

Kojolɔi 17:5

Ni nū Mika le̱ we le̱ tšṍ nyoṅmo̱i awe, ni efe *efod ke̱ wo̱dši, ni ewo ebi-hĩĩ le̱ ateṅ mokome oso̱fo, ni eye oso̱fo ehãle̱. *8,27.

Kojolɔi 18:14

Ke̱ke̱ ni yadše hĩĩ enumo̱ le̱ ni te yasra Laiš šikpoṅ le̱ nā le̱, ame̱kē̱ ame̱-nyemimei le̱ ake: Ani nyele ake̱ ne̱ke̱ šĩai ne̱, *efod ke̱ wo̱dši ke̱ amãgã ní akpe ke̱ noni aſie ye̱ mli lo? nohewo̱ le̱ agbe̱ne̱ nyekwe̱a bo̱ni nyeafe! *17,4. 6.

Kojolɔi 18:17

Ni hĩĩ enumo̱ le̱ ni te šikpoṅ le̱ sramo̱ le̱ te, ni ame̱yabote šĩa le̱ ni ame̱-hole amãgã ni akpe le̱ ke̱ efod le̱ ke̱ wo̱dši le̱ ke̱ amãgã ni aſie le̱; nĩ oso̱fo le̱ damo̱ agbó le̱ nā ke̱ hĩĩ ohai-ekpa ni emĩa ke̱ tawūnii le̱.

Kojolɔi 2:2

ni nye hũ nyeke̱ šikpoṅ ne̱ no̱ bii le̱ akakpãṅa kpãṅmo̱ ko; *ame̱fo̱lešãlate̱i le̱ nyekũmo̱a! Ši nyeboo migbē toi. Mẽba nyefe nakai? *5 Mose 7,2-5.

Kojolɔi 2:3

Nohewo̱ le̱ mi hũ mīkē̱ ake̱: Miſieṅame̱ ye̱ nyehĩe, ši ame̱atšṍmo̱ ṅmei ye̱ nyeṅmãwuiaṅ, ni ame̱nyoṅmo̱i le̱ aatšṍmo̱ tšõneĩ ahãnye. Ios. 23,18.

Kojolɔi 6:11

Ke̱ke̱ ni Iehowa bo̱fo le̱ ba ebatá blo̱fo-yo̱itšo ní yo̱ Ofra ni dši Ioaš, Abiezernyo le̱, nõ le̱ šiši. Ni ebi Gideon le̱ mīgbē ṅmā̃ ye̱ weinbu le̱ mli, koni eke̱-tē Midian le̱.

Kojolɔi 6:24

Ke̱ke̱ ni Gideon mã afo̱lešãlate̱ ye̱ dše̱i ehã Iehowa, ni etšē̱le̱ ake̱: Iehowa Šalom. Eye̱ Ofra ní dši Abiezerbii le̱ anõ le̱ ke̱-baši ṅme̱ne̱.

Kojolɔi 8:26

Ni šika dſinei ni ebi le̱ anã ši šekeli akpe ke̱ ohai-kpawo; sõro nyoṅtsĕre-fãfãi ke̱ toiiaṅnii ke̱ afaseo atadei ni Midian maṅtše̱mei le̱ wowō le̱, ke̱ kõsõṅkõsõi ní yo̱ ame̱yomai akue̱i le̱.

Kojolɔi 8:28

Ne̱ke̱ afe aba Midian ši ye̱ Israelbii le̱ ahĩe, ni ame̱wóó ame̱yi no̱ doṅṅ. Ni šikpoṅ le̱ no̱ dšo̱ *afii nyoṅmai-edſe̱ gbĩĩ abo̱ ni Gideon yo̱ le̱, *3,11; 5,31.