Kojolɔi 8:24 - Ṅmãle̱ Kroṅkroṅ Le̱

²⁴ Ni Gideon kē̱ame̱ ake̱: Mibabinye noko, no dši ake̱ nyeteṅ mofẽmo aṅõ dſinei ní eha le̱ ehãmi! Edšake̱ ake̱-ní Išmaelbii dšiame̱ hewo̱ le̱, ame̱hĩe šika dſinei.

ŊMALƐ KRƆŊKRƆŊ LƐ

²⁴ Kɛkɛ ni ekɛɛ, “Mibabi nyɛ nɔ ko; no ji akɛ nyɛteŋ mɔ fɛɛ mɔ kɛ shika toiiaŋnii ni eha lɛ ahã mi!” (Ejaakɛ akɛni Ishmaelbii ji Midianbii lɛ hewɔ lɛ, amɛwo shika toiiaŋnii).

Kojolɔi 8:24 ပူးပေါင်းရင်းမြစ်များ

1 Mose 24:22

Ni eba mli ake̱, beni yomai le̱ enu etã le̱, nū le̱ ṅõ šika ga ní nā ṅmẽo̱ šekel fã ke̱ ninešigai enyo̱ ni nā ṅmẽo̱ šika šekeli nyõṅma, ni eke̱-wo enine,

1 Mose 24:53

Ni tšũlo̱ le̱ dšie dſie̱te̱i nibii ke̱ šika nibii ke̱ mamai ke̱-ba, ni eke̱-bahã Rebeka; ni esā ehã enyeminũ le̱ ke̱ enye hū nibii ní dšra wa.

1 Mose 25:12

Ni meue̱mei dši Abraham bi Išmael ni Mizraimyō Hagar ní dši Sara weyõ le̱ ke̱ Abraham fo̱ le̱ *sešibii: *21,13.

1 Mose 25:13

Išmaelbii le̱ agbe̱ii ni aṅõ-tšē̱o̱ ame̱-sešibii le̱ ne̱: Išmael kromo̱bi le̱ Nebaiot, ke̱ Kedar ke̱ Adbeel ke̱ Mibsam,

1 Mose 35:4

Mi ame̱ṅõ maṅse̱ nyoṅmo̱i le̱ fẽ ni yo̱ ame̱deṅ le̱ ke̱ ame̱toiiaṅnii le̱ ame̱hã Iakob, ni Iakob ṅõ-tẽ *tšo kple ko ni yo̱ Šekem mase̱i le̱ šiši. *Ios. 24,26. Kods. 9,6.

1 Mose 37:25

Ni ame̱ho ame̱trá ši ni ame̱baye nii. Ni ame̱hole ame̱hĩṅme̱ii ano̱ ame̱kwe̱ ni na, Išmaelbii gbe̱nyielo̱i asafo ko dše̱ Gilead miba ke̱ ame̱yomai ni tĕre tšofãi-ke̱-ṅmai ke̱ gbonyowō tšofã ke̱ ohe̱ ni dšeo̱ ṅma ke̱-mĩya Mizraim.

1 Mose 37:28

Ni *Midianbii ni dši guo̱yelo̱i le̱ baho; ni ame̱yagbla Iosef ni ame̱dšiele̱ ye̱ bu le̱ mli, ni ame̱yahõ Iosef ame̱hã Išmaelbii le̱ ame̱he dſie̱te̱i kukudši nyoṅmai-enyo. Ni ameke Iosef te Mizraim. *26,2.

1 Maŋtsɛmɛi 20:11

Ši Israel maṅtše̱ le̱ here no̱ ni ekē̱: Nyeyakē̱ale̱ ake̱: Moni mīaã ní eyawu ta le̱ akaſã tamo̱ moni edšie tawūnii eſie ši!

2 Mose 12:35

Ni Israelbii le̱ fe bo̱ni Mose ekē̱ame̱ le̱, ni *ame̱băla dſie̱te̱inii ke̱ šikanii ke̱ mamai ye̱ Mizraimbii le̱ adeṅ; *11,2.

2 Mose 32:3

Ni maṅ le̱ fẽ kplo šika toiiaṅnii ní yo̱ ame̱toiiaṅ le̱, ni ame̱ke̱-bahã Aaron.

2 Mose 32:4

Ni ehe ye̱ ame̱dẽ, ni eke̱ nikpe̱mo̱ dade kpe̱ ni eſiele̱ tšinabi; ni ame̱kē̱: Israel, ene̱mei dši onyoṅmo̱i ní dšieo ke̱-dše̱ Mizraim šikpoṅ le̱ no̱ le̱! Lal. 106,19. 20. 1 Maṅ. 12,28. Bo̱f. 7,41.

2 Mose 32:8

ame̱dše gbe̱ ní *mitšõame̱ le̱ no̱ ame̱tšṍ afã oyá ne̱; ame̱fe tšinabi ní aſie, ni ame̱dšále̱, ni amešã afo̱le amehãle̱, ni †ame̱kē̱: Israel, ene̱mei dši onyoṅmo̱i le̱ ni yadšieo ke̱-dše̱ Mizraim šikpoṅ le̱ no̱ ke̱-ba le̱! *20,4. 23. †32,4.

Ezekiel 7:20

Ewulamo̱nii ni yo̱ fe̱o le̱ ame̱ke̱-fe hewõnii, ni ame̱ke̱-fe ame̱nihĩnii amãgãi le̱ ke̱ ame̱tãṅtãṅnii le̱; nohewo̱ le̱ mihã etšṍ noko ní anyãṅeo̱ ehãame̱ le̱.

Kojolɔi 8:25

Ni ame̱kē̱: Wo̱o̱hã ke̱ mīše̱! Ni ame̱ṅõ mama ame̱lē̱ ši, ni ame̱teṅ mofẽmo še̱re̱ dſinei ni eha le̱ eſie mli.

1 Samuel 25:11

Koni bēle̱ miṅõ mibolo ke̱ minu ke̱ milō ní migbe mihā mitõhetšo̱ikulo̱i le̱, ni miṅõ-hā hĩĩ ní milee heni ame̱-dše̱ le̱, be̱?