Kojolɔi 6:21 - Ṅmãle̱ Kroṅkroṅ Le̱

²¹ Ke̱ke̱ ni Iehowa bo̱fo le̱ kpã edẽhĩemo̱tšo ní ehĩe le̱ mli ni eke̱-sa lō le̱ ke̱ akpĩtĩ le̱ he; ni *la dše̱ te̱sā le̱ mli ni ebaye lō le̱ ke̱ akpĩtĩ le̱. Ni Iehowa bo̱fo le̱ lãdše ye̱ ehĩe. *3 Mose 9,24.

ŊMALƐ KRƆŊKRƆŊ LƐ

²¹ Gideon fee nakai. Kɛkɛ ni Yehowa bɔfo lɛ kpã edɛhiɛmɔtso lɛ mli, ni ekɛ tso lɛ naabu sa loo lɛ kɛ akpiti lɛ he. La jɛ tɛsaa lɛ mli ni ebashã loo lɛ kɛ akpiti lɛ wɛɛ. Kɛkɛ ni Yehowa bɔfo lɛ laaje yɛ Gideon hiɛ.

Kojolɔi 6:21 ပူးပေါင်းရင်းမြစ်များ

1 Maŋtsɛmɛi 18:38

Ke̱ke̱ ni Iehowa *la le̱ bayi ši, ni ebašã šã-afo̱le le̱ ke̱ lai le̱ ke̱ te̱i le̱ ke̱ sũ le̱, ni nu le̱ ni yo̱ bu le̱ mli le̱ tete ele̱mo̱. *3 Mose 9,24.

1 Kronika 21:26

Ni David mã afo̱lešãlate̱ le̱ ye̱ dše̱i ehã Iehowa, ni ešã šã-afo̱lei ke̱ šidā-afo̱lei; ni beni etšé̱ Iehowa le̱, eke̱ *la dše̱ ṅwei herele̱ no̱ ye̱ šã-afo̱lelate̱ le̱ no̱. *1 Maṅ. 18,24.

2 Kronika 7:1

Ni beni Salomo gbe so̱lemo̱ le̱ nā le̱, *la dše̱ ṅwei ba ni ebašã šã-afo̱le le̱ ke̱ afo̱lei krokomei le̱, ní †Iehowa anumnyam le̱ yi šĩa le̱ obõ. *3 Mose 9,24. 1 Maṅ. 18,38. †2 Mose 40,34.

Yesaia 38:7

Ni ene̱ aafe okadi ní dše̱ Iehowa deṅ ahão ake̱ Iehowa bafe nii ní ekē̱ le̱:

3 Mose 9:24

ni *la dše̱ Iehowa hĩe ni ešã afo̱lešãlate̱ le̱ no̱ šā̃-afo̱le le̱ ke̱ fo̱i le̱. Ni maṅ mū le̱ fẽ na, ni ame̱blo̱ ke̱ mīše̱, ni ame̱ke̱ ame̱hĩeaṅ bumo̱ ši. *2 Kron. 7,1.

Kojolɔi 13:19

Ke̱ke̱ ni Manoa ṅõ abotiabi le̱ ke̱ niyenii-afo̱le le̱, ni eke̱-šá afo̱le ye̱ te̱sā le no̱ ehā Iehowa. *Ni bo̱fo le̱ fe nākpe̱ noko ye̱ Manoa ke̱ eṅã le̱ hĩe. *6,21.

Kojolɔi 13:20

Ni eba mli ake̱, beni lalĩle̱i le̱ te ši ke̱-dše̱ afo̱lešãlate̱ le̱ no̱ ke̱-yaã ṅwei le̱, Iehowa bo̱fo le̱ tšṍ afo̱lešãlate̱ le̱ no̱ lalile̱i le̱ mli ekwo̱ ke̱-te ṅwei, ni beni Manoa ke̱ eṅã le̱ na le̱, ame̱ke̱ ame̱hĩe bumo̱ ši ye̱ šikpoṅ.

Kojolɔi 6:20

Ši Nyoṅmo̱ bo̱fo le̱ kē̱le̱ ake̱: Ṅõ lō le̱ ke̱ akpĩtĩ le̱ oſie te̱sā ne̱ no̱, ni ofo̱se ehe-nu le̱ oſie no̱! Ni efe nakai.