Hosea 9:3 - Ṅmãle̱ Kroṅkroṅ Le̱

³ Ame̱hĩĩ ši ye̱ Iehowa šikpoṅ le̱ no̱; ši Efraim *aakũ ese̱ ate Mizraim, ni ame̱ayaye nii ní he tšee ye̱ Ašur. *8,13.

ŊMALƐ KRƆŊKRƆŊ LƐ

³ Asaŋ Israel ehiŋ Yehowa shikpɔŋ lɛ nɔ, shi ebaaku sɛɛ eya Ijipt nyɔŋyeli mli; ni amɛaayaye nii ni he tseee yɛ Asiria.

Hosea 9:3 ပူးပေါင်းရင်းမြစ်များ

1 Maŋtsɛmɛi 9:7

no le̱ *makpãtã Israel hĩe ke̱-dše šikpoṅ ní miṅõ-hãame̱ le̱ no̱; ni ne̱ke̱ †šĩa ne̱ ní mifele̱ kroṅkroṅ mihã migbe̱i le̱, maše̱le̱ mafõ ke̱-adše̱ mihĩe; ni Israel aatšṍ abe̱būnõ ke̱ kpā-lamo̱nõ ye̱ mãdši-mãdši fẽ ateṅ. *5 Mose 4,20; 8,19. 20; †Mat. 23,38.

2 Maŋtsɛmɛi 17:6

Hošea yino̱ afi ní dši ne̱hũ le̱ no̱ le̱ Ašur maṅtše̱ le̱ ṅõ Samaria, ni eṅõ Israel nom ke̱-te Ašur, ni eṅõame̱ eyato Hala ke̱ Habor ke̱ Gozan fā le̱ nā ke̱ Mediabii amãdši le̱ amli.

Yeremia 16:18

Ši tšutšu le̱ mawo ame̱nišaianii ke̱ ame̱he esa le̱ he nyõmo̱ toi enyo̱; edšake̱ ame̱ke̱ ame̱tãṅtãṅnii le̱ agbohĩï le̱ ebule mišikpoṅ le̱, ni ame̱ke̱ ame̱nihĩnii le̱ ewo migbe̱fãṅnõ le̱ obõ.

Yeremia 2:7

Ni mike̱nye ba šikpoṅ ní baä nii no̱, koni nyeye eno̱ yibii ke̱ eno̱ nii kpakpai; ši beni nyeba le̱, nyebabule mišikpoṅ le̱, ni nyefe mino̱yelinõ le̱ noni anyãṅeo̱.

Yāfó 5:6

Wo̱ke̱ wo̱he hã Mizraim ke̱ Ašur, koni wo̱ná nii wo̱ye ni wo̱tŏ̱ro̱.

Ezekiel 4:13

Ni Iehowa kē̱: Nakai pe̱ Israelbii le̱ aaye ame̱niyenii ní abule le̱ ye̱ dšeṅmãdši le̱ ateṅ, heni mibaſieame̱ ke̱-ya le̱.

Daniel 1:8

Ni Daniel kpe̱ mli ye̱ etšui mli ake̱ eke̱ maṅtše̱ le̱ niyenii ke̱ ewein ní enuo̱ le̱ buleṅ ehe, ni ekpa piafoi le̱ anukpa le̱ fai, koni ekabule ehe. 3 Mose 11.

Hosea 11:11

Ame̱ke̱ hekpokpomo̱ aadše Mizraim aba tamo̱ loflõ, ni ame̱adše̱ Ašur šikpoṅ le̱ no̱ ame̱aba tamo̱ okpo; ni mahã ame̱-bahī ame̱wei le̱! Iehowa kē̱.

Hosea 11:5

Ekũṅ ene̱ ke̱-yaṅ Mizraim šikpoṅ le̱ no̱ doṅṅ, ši Ašur dši emaṅtše̱; edšake̱ ame̱kplẽẽ se̱kū̃.

Hosea 7:11

Ši Efraim etšṍ tamo̱ okpo kwašia ni be̱ yitšoṅ: Mizraim ame̱tšē̱o̱, Ašur ame̱yaä. 5,13; 12,2.

Hosea 7:16

Ame̱kūo̱ ame̱se̱, ši dšee ṅweigbe̱; *ame̱tamo̱ gãitšo gbonyo. Ame̱lumei le̱ aanyõnyõi ye̱ klante nā, ye̱ ame̱lile̱i grimo̱ le̱ hewo̱; ene̱ aatšṍ noni ake̱-yeo̱ amehe fe̱o ye̱ Mizraim šikpoṅ le̱ no. *Lal. 78,57.

Hosea 8:13

Ame̱gbeo̱ *mifo̱lei le̱ tamo̱ lō ke̱-ke̱ ni ame̱yeo̱; Iehowa náá ame̱he tšui. Agbe̱ne̱ eekaĩ ame̱nišaianii le̱, ni eewo amehe ešai le̱ ahe nyõmo̱; †ame̱akũ ame̱-se ke̱-ate Mizraim. *Ies. 1,11. †Hos. 9,3. 5 Mose 28,68.

Hosea 9:6

Edšake̱ na, ame̱dše hĩekpãtãmo̱ mli ame̱te; Mizraim aababua ame̱nã, Memfis aabafũame̱. Ame̱dſie̱te̱i nibii fe̱fe̱dši le̱, *sãnsrõi aaṅõ, ni ṅmeitšei aamãmo̱ ame̱bũi le̱ amli. *10,8.

3 Mose 18:28

koni šikpoṅ le̱ akaſenye hũ eſie, take̱ bo̱ni eſe dšeṅmaṅ ni tšṍ nyehĩe le̱ eſie le̱, kē̱ nyebulele̱ le̱.

3 Mose 20:22

Nohewo̱ le̱ nyebua mikpo̱i le̱ fẽ ke̱ migbe̱nānii le̱ fẽ, ni nyeye no̱, koni šikpoṅ ní mike̱nye aaba no̱, koni nyehĩ no̱ le̱, akaſenye mīſie.

3 Mose 25:23

Nohewo̱ le̱ šikpoṅ le̱, nyekahõa kwrakwra, edšake̱ minõ dši šikpoṅ le̱, edša-ke̱ *miwe gbe̱i ke̱ mišĩa gbomei dšinye. *Lal. 39,13.

Amos 7:17

Hewo̱ le̱ bo̱ni Iehowa kē̱ ne̱: Oṅã aatšṍ adſamaṅ ye̱ mã le̱ṅ, ni obihĩĩ ke̱ obiyei le̱ aanyõlyõi ye̱ klante nā, ni ošikpoṅ le̱, ake̱ susumo̱kpã aadša mli, ni bodientše̱ le̱, ooyagbo ye̱ šikpoṅ ko ní he tšee no̱, ni Israel le̱, nom kẽ aaṅōame̱ ke̱-adše̱ ame̱šikpoṅ le no̱ ke̱-ate!

Mika 2:10

Nyetea ši ní nyeyaā! edšake̱ dšee nyehedšō̱mo̱be ne̱, ye̱ mũdšinii ní ke̱ hĩekpãtãmo̱ ní nā wa baä le̱ hewo̱.

Bɔfoi 10:14

Ši Petro kē̱: Dabida, Nuṅtšo̱, edšake̱ miyeko yakayaka noko lo noko ní he tšee dã́. Ezek. 4,14. 3 Mose 11.

5 Mose 28:63

Ni aaba mli ake̱, bo̱ni Iehowa nyã́ he ake̱ eefenye edšŭrõ ní ehã nyeyi afá le̱, nakai noṅṅ Iehowa *aanyã́ he ake̱ eekpãtã nyehĩe ni efitenye, ni aafãmo̱nye ke̱-adše̱ šikpoṅ ní nyeyaä nyeyaṅõ le̱ no̱ aſie. *Abe̱i 1,26.

5 Mose 28:68

Ni Iehowa aaṅõo ke̱-ate Mizraim ekoṅ ye̱ le̱dši amli ye̱ gbe̱ ní mikē̱o ye̱ he ake̱: *Onaṅ doṅṅ le̱ no̱, ni aahõhō̃nye ahã nyehenye̱lo̱i le̱ ye̱ dše̱i ake̱ nyṍdšihĩĩ ke̱ nyódšiyei, ni moko heṅnye tete. *17,16. Hos. 8,13.

5 Mose 4:26

no le̱ ṅme̱ne̱ *mītšé̱ ṅwei ke̱ šikpoṅ ní ame̱ye odase ame̱šinye, ake̱ kpãtãmo̱ nyehĩe bakpãtã oyá ke̱-adše̱ šikpoṅ ní nyebafo Iordan ke̱-ya ní nyeyaṅō le̱ no̱; nyeyeṅ gbĩ ko ye̱ no̱, ši moṅ kpãtãmo̱ aakpãtã nyehĩe. 30,19; 31,28; 32,1.

Yoshua 23:15

Ši aaba mli ake̱, bo̱ni nibii kpakpai fẽ ní Iehowa, nye-Nyoṅmo̱ le̱, ewonye ši le̱ eba mli ehãnye le̱, nakai noṅṅ kẽ Iehowa aahã nibii fõdši le̱ ſẽ hũ aba nyeno̱, ke̱-yaši beyino̱ ní eekpãtã nyehĩe ke̱-adše̱ šikpoṅ kpakpa ní Iehowa, nye-Nyoṅmo̱ le̱, eṅõ-hãnye ne̱ no̱.