Hosea 3:5 - Ṅmãle̱ Kroṅkroṅ Le̱

⁵ Ké̱ fe se̱ le̱ Israelbii le̱ aakũ ame̱se̱, ni ame̱abatao Iehowa, ame̱-Nyoṅmo̱ le̱, ke̱ *ame̱maṅtše̱ David le̱; ni ame̱ke̱ hekpokpomo̱ aaba Iehowa ke̱ enõkpakpafemo̱ le̱ ṅõ ye̱ nāgbē gbĩĩ le̱ amli. *Ier. 50,9. 21. 22. Ezek. 34,23. 24.

ŊMALƐ KRƆŊKRƆŊ LƐ

⁵ Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Hosea 3:5 ပူးပေါင်းရင်းမြစ်များ

1 Maŋtsɛmɛi 12:16

Ni *beni Israel fẽ na ake̱ maṅtše̱ le̱ booame̱ toi le̱, maṅ le̱ hã maṅtše̱ le̱ hetō ame̱kē̱: †Mẽ gbe̱na wo̱yo̱ ye̱ David ṅõ? ni asaṅ wo̱be̱ gbe̱fãṅnõ ko ye̱ Išai bi le̱ ṅõ; nyeyaä nyebūi amli, Israel! Agbe̱ne̱ kwe̱ bodientše̱ owe, David! Ke̱-ke̱ ni Israel yiṅ ke̱-te ame̱būi amli. *Abe̱i 15,1. †2 Sam. 20,1.

Yesaia 17:7

Nakai gbĩ le̱ no̱ le̱ gbomo hĩe aatšṍ efelo̱ le̱, nĩ ehĩṅme̱ii aakwe̱ Israel Mokroṅkroṅ le̱ gbe̱;

Yesaia 2:2

Ni aaba mli ake nāgbē gbĩĩ le̱ amli le̱, Iehowa we le̱ goṅ le̱ aamã ši ye̱ gõdši le̱ ayiteaṅ, ni aawo eno̱ fè goṅkpo̱i le̱; ni dšeṅmãdši fè aaho ke̱-aba he; Ier. 3,17.

Yesaia 2:3

ni mãdšimãdši pī aate ayakē̱ ake: Nyebaä ní wo̱yakwo̱a Iehowa goṅ le̱, ke̱-yaä Iakob Nyoṅmo̱ le̱ we le̱, koni etšõwo̱ egbè̱i le̱, ni wo̱nyie etempõṅi le̱ ano̱! Edšake̱ mla le̱, Zion ebadše̱, ni Iehowa wiemo le̱, Ierusalem ebadše̱. Ioh 4,22.

Yesaia 60:5

No le̱ oona, ni ohĩe aakpe̱ ke̱ mīše̱, otšui aakpokpo ni emli hũ aale; edšake̱ mei babaō aadše̱ ṅšo̱ṅ aba oṅõ, dšeṅmãdši le̱ ahewale̱ le̱ aaba oṅõ.

Yesaia 9:13

[14.] Hewo̱ le̱ Iehowa *aafo yitšo ke̱ lei, pãmpã ke̱ gãlã gbĩ kome ye̱ Israel. *10,3.

Yeremia 23:5

Na, gbĩĩ mība, Iehowa kē̱, ní matē *tšofo̱ ko ní dša ši mahã David, ni †eeye maṅtše̱ ni eefe enii ye̱ nilē mli, ni eekodšo ni eeye dšale̱ sane ye̱ šikpoṅ le̱ no̱. *Zak. 3,8: 5,12. †Ies. 32,1.

Yeremia 30:24

Iehowa mlifũ ní nā wa le̱ kpaleṅ ke̱-yaši beyino̱ ní eefe egbe nā ni eehã etšui mli yiṅtōi le̱ aba mli, ni nāgbē gbĩĩ le̱ amli le̱ nyeana šiši!

Yeremia 30:9

ši ame̱asúmo̱ Iehowa, ame̱-Nyoṅmo̱ le̱, ke̱ *David, ame̱maṅtše̱ le̱, moni matēle̱ ši mahãame̱ le̱! *23,6. Ezek. 34,23.

Yeremia 33:17

Edšake̱ bo̱ni Iehowa kē̱ ne̱: Nū ní aatá Israel we le̱ maṅtše̱sẽi le̱ no̱ ebo̱ṅ David. 2 Sam. 7,12. 1 Maṅ. 9,5.

Yeremia 33:9

Ni eetšṍ mliflimo̱ gbe̱i ehãmi, ke̱ yidšiemo̱ ke̱ anumnyam ye̱ šikpoṅ le̱ no̱ dšeṅmãdši fẽ ni aanu edšŭrõ fẽ ní mifeo̱ame̱ le̱ he le̱ ahĩe, ni ame̱tšui aafã ni ame̱he aakpokpo ye̱ edšŭrõ fẽ ke̱ hedšo̱le̱ fẽ ni mahãle̱ le̱ hewo̱.

Ezekiel 16:63

beni afe ní *okai ni ohĩe agbo, ni okatſa odāṅ doṅṅ ye̱ ohĩegbĕle le̱ hewo̱, beni mike̱ nii ní ofe le̱ fẽ efao le̱, Nuṅtšo̱ Iehowa kē̱. *36,31-32.

Ezekiel 38:16

Ni oofă ke̱-aba mimaṅ Israel no̱, tamo̱ atatu ní baha šikpoṅ le̱ no̱. Nāgbē gbĩĩ le̱ amli le̱ eeba mli ake̱ mahã obatua mišikpoṅ le̱, koni dšeṅmãdši le̱ aná alemi, beni aafemi kroṅkroṅ ye̱ omli ye̱ ame̱hĩe le̱, ō Gog!

Ezekiel 38:8

Gbĩĩ pī ase̱ le̱ aabasrao, ni nāgbe afii le̱ amli le̱ ooba šikpoṅ ní adšie ke̱-dše̱ klante nā ke̱-kũ se̱ ke̱-ba, ni abua nā ke̱-dše̱ mãdšimãdši babaō mli ke̱-ba Israel gõdši le̱ ní kãmo̱ ši efodši dā le̱ ano̱; ši adšiele̱ ke̱-dše̱ mãdšimãdši le̱ amli, ni ame̱fẽ-tſẽm ame̱ahĩ ši ſeſēſe.

Daniel 10:14

Ni agbe̱ne̱ miba ní *mibatšõo noni baba omaṅ le̱ no̱ ye̱ nāgbē gbĩĩ le̱ amli; edšake̱ gbĩĩ ní baba le̱ ahe ninā kroko ye̱ lolo. *9,22.

Daniel 2:28

ši Nyoṅmo̱ ko ye̱ ṅwei ní dšieo̱; tēmo̱sãdši aši, ni ētšõ maṅtše̱ Nebukadnezar noni baba wó̱se̱. Olamõ ke̱ oyitšoṅ ninā ní ona, beni okã osā le̱ no̱ le̱, ne̱:

Hosea 11:10

Ame̱anyie Iehowa se̱; *eehū̃ tamo̱ dšata; edšake̱ eehū̃, ni †bii le̱ ke̱ hekpokpomo̱ aadše̱ anaigbe̱ aba. *Ies. 31,4. 6. Ier. 25,30. †Hos. 2,1.

Hosea 5:15

Makũ mise̱ ke̱-ate migbe̱he le̱, ke̱-yaši beyino̱ ní ame̱akalẽ ame̱tõmo̱ le̱ ni ameabatao mihĩegbe̱; *ké̱ efĩame̱ le̱, ame̱-ataomi mrã. *Ies. 25,13.

Hosea 5:6

*Ame̱ke̱ ame̱tōi ke̱ ame̱tšinai le̱ aate ayatao Iehowa, ši ame̱naṅle̱: egbla ehe ši ke̱-dše̱ ame̱ṅõ. *Ies. 1,11-15.

Hosea 6:1

“Nyebaä ní wo̱kũa wo̱se̱ wo̱yaä Iehowa ṅõ! Edšake̱ *le̱ etšere̱ wo̱mli, ni esā eetšáwo̱; le̱ etſiawo̱ nii, ni esā eefĩmo̱ no̱ ehãwo̱. *5,14.

Amos 9:11

Nakai gbĩ le̱ no̱ le̱ *matē David bū ní egbē ši le̱ ši mamã ši, ni matšĩmo̱ emli fodši le̱, ni matē etšũkói le̱ aši mamãmo̱ ši, ni matſale̱ take̱ bo̱ni eyo̱ ye̱ blema gbĩĩ le̱ amli le̱; *Bo̱f. 15,16. 17.

Mika 4:1

Ni aaba mli ake̱ nāgbē gbĩĩ le̱ amli le̱ Iehowa we goṅ le̱ aamā ši ye̱ gõdši le̱ ayiteaṅ, ni aawó eno̱ fè goṅkpo̱i le̱; ni mãdšimãdši aaho ke̱-aba he;

4 Mose 24:14

Ni agbe̱ne̱, na, mi le̱ miya mimaṅ; ši na, mibatſao adafi noni ne̱ke̱ maṅ ne̱ aafe omaṅ le̱ wó̱se̱ ko.

Romabii 11:25

Edšake̱ misumo̱o̱ ake̱ mašiunye ne̱ke̱ tēmo̱sane ne̱ no̱, anyemimei, koni nyekabu nyehe olētei, ake̱: wadšemo̱ awadše Israel fã-ke̱-fã *ke̱-yaši beyino̱ ni dšeṅmãdši le̱ ayifále̱ le̱ aaba mli, *Luk. 21,24. Ioh. 10,16.

Romabii 2:4

Alo gbe ogbeo̱ emlihīle̱ ke̱ eyišiṅmē̃ ke̱ etšuišitō babaō le̱ he guo̱, ši olee ake̱ Nyoṅmo̱ mlihīle̱ le̱ wa ewaäo ní oſa ohe? 2 Pet. 8,15.

5 Mose 4:30

Be mli ní oyo̱ amanehũlũ mli ni ene̱mei fẽ eba ono̱ ye̱ nāgbẽ gbĩĩ le̱ ano̱ le̱, no le̱ ookũ ose̱ ke̱-aba Iehowa, o-Nyoṅmo̱ le̱, ṅõ, ni oobo egbẽ toi. 3 Mose 26,40.