Hosea 10:4 - Ṅmãle̱ Kroṅkroṅ Le̱

⁴ Ame̱wie wiemo̱i, ame̱kãmo̱ amale kitãi ame̱ke̱-kpãṅ kpãṅmo̱i; nohewo̱ le̱ kodšomo̱ kwẽ tamo̱ ṅkonyobii ye̱ ṅmõši akofii le̱ ano̱.

ŊMALƐ KRƆŊKRƆŊ LƐ

⁴ Amɛwieɔ huu kɛkɛ ni amɛleee nɔ ni amɛwieɔ lɛ. Amɛwoɔ shi babaoo ni amɛle akɛ amɛyeŋ nɔ, ni amɛkpãŋɔ kpãŋmɔi yaka ni sɛɛnamɔ bɛ he. No hewɔ lɛ, toigbalamɔ baatsɔ̃ tamɔ ebɔɔ ŋmei ni efɛ̃ shi yɛ ŋmɔshi akofii anɔ ahã amɛ.

Hosea 10:4 ပူးပေါင်းရင်းမြစ်များ

Yesaia 5:7

Edšake̱ Iehowa Zebaot weintrom dši Israel we le̱, ni Iudahĩĩ le̱ hũ, eṅmõ ni esumoo̱ ni. Ši ekwe̱ kodšomo̱ gbe, ni na, amimyeli yo̱; ekwe̱ dšale̱ gbe̱, ni na, yāfó yo̱!

Hosea 4:2

Noni eſe̱ame̱ pe̱ dši kitãkãmo̱ ke̱ kũtũmpo̱oyeli ke̱ gbomogbē ke̱ dšū ke̱ gblãfitemo̱; ame̱gbulo̱ö̱ šĩai ame̱woo̱ mli, ni lášiſiemo̱ tša lášiſiemo̱ no̱.

Hosea 6:7

Ši ame̱ le̱ ame̱tõ kpãṅmo̱ le̱ *tamo̱ Adam, dše̱i ame̱yemi kũtũmpo̱o ye̱. *1 Mose 3,6.

Amos 5:7

Nye mei ni nyeṅõo̱ *dšale̱ saneyeli nyefeo̱ tatšo, ni nyeṅõo̱ dšale̱ nyetſaä šikpoṅ le̱! *6,12. Ies. 6,20.

Amos 6:12

Ani okpo̱ṅo̱i dšoo̱ foi ye̱ te̱sā no̱, alo ake̱ tšinai hũo̱ dše̱i hewo̱ ni *nyetšake dšale̱ saneyeli nyefe ebō̱, ni nyeṅõ dšale̱ yibii nyefe tatšo? *5,7.

Bɔfoi 8:23

Edšake̱ mina ake̱ ko̱liko̱ dšōmo̱ le̱ ke̱ nõša kpã le̱ mli okã ne̱.

Romabii 1:31

mei ni be̱ yitšeiaṅ, kpãṅmo̱-mli-kũlo̱i, mei ní edo̱o̱ mo he, kũtũmpo̱foi, yiwalo̱i;

5 Mose 29:18

Ni ebaba mli ake̱, ké̱ enu ne̱ke̱ kitã ne̱ wiemoi le̱, ní ehã ehe tšui, ekē̱: Minyie mitsui wadšemo̱ mli moṅ, kẽle̱ mihe badšo̱mi; ní abafite moni eto̱ kpo̱tō̱ le̱ ke̱ moni kũmai yeo̱le̱ le̱ fẽ šikome!

5 Mose 31:16

Ni Iehowa kē̱ Mose ake̱: Na, oke̱ otše̱mei le̱ yawo̱, ni ne̱ke̱ maṅ ne̱ bate ši ayabo̱ adſamaṅ ke̱-nyie šikpoṅ ní ame̱yaä no̱ le̱ no̱ nyoṅmo̱i kpõdši le̱ ase̱, ni ame̱ašĩmi, ni ame̱akũ mikpãṅmo̱ ní mike̱ame̱ kpãṅ le̱ mli.

5 Mose 31:17

Ni mimli aawoame̱ la ye̱ nakai gbĩ le̱ no̱, ni makwaame̱, ni maṅõ mihĩe matēame̱, ni aayeame̱, ni nifõdši babaō ke̱ fĩmo̱i aaba ame̱no̱. Ni nakai gbĩ le̱ no̱ le̱ ame̱akē̱ ake̱: Aso dšee Iehowa, wo̱-Nyoṅmo̱ le̱, ní be̱ wo̱teṅ hewo̱ ni ne̱ke̱ nifõdši ne̱ eba wo̱no̱ ne̱?

2 Timoteo 3:3

mei ni edo̱o̱ mo he, kpãṅmo̱-mlikũ-lo̱i, ošekuyelo̱i, mei ni nyẽẽ ame̱ko̱no̱ no̱ ame̱ye, mei ni hĩe yo̱ la, mei ni sumo̱o̱ ekpakpa,

Hebribii 12:15

ni nyekwe̱a ní ahĩa, koni moko akaṅmē̃ Nyoṅmo̱ dromo̱ le̱ he, koni *ši-šifã-ke̱-dšōmo̱ ko akakwẽ ní ehaonye ni aṅõ-bule mei pī; *5 Mose 29,17.