Hiob 2:12 - Ṅmãle̱ Kroṅkroṅ Le̱

¹² Ni ame̱hole ame̱hĩṅme̱ii ano̱ ye̱šoṅṅ, ši ame̱yoole̱; ke̱ke̱ ni ame̱hole ame̱gbēi ano̱ ni ame̱fó, ni ame̱teṅ mofẽmo gbla ehe atadei, ni ame̱gbe̱ mlu ke̱-te ṅwei ame̱wo ame̱yiteaṅ.

ŊMALƐ KRƆŊKRƆŊ LƐ

¹² Nanemɛi nɛɛ na Hiob yɛ shɔŋŋ, shi amɛyooo lɛ. Shi be ni amɛyoo Hiob lɛ, amɛfo waa; amɛteŋ mɔ fɛɛ mɔ kɛ dɔlɛ gbala ehe atade, ni amɛloo mlu amɛwo amɛyiteiaŋ.

Hiob 2:12 ပူးပေါင်းရင်းမြစ်များ

1 Mose 27:34

Ni beni Esau nu etše̱ wiemo̱i le̱, ebo wā dientše̱ ke̱ aw̌ere̱hō babaō, ni ekē̱ etše̱ ake̱: Mi hũ, dšō̱mo̱mi eko, mitše̱! Heb. 12,17.

2 Samuel 13:36

Ni eba mli ake̱ amrõ pe̱ ni egbe wiemo̱ le̱ nā le̱, na, maṅtše̱bii le̱ ba, ni ame̱wó ame̱gbē no̱ ni ame̱fó; ni maṅtše̱ le̱ hũ ke̱ etšũdši le̱ fẽ fó āhũ.

Ezra 9:3

Ni beni minu ne̱ke̱ sane ne̱, *migbla mihe atade ke̱ mihebo le̱, ni mifãmo̱ miyiteṅ tšo̱i ke̱ mĩtšẽṅ, ni mihe dšõ mihe ke̱-tá ši. *1 Mose 37,34.

Nehemia 9:1

Ši ne̱ke̱ nyõṅ ne̱ no̱ gbĩ ní dši gbĩ nyoṅmai-enyo̱ ke̱ edſe̱ le̱ no̱ le̱ Israelbii le̱ bakpe ni ame̱hĩ ṅmā̃ ni ame̱bumo̱ kpekpei ni ame̱ke̱ mlu wo ame̱yiteaṅ.

Ester 4:1

Ši beni Mordekai ná le nibii ní afe le̱ fẽ le̱, Mordekai gbla ehe atadei ni ewo kpekpe ni elõ lamlu eſĩe eno̱, ni edše kpo ete maṅ le̱ teṅ, ni efó gegẽge āhũ.

Hiob 1:20

Ke̱ke̱ ni Hiob te ši ni *egbla ehe atadei ni eku eyi, ni eho ebu šikpoṅ, ni eso̱le, *1 Mose 37,34.

Hiob 19:14

Miwekumei egbla ame̱he ši, ni mišientše̱mei le̱ ahĩe ekpa mino̱. Lal. 38.12.

Yāfó 2:10

Zion biyō le̱ onukpai le̱ trá šikpoṅ, ame̱fe diṅṅ; ame̱lō mlu ame̱ſie ame̱yiteaṅ, ame̱mīa kpekpei; Ierusalem oblayei le̱ emāmo̱ ame̱yii aši.

Ezekiel 27:30

ni ame̱awó ame̱gbē no̱ ye̱ ohewo̱, ni ame̱ablo̱ wā, ni ame̱alō mlu ame̱ſie ame̱yiteṅ, ame̱akoklo lamlu mli,

Yoshua 7:6

Ke̱ke̱ ni Iošua gbla atadei, ni eṅõ ehĩe ebu šikpoṅ ye̱ Iehowa adeka le̱ hĩe ke̱-yaši gbe̱ke̱, le̱ ke̱ Israel onukpai le̱ fẽ, ni ame̱lō mlu ame̱wo ame̱yiteaṅ.

Kpojiemɔ 18:19

Ni ame̱ke̱ *mlu wo ame̱yiteaṅ, ni ame̱ke̱ yāfó ke̱ ṅko̱me̱yeli bo ame̱kē̱: Kpóo, kpóo, maṅ kpeteṅkple le̱, ni mei fẽ ní yo̱ le̱dši ye̱ ṅšo̱ hīe le̱ tšṍmo̱ niiatše̱mei ye̱ emli dšrayelinii ní dšra wa le̱ hewo̱ le̱! edšake̱ ṅmle̱tſā kome pe̱ mli ni etšṍ amaṅfõ ne̱. *Ezek. 27,30-34.

Kojolɔi 2:4

Ni eba mli ake̱, beni Iehowa bo̱fo le̱ wie ne̱ke̱ wiemo̱i ne̱ etšõ Israelbii le̱ fẽ le̱, maṅ le̱ wó ame̱gbē no̱ ni ame̱fó.

1 Samuel 11:4

Ke̱ke̱ ni bo̱foi le̱ ba Saul maṅ Gibea le̱, ni ame̱badšadše sane le̱ ye̱ maṅ le̱ toiiaṅ; ni maṅ le̱ fẽ hole ame̱gbēi ano̱ ni ame̱fó.

1 Samuel 30:4

Ke̱ke̱ ni David ke̱ maṅ nī fata ehe le̱ wó ame̱gbẽ no̱ ni ame̱fó āhũ ke̱-yaši beyino̱ ní ame̱nyẽẽ ame̱fó doṅṅ.

1 Samuel 4:12

Ni Benyaminnyo ko ša foi ke̱-dše̱ ta le̱ nā, ni eba Šilo nakai gbĩ le̱ noṅṅ, ke̱ etade ní egbla, ke̱ eyiteṅ sũ.