Habakuk 1:12 - Ṅmãle̱ Kroṅkroṅ Le̱

¹² Iehowa, aui dšee nāno̱ odše̱, mi-Nyoṅmo̱, mi-Mokroṅkroṅ? *Wo̱gboiṅ; Iehowa, otole̱ ohã kodšomo̱, ni bo, te̱sã, oke̱le̱ emã ši ohā kãmo̱. *Ier. 10,24.

ŊMALƐ KRƆŊKRƆŊ LƐ

¹² “Yehowa, kɛjɛ naanɔ beebe lɛ bo ji miNyɔŋmɔ kɛ Mɔ Krɔŋkrɔŋ Koome! Ohaŋ wɔgboi! Ao, Yehowa, okɔ Babilonbii lɛ, ni bo ohã amɛma shi shiŋŋ kɛhã wɔtoigbalamɔ.

Habakuk 1:12 ပူးပေါင်းရင်းမြစ်များ

1 Mose 21:33

Ni Abraham te̱o tamarisketšo ye̱ Beeršeba, ni *etšé̱ Iehowa, †nāno̱ Mawu le̱, gbe̱i ye̱ dše̱i. *12,8. †Ies. 40,28. Rom. 16.26.

2 Maŋtsɛmɛi 19:25

Ani onuko ake̱ nakai mifeo̱ ke̱-dše̱ blema bēbe, ni nakai mito ke̱-dše̱ blema gbĩĩ le̱ amli? Agbe̱ne̱ le̱ mihã eba mli, koni akpãtã mãdši ni atſa gbogboi awo he le̱ ahĩe, ní ame̱tšṍmo̱ amaṅfõ kuikui,

Lalai 102:24

Egbo̱dšo̱ mihewale̱ le̱ ye̱ gbe̱teṅ, etše migbĩĩ le̱ ano̱.

Lalai 118:17

Migboṅ, ši moṅ miyi aaná wala, ni madšadše Iehowa nitšumo̱i le̱ matšõ!

Lalai 149:2

Hã Israel anyá *moni fele̱ le̱ he, ni Zionbii le̱ amli afliame̱ ye̱ †ame̱maṅ-tše̱ le̱ hewo̱! *Lal. 100.3. †Lal. 98,1.

Lalai 17:13

Iehowa, wó ohe no̱, ni okũ enā ni otšile̱ ogbe ši! Oke̱ oklante adšie misusuma ke̱-dše̱ mofõṅ le̱ deṅ!

Lalai 18:1

Iehowa tšũlo̱ David lala ni eke̱-hã lalatše̱ nukpa le̱. David wie ne̱ke̱ lala ne̱ mli wiemoi le̱ etšõ Iehowa, gbĩ no̱ ní Iehowa dšiele̱ ye̱ ehenye̱lo̱i le̱ fē adeṅ ke̱ Saul hũ deṅ le̱, ni ekē̱:

Lalai 74:12

Ši Nyoṅ mo dši mimaṅtše̱ ke̱-dše̱ blema bēbe, etšuo̱ yiwalaheremo̱ nitsumo̱ ye̱ šikpoṅ le̱ no̱.

Lalai 90:1

Nyoṅmo̱ gbomo Mose so̱lemo̱. Nuṅtšo̱, bo dši wo̱bobāhe ye̱ yino̱i fẽ mli.

Lalai 90:2

Beni anáko afo̱ gõdši le̱, ní onáko obo šikpoṅ ke̱ dšeṅ le̱, bo dši Mawu ke̱-dše̱ nāno̱ ke̱-yaä nāno̱.

Lalai 93:2

Omaṅtše̱sẽi le̱ mã ši šiṅṅ ke̱-dše̱ tetēte; bo oyo̱ ke̱-dše̱ nāno̱ bēbe.

Yesaia 31:1

Kpóo hã mei ní yaä Mizraim yataoo̱ yelike̱-buamo̱, ni ame̱ke̱ ame̱he fõo̱ okpo̱ṅo̱i ano̱, ni ame̱ṅõo̱ ame̱hĩe ame̱fõo̱ ſīlii ano̱, edšake̱ ame̱yi fá, ke̱ okpo̱ṅo̱iatše̱mei hũ ano̱, edšake̱ ame̱he wa naakpa, ši ame̱kwe̱e̱ Israel Mokroṅkroṅ le̱, ni ame̱taoo Iehowa se̱gbe̱ le̱! 30,1. 2.

Yesaia 37:23

Namo ahora obo̱ ni owie musubō̱ wiemo̱i ošile̱ lo̱? namo no̱ owó ogbē no̱ ye̱ ni ohole ohĩṅme̱ii ano̱ ke̱-te ṅwei ye̱ le̱? Israel Mokroṅkroṅ le̱ ni!

Yesaia 37:26

Ani onuko ake̱ nakai mifeo̱ ke̱-dše̱ blema bēbe, ni nakai mito ke̱-dše̱ blema gbĩĩ le̱ amli? Agbe̱ne̱ le̱ mihã eba mli, koni akpãtã mãdši ní atſa gbogboi awo he le̱ ahĩe, ní ame̱tšṍmo̱ amaṅfõ kuikui,

Yesaia 40:28

Ani olee, ani onuko? nāno̱ Nyoṅmo̱ le̱, Iehowa *ní bo̱ šikpoṅ le̱ nāgbēhei le̱, egbo̱dšo̱o̱ ni asaṅ eto̱o̱le̱, ni †edſẽṅmo̱ le̱ anyẽẽ mli atao. *45,12. †K. 18.

Yesaia 43:15

Mi, Iehowa, dši nye-Mokroṅkroṅ le̱, Israel bo̱lo̱ le̱, nyemaṅtše̱ le̱.

Yesaia 49:7

Bo̱ni Iehowa, Israel kpõlo̱ ke̱ e-Mokroṅkroṅ le̱, kē̱ susuma ní agbeo ehe guo̱, ní dšeṅmaṅ hũ hĩo̱ ehĩe, moni dši no̱yelo̱i yiwalo̱i atšũlo̱ le̱ ne̱: Maṅtše̱mei aana ni ame̱ate ši, lume̱i hũ aana, ni ame̱akoto ši ame̱adšá ye̱ Iehowa ni dši ano̱kwafo ke̱ Israel Mokroṅkroṅ le̱ ni ehalao le̱ hewo̱.

Yesaia 57:15

Ši *bo̱ni moni kwo̱ ní awó eno̱, ní eyo̱ dā, ní gbe̱i dši Mokroṅkroṅ le̱ kē̱ ne̱: Ṅwei šoṅṅ ke̱ hekroṅkroṅ le̱ mihĩo̱; asaṅ †mike̱ moni tſiaä ši ke̱ do̱le̱ ni ebaä ehe ši ye̱ emumo̱ mli le̱ hĩo̱ ši, koni mahã hešibalo̱i amumo̱ aná wala hẽ, ní mei ní tſiaã ši ke̱ do̱le̱ le̱ atšui aná wala hẽ! *Lal. 113,5-9. †Ies. 66,1. 2. Lal. 51,19.

Yeremia 30:11

Edšake̱ mike̱o ye̱, Iehowa kē̱, ko-ni mahere oyiwala. Edšake̱ mafite dšeṅ-mãdši ní migbe̱o miſã ame̱teṅ le̱ fẽ ke̱-mõ ši; ši bo le̱ mifiteṅo ke̱-mõṅ ši, ši moṅ magbla otoi *bo̱ni sa ke̱ke̱, ni mihãṅ oṅõ ohe oye kwrā. *10,24.

Yeremia 4:27

Edšake̱ bo̱ni Iehowa kē̱ ne̱: Ši-kpoṅ le̱ fẽ batšṍ amaṅfõ moṅ, ši *kẽle̱ mifiteṅle̱ ke̱-gbeṅ na. *5,10. 18.

Yeremia 46:28

Kāše gbeyei, mitšũlo̱ Iakob, Iehowa kē̱; edšake̱ mike̱o ye̱. Edšake̱ mafite dšeṅmãdši ni migbe̱o miſã ame̱teṅ le̱ fẽ ke̱-mõ ši, ši bo le̱ mifiteṅo ke̱-mõṅ ši; ši moṅ magbla otoi bo̱ni sa ke̱ke̱, ni mihäṅ oṅõ ohe oye kwrā. 30,11.

Yeremia 5:18

Kẽle̱ nakai gbĩĩ le̱ amli hũ, — Iehowa kē̱, — miplenēṅnye ke̱-mõṅ ši.

Yāfó 5:19

Bo Iehowa ohĩo̱ ši ke̱-yaã nāno̱, osẽi ke̱ ye̱ ke̱-dše̱o̱ yino̱ ke̱-yaä yino̱.

Ezekiel 30:25

Ši mawadše Babel maṅtše̱ le̱ nidšiaṅ, ni Farao nidši aakplo̱ aſie ši, ni ame̱aná ame̱le ake̱ midši Iehowa le̱, beni mike̱ miklante le̱ aawo Babel maṅtše̱ le̱ deṅ, ni eewó ne̱ ye̱ Mizraim šikpoṅ le̱ no̱ le̱.

Mika 5:2

Nohewo̱ le̱ eeṅõame̱ ehã ke̱-yaši beyino̱ ni *yōfo̱yō le̱ aafo̱, ni enyemimei le̱ ateṅ mei ni eſe̱ le̱ †aakũ ame̱se̱ ke̱-aba Israelbii le̱ aṅõ. *Ies. 7,15. †Ies. 11,12.

Habakuk 3:2

Iehowa, minu ohe ni miše gbeyei! Iehowa, tšĩemo̱ onitšumo̱ le̱ hĩe ye̱ afii ne̱ amli noṅṅ, hã ale ye̱ afii ne̱ amli noṅṅ; mlifũ mli le̱ kaimo̱ mũsũṅtšõle̱!

Habakuk 3:6

Ewá edamo̱ ši, ni šikpoṅ hoso; ekwe̱, ni dšeṅmãdši ahe kpokpo, ni agbe̱ nāno̱ gõdši le̱ afã, nāno̱ goṅkpo̱i le̱ hũ ba ši; enyiemo̱i le̱ tamo̱ blema nõ. Lal. 104,32.

Maleaki 3:5

Ni matši mabe̱ṅke̱nye ní makodšo, ni matšṍ odasefonyo ni he yo̱ oyá maši ṅkũnyāyelo̱i ke̱ gblãfitelo̱i be̱ mei ní kãmoo̱ amale kitãi ke̱ mei ní yeo̱ apāfoi anyõmo̱wo, ni ame̱tšṍo̱ yō okũlafo ke̱ awusā ke̱ gbo̱ sane hĩe ame̱buo̱ ši, ni ame̱šeemi gbeyei le̱! Iehowa Zebaot kē̱.

Maleaki 3:6

Edšake̱ mi Iehowa le̱, mitšahee; hewo̱ le̱, nye Iakob bii hũ, nyeplenēko.

Bɔfoi 3:14

Ši nye le̱, nyekwa mokroṅkroṅ ke̱ dšalo̱ le̱, ni *nyekpa fai ake̱ aṅõ gbomo awuyelo̱ moṅ akenye, *Mat 27,20. 21.

5 Mose 32:4

Te̱sā dšile̱, ni enitšumo̱i hĩ pe̱; edšake̱ egbè̱i fẽ dšale̱ ni. Ano̱kwa Mawu dšile̱, nõša be̱le̱; dšale̱ dšile̱ ni esa pe̱.

5 Mose 33:27

Nāno̱ Nyoṅmo̱ le̱ dši obobāhe, ni nāno̱ nidši le̱ ye̱ šišigbe̱. Ni eeſie henye̱lo̱ le̱ ye̱ ohĩe, ni eekē̱ ake̱: Fitemo̱ame̱!

1 Timoteo 1:17

Ši nāno̱i amaṅtše̱ le̱, moni gboo, moni anaa, moni dši Nyoṅmo̱ *kome le̱, aṅõ wō ke̱ anumnyam ahãle̱ ke̱-yaši nāno̱i anāno̱ le̱! Amen. — *Rom. 16,27.

1 Timoteo 6:16

mo hũ ni le̱ ekome eyo̱ nāno̱šihĩle̱ ni gbĕle be̱ mli, ni ehīo̱ la ní anyẽṅ abe̱ṅke̱ mli le̱, moni gbomo-ko-gbomo-ko enakole̱ dã, ni *enyẽṅle̱ ena hũ le̱, mo nõ ní dši nāno̱wō ke̱ hewale̱ le̱. Amen. *2 Mose 33,20.

Hebribii 13:8

Iesu Kristo le̱, bo̱ni eyo̱ nyè ke̱ ṅmene̱ le̱, nakai noṅṅ eyo̱ ke̱-yaä nāno̱. 1 Kor. 3,11. Kpods. 1,17.

Kpojiemɔ 1:11

ní kē̱ ake̱: *[Midši Alfa le̱ ke̱ Omega le̱, kleṅkleṅmo le̱ ke̱ nāgbēmo le̱.] Noni onaä le̱, ṅmã owo wolo mli, ni oṅõ-mãdše asafoi kpawo ní yo̱ Asia le̱, ní ake̱-ya Efeso, ke̱ Smirna, ke̱ Pergamo, ke̱ Tiatira, ke̱ Sarde, ke̱ Filadelfia, ke̱ Laodikea. *K. 8. 17; 2,8; 22,13.

Kpojiemɔ 1:8

Midsi Alfa le̱ ke̱ Omega le̱, štšidšē le̱ ke̱ nāgbē le̱, Nuṅtšo̱ Nyoṅmo̱ le̱ ní dši moni yo̱ le̱ ke̱ moni ye̱ le̱ ke̱ moni baba le̱, (ní dši) Ofe le̱ ke̱. Ies. 41,4. Kpods. 1,4; 4,3; 21,6.

1 Samuel 2:2

Mokroṅkroṅ ko be̱ ní tamo̱ Iehowa, edšake̱ ose̱ le̱ mokomoko be̱; ni te̱sā ko hũ be̱ ní tamo̱ wo̱-Nyoṅmo̱ le̱!