Ezra 3:8 - Ṅmãle̱ Kroṅkroṅ Le̱

⁸ Agbe̱ne̱ beni ame̱ba Iehowa we le̱ ye̱ Ierusalem le̱, eno̱ afi ní dši enyo̱ le̱ no̱ nyõṅ ní dši enyo̱ le̱ no̱ le̱, Zerubabel, Šealtiel bi le̱, ke̱ Iešua, Iozadak bi le̱, ke̱ ame̱nyemimei ní eſe̱ le̱, oso̱foi le̱ ke̱ Levibii le̱, ke̱ mei fẽ ní dše̱ nom-ṅō̃ le̱ mli ba Ierusalem le̱ bõi, ni ame̱-fãmo̱ Levibii ní eye afii nyoṅmai-enyo̱ ke̱-yaä le̱, koni ame̱kwe̱ Iehowa we le̱ nitšumo̱ le̱ no̱.

ŊMALƐ KRƆŊKRƆŊ LƐ

⁸ No hewɔ lɛ, be ni Israelbii lɛ ba Yehowa we lɛ yɛ Yerusalɛm lɛ, enɔ afi ni ji enyɔ yɛ nyɔŋ ni ji enyɔ lɛ nɔ lɛ, Zerubabel, Shealtiel bi lɛ, kɛ Yeshua, Yozadak bi lɛ, kɛ amɛnyɛmimɛi ni eshwɛ lɛ kɛ osɔfoi lɛ kɛ Levibii lɛ, kɛ mɛi fɛɛ ni ku amɛsɛɛ kɛjɛ nomŋɔɔ lɛ mli kɛba Yerusalɛm lɛ bɔ̃i nitsumɔ lɛ. Amɛfamɔ Levibii fɛɛ ni eye afii nyɔŋmai enyɔ kɛyaa lɛ koni amɛkwɛ Yehowa we lɛ nitsumɔ lɛ nɔ.

Ezra 3:8 ပူးပေါင်းရင်းမြစ်များ

1 Kronika 23:4

Mene̱mei ateṅ mei akpei-nyoṅmai-enyo̱-ke̱-edſe̱ dši mei ní bakwe̱ Iehowa we le̱ he nitšumo̱ le̱ no̱, ni mei akpei-ekpa dši onukpai ke̱ kodšolo̱i,

1 Kronika 3:17

Ni Iekonia, *moni aṅōle̱ nom le̱, bii dši: Šealtiel *2 Kron. 36,10.

Ezra 10:18

Ni oso̱foi abii le̱ ateṅ mei ní ana ake̱ ame̱w̌e̱ maṅse̱ yei ye̱ *Iešua, Iozadak bi le̱, ke̱ enyemimei abii le̱ ateṅ dši: Maaseia ke̱ Eliezer ke̱ Iarib ke̱ Gedalia. *3,3; 9,2.

Ezra 2:2

mei ni ke̱ *Zerubabel, Iešua, Nehemia, Seraia, Reelaia. Mordekai, Bilšan, Mispar, Bigewai, Rehum ke̱ Baana ba le. Israelbii le ateṅ hĩĩ le̱ ayibo̱ ne̱: *1,8; 2,63.

Ezra 3:2

Ke̱ke̱ ni *Iešua, Iozadak bi le̱, ke̱ enyemimei oso̱foi le̱ ke̱ †Zerubabel, Šealtiel bi le̱, ke̱ enyemimei le̱ te ši ni ame̱yamã Israel Nyoùmo̱ le̱ afo̱lešãlate̱ le̱, koni ašã šã-afo̱lei ye̱ no̱, take̱ bo̱ni **aṅmã ye̱ Nyoṅmo̱ gbomo Mose mla le̱ mli le̱. *2,2. †1 Kron. 3,17-19. **2 Mose 27,1. 3 Mose 6,9.

Ezra 4:24

Ke̱ke̱ ni afõ Nyoṅmo̱ we le̱ ní yo̱ Ierusalem le̱ he nitšumo̱ le̱, ni afõ āhũ ke̱-yaši *Dario, Persia maṅtše̱ le̱, maṅtše̱yeli le̱ afi ní dši enyo̱ le̱ no̱. *K. 5,4. 15.

Ezra 4:3

Ši Zerubabel ke̱ Iešua ke̱ Israel tše̱mei awei le̱ ano̱ onukpai ni eſe̱ le̱ kē̱ame̱ ake̱: Ké̱ wo̱mīmã šĩa wo̱hã wo̱-Nyoṅmo̱ le̱, dšee wo̱ke̱nye sane ni; ši wo̱ so̱ṅṅ wo̱o̱mã wo̱hã Iehowa, Israel Nyoṅmo̱ le̱, take̱ bo̱ni maṅtše̱ *Koreš ni dši Persia maṅtše̱ le̱ ewowo̱ kitã le̱. *1,3.

Ezra 5:16

Ke̱ke̱ ni nakai Šešbazar le̱ noṅṅ ba ni ebato Nyoṅmo̱ we le̱ ni yo̱ Ierusalem le̱ šiši. Ni ke̱-dše̱ nakai be le̱ ne̱ āhũ ke̱-baši be ne̱, ne̱ āmã lolo, ši kẽle̱ agbeko nā.

Ezra 5:2

Ke̱ke̱ ni Zerubabel, Šealtiel bi le̱, ke̱ Iešua, Iozadak bi le̱, te ši ni ame̱-bõi Nyoṅmo̱ we le̱ ní yo̱ Ierusalem le̱ mã; ni Nyoṅmo̱ gbalo̱i le̱ fĩ ame̱se̱ ni ame̱waame̱.

Hagai 1:1

Maṅtše̱ Dario yino̱ afi ni dši enyo̱ le̱ no̱ nyõṅ ní dši ekpa le̱ no̱ kleṅkleṅ gbĩ le̱ no̱ le̱ Iehowa wiemo̱ tšṍ gbalo̱ Hagai nine no̱ ba Zerubabel, Šealtiel bi le̱, ni dši Iuda amralo le̱, ke̱ Iošua, Iehozadak bi le̱, ni dši oso̱fonukpa le̱, ṅõ, ake̱: Ezra 4,24; 5,1. 2.

Zakaria 4:9

*Zerubabel nidši to šĩa ne̱ šiši, ni enidši noṅṅ bagbe nā; ni †ooná ole ake̱ Iehowa Zebaot tšũmi nyeṅõ le̱. *Ezra 3,8; 6,14-16. †Zak. 2,13. 15.

Zakaria 6:12

ni okē̱le̱ ake̱: Boni Iehowa Zebaot kē̱ ne̱: Na nū ko, ni atšé̱o̱ egbe̱i ake̱ *tšofo̱, eekwẽ ke̱-adše̱ šiši, ni eemā Iehowa so̱lemo̱we le̱, *3,8.

4 Mose 4:3

ke̱-dše̱ moni eye afii nyoṅmai-etẽ no̱ āhũ ke̱-yaši moni eye afii nyoṅmai-enumo̱ no̱, mofẽmo ni *eše̱ nitšumo̱, koni ame̱tšu kpē-bē le̱ he nii. *8,24.