Ezra 10:9 - Ṅmãle̱ Kroṅkroṅ Le̱

⁹ Ke̱ke̱ ni Iuda ke̱ Benyamin hĩĩ le̱ fẽ babua ame̱he nā ke̱-kpe ye̱ Ierusalem ye̱ gbĩĩ etẽ le̱ mli, ye̱ nyõṅ ní dši ne̱hũ le̱ no̱, ye̱ nakai nyõṅ le̱ no̱ gbĩ ní dši gbĩ nyoṅmai-enyo̱ le̱ no̱, ni maṅ mū le̱ fẽ baho trá he ko kpatā ko ni yo̱ Nyoṅmo̱ we le̱ hĩe le̱, ni ame̱he mīkpokpo ye̱ ne̱ke̱ sane ne̱ ke̱ nyoṅmo̱ ni ne̱o̱ le̱ hewo̱.

ŊMALƐ KRƆŊKRƆŊ LƐ

⁹ Kɛkɛ ni Yuda kɛ Benyaminhii lɛ babua amɛhe naa kɛkpe yɛ Yerusalɛm yɛ gbii etɛ̃ lɛ mli, yɛ nyɔŋ ni ji nɛɛhu lɛ nɔ gbi ni ji nyɔŋmai enyɔ lɛ nɔ. Maŋ muu lɛ fɛɛ baho tara he ko kpataa ko ni yɔɔ Nyɔŋmɔ We lɛ hiɛ lɛ. Gbeyei emɔmɔ amɛ yɛ sane nɛɛ he, ni asaŋ nu ni nɛɔ waa lɛ ehã amɛmiikpokpo.

Ezra 10:9 ပူးပေါင်းရင်းမြစ်များ

Ezra 10:10

Ni oso̱fo Ezra te ši damo̱ ši, ni ekē̱ame̱ ake̱: Nyetõ, edšake̱ nyeyaw̌e̱ maṅse̱ yei, ní nyeke̱-hã Israel fo̱yeli le̱ afá.

Ezra 10:3

Nohewo̱ le̱ agbe̱ne̱ nyehãa wo̱ke̱ wo̱-Nyoṅmo̱ le̱ akpãṅa, ní wo̱ſie yei le̱ fẽ ke̱ mei ni ame̱fo̱fo̱i le̱ hũ, ye̱ minuṅtšo̱ ke̱ mei ní he kpokpoo̱ ye̱ wo̱-Nyoṅmo̱ le̱ kitã le̱ hewo̱ le̱ aṅāwō le̱ nā, koni wo̱ye mla le̱ no̱.

Ezra 10:8

ni ake̱ moſẽmo ni baa ke̱-yaši gbĩĩ etẽ, ye̱ lume̱i le̱ ke̱ onukpai le̱ aṅāwō le̱ nā le̱, aadšō̱ enii fẽ no̱ ake, ni le̱dientše̱ hũ aafãle̱ ye̱ nomṅõbii le̱ asafo le̱ṅ.

Ezra 9:4

Ke̱ke̱ ni mei fẽ ni he kpokpoo̱ ye̱ Israel Nyoṅmo̱ le̱ wiemo̱i le̱ ahewo̱ ye̱ mei ni aṅõame̱ nom le̱ amlatõmo̱ le̱ hewo̱ le̱ babua ame̱he nā ye̱ miṅõ; ši mi le̱ mihe dšõ mihe ke̱-tá šĩ āhũ ke̱-yaši gbe̱ke̱ afo̱lešā̃ be le̱ mli.

Ester 2:16

Ni aṅõ Ester ke̱-te maṅtše̱ Ahašweroš ṅõ ye̱ emaṅtše̱yeli šĩa le̱ ye̱ nyõṅ ni dši nyoṅma, ni dši Tebet nyõṅ le̱ no̱, ye̱ emaṅtše̱yeli afi ni dši kpawo le̱ no̱.

Yeremia 10:10

Ši Iehowa dši ano̱kwa Nyoṅmo̱ le̱, Nyoṅmo̱ hĩekãlo̱ ke̱ nāno̱ maṅtše̱ ni; emlifũ hãa šikpoṅ le̱ hosoo̱, ni dšeṅmãdši le̱ nyẽẽ emlila le̱ nā adamo̱.

Yeremia 10:13

Kē̱ ewo egbē le̱, nu pī baä ṅwei, ni ehãa afuai tetēo̱ ši ke̱-dše̱o̱ šikpoṅ le̱ nāgbēhei le̱; efeo̱ srawai efataä nyoṅmo̱ne̱mo̱ he, ni efãa kō̱yo̱ kpo ke̱-dše̱o̱ enitōhei le̱. Lal. 135,7. Hiob 38,24-30.

Yeremia 36:22

Bĕle̱ maṅtše̱ le̱ tá fẽibe-tšũ le̱ṅ ye̱ nyõṅ ni dši ne̱hũ le̱ ne̱, ni la ke̱ ṅe̱sũ ni etšẽ mã ehĩe.