Ezra 10:14 - Ṅmãle̱ Kroṅkroṅ Le̱

¹⁴ Nohewo̱ le̱ hã wolumei le̱ adamo̱ ši ahã asafo mū le̱ fẽ, ni mei fẽ ni yo̱ wo̱mādši le̱ amli ni ame̱kpē maṅse̱ yei le̱ aba ye̱ be ní ato mli, ni maṅ-fẽ-maṅ mli onukpai ke̱ emli kodšolo̱i le̱ afata ame̱he, ke̱-yaši beyino̱ ní aahã wo̱-Nyoṅmo̱ le̱ mlifũ ní nā wa ye̱ ne̱ke̱ sane ne̱ hewo̱ le̱ adše wo̱no̱.

ŊMALƐ KRƆŊKRƆŊ LƐ

¹⁴ No hewɔ lɛ, hã wɔlumɛi lɛ aye asafo muu lɛ fɛɛ najiaŋ ni mɛi fɛɛ ni yɔɔ wɔmaji lɛ amli ni amɛŋɔ maŋsɛɛ yei lɛ aba yɛ be ni ato mli. Maŋ fɛɛ maŋ mli onukpai kɛ emli kojolɔi afata amɛhe kɛba, kɛyashi beyinɔ ni wɔNyɔŋmɔ lɛ mlifu ni naa wa ni kã wɔnɔ lɛ aaaje wɔnɔ.”

Ezra 10:14 ပူးပေါင်းရင်းမြစ်များ

2 Maŋtsɛmɛi 23:26

Ši kẽle̱ Iehowa kpalee ke̱-dše̱e̱ emlifũ ke̱ emlila kpeteṅkple le̱ ni ewo Iuda le̱ mli, ye̱ mlilawōnii fẽ ní *Manase ke̱-wo emlila le̱ hewo̱. *21,11-16.

2 Kronika 28:11

Nohewo̱ le̱ agbe̱ne̱ nyeboami toi, ni nyehãa nyenyemimei le̱ ni nyeyaṅõ-ame̱ nom le̱ akũa ame̱se̱ ayaä; edšake̱ Iehowa mlifũ ní nā wa kã nyeno̱!

2 Kronika 29:10

Agbe̱ne̱ eye̱ mitšui mli ake̱ mike̱ Iehowa, Israel Nyoṅmo̱ le̱, aakpãṅ, koni emlifũ ní nā wa le̱ adše wo̱no̱.

2 Kronika 30:8

Agbe̱ne̱ nyekafea nyehe kue̱ṅtilo̱i tamo̱ nyetše̱mei le̱; ši moṅ nyekpãa nyenine mli nyehãa Iehowa, ni nyebaä ehekroṅkroṅ le̱ ni efele̱ kroṅkroṅ ke̱-mīya nāno̱ le̱, ni nyesúmo̱a Iehowa, nye-Nyoṅmo̱ le̱, koni emlifũ ni nā wa le̱ adše nyeno̱!

Ezra 10:13

Ši maṅ le̱ yi fá, ni nyoṅmo̱ ne̱mo̱ be ne̱, ni wo̱nyẽẽ blohũ le̱ṅ wo̱damo̱, ni nitšumo̱ lo̱ hũ edšee gbĩ kome lo gbĩĩ enyo̱ nõ; edšake̱ wo̱fe efõṅ babaō ye̱ ne̱ke̱ sane ne̱ mli.

Ezra 10:15

Ionatan, Asahel bi le̱, ke̱ Iahezeia, Tikwa bi le̱, ke̱ke̱ te ši ši ne̱ke̱ sane ne̱; ni Mešulam ke̱ Šabetai, Levinyo le̱, fĩ ame̱se̱.

Lalai 78:38

Ši le̱ le̱, emũsũṅ tšōo̱le̱ kẽ eke̱ ame̱nõša le̱ faame̱, ni efiteeame̱, ni bei pī etšĩo̱ emlifũ le̱ nā, ni etēē emlila le̱ fiã ši,

Yesaia 12:1

Nakai gbĩ le̱ no̱ le̱ ookē̱ ake̱: Mīdao ši, Iehowa, edšake̱ omli fũmi moṅ, ši omlifũ le̱ edšo̱ ni oše̱dše mimī!

4 Mose 25:4

Ni Iehowa kē̱ Mose ake̱: Ṅõ maṅ le̱ no̱ onukpai le̱ fẽ ní *ose̱ṅame̱ ohã Iehowa ye̱ hũlũ ne̱ hĩe, koni Iehowa mlifũ ní nā wa le̱ adše Israel no̱! *2 Sam. 21,6. 9. 5 Mose 21,22. 23.

5 Mose 13:17

ni emli bānii le̱ fẽ obua nā ke̱-ba eblohũ le̱ teṅ, ni oke̱ la ašã, maṅ le̱ ke̱ emli hãnii le̱ blublu tſẽm, ohã Iehowa, o-Nyoṅmo̱ le̱, ni etẽṍ amaṅfõ ke̱-ya nāno̱; akasa ato doṅṅ.

5 Mose 17:9

ni oya *oso̱foi ní dši Levibii le̱ ke̱ kodšolo̱ ní yo̱ ye̱ nakai gbĩĩ le̱ amli le̱ ṅõ, ni oyabiame̱; ni ame̱atšõo bo̱ni otšõ okodšo; *2 Kron. 19,8. 11.

Yoshua 7:26

Ni ame̱to te̱i ame̱ſie eno̱ kú agbo ke̱-baši ṅme̱ne̱. Ni Iehowa kpale ke̱-dše̱ emlifũ ní nā wa le̱ mli. Nohewo̱ le̱ awo dše̱i gbe̱i ake̱ Akor dšō̱ ke̱-baši ṅme̱ne̱. Ies. 35.10. Hos. 2,17.