Ezra 1:2 - Ṅmãle̱ Kroṅkroṅ Le̱

² Bo̱ni Koreš, Persia maṅtše̱ le̱, kē̱ ne̱: Iehowa, ṅwei Nyoṅmo̱ le̱, etu šikpoṅ le̱ no̱ maṅtše̱yelii le̱ fẽ ewo mideṅ, ni efã́mi ake̱ miyamã šĩa mihãle̱ ye̱ Ierusalem ye̱ Iuda. Ies. 44,28; 45,1.

ŊMALƐ KRƆŊKRƆŊ LƐ

² “Bɔ ni Koresh, Persia maŋtsɛ lɛ, kɛɛ nɛ, ‘Yehowa ŋwɛi Nyɔŋmɔ lɛ etu shikpɔŋ lɛ nɔ maŋtsɛyelii fɛɛ ewo midɛŋ, ni efã mi akɛ miyama shĩa mihã lɛ yɛ Yerusalɛm yɛ Yuda shikpɔŋ lɛ nɔ.

Ezra 1:2 ပူးပေါင်းရင်းမြစ်များ

1 Maŋtsɛmɛi 8:27

Ši aso Nyoṅmo̱ aabahī šikpoṅ ne̱ no̱ le̱le̱ṅ? Na, *ṅwei ke̱ ṅweii amli ṅwei le̱ nyẽẽo ato, āhũ ní mbasroo tšũ ne̱ ní mimã ne̱! *Ies. 56,1. Bo̱f. 7,49; 17,25.

2 Kronika 2:12

[13.] Agbene̱ mitšũ nū ko ni hĩe yo̱ ṅā ni eyo̱ dſẽṅmo̱, ni dši Huram, mitše̱ gbomo le̱,

Ezra 1:5

Ke̱ke̱ ni Iuda ke̱ Benyamin tše̱mei awei le̱ ano̱ onukpai le̱ ke̱ oso̱foi le̱ ke̱ Levibii le̱, mei fẽ ní Nyoṅmo̱ etšĩe ame̱mumo̱ hĩe le̱, te ši, koni ame̱ya ní ame̱yamã Iehowa šĩa le̱ ye̱ Ierusalem.

Ezra 3:7

Ši ame̱hã gbogbotſalo̱i ke̱ ṅmoṅmlo-gbo̱lo̱i le̱ šika, ni ame̱hã Zidonbii le̱ ke̱ Tirobiĩ le̱ niyenii ke̱ dã ke̱ mū, koni ame̱yaṅõ tšenedrutšei ke̱-dše̱ Lebanon ke̱-ba Iopa ṅšo̱ le̱ nā, bo̱ni Koreš, Persia maṅtše̱ le̱, ehãame̱ hegbe̱ le̱.

Ezra 4:3

Ši Zerubabel ke̱ Iešua ke̱ Israel tše̱mei awei le̱ ano̱ onukpai ni eſe̱ le̱ kē̱ame̱ ake̱: Ké̱ wo̱mīmã šĩa wo̱hã wo̱-Nyoṅmo̱ le̱, dšee wo̱ke̱nye sane ni; ši wo̱ so̱ṅṅ wo̱o̱mã wo̱hã Iehowa, Israel Nyoṅmo̱ le̱, take̱ bo̱ni maṅtše̱ *Koreš ni dši Persia maṅtše̱ le̱ ewowo̱ kitã le̱. *1,3.

Ezra 5:15

ni ekē̱le̱ ake̱: Nõ ne̱ke̱ nibii ne̱ ke̱-ya, ni oke̱-yawo so̱lemo̱tšũ le̱ ni yo̱ Ierusalem le̱ mli, ni ohã amã Nyoṅmo̱ šĩa le̱ ye̱ emā̃he le̱!

Ezra 6:10

koni ame̱sã afo̱lei ní dšeo̱ ṅma ame̱hã ṅwei Nyoṅmo̱ le̱, ni ame̱kpa fai ni maṅtše̱ ke̱ ebii le̱ ayi aná wala.

Ezra 6:3

Maṅtše̱ Koreš kleṅkleṅ afi le̱ no̱ le̱ maṅtše̱ Koreš wo akpo̱ ye̱ Nyoṅmo̱ we ni yo̱ Ierusalem le̱ he ake̱: Šĩa ní dši he ní ašãa afo̱lei ye̱ le̱ amã, ni ahã ešišitō le̱ awa, ni ekwo̱le̱ le̱ afe ninetalo̱i nyoṅmai-ekpa ni elē̱mo̱ hũ nine-talo̱i nyoṅmai-ekpa; 1,1.

Ezra 7:12

Artašasta, *maṅtše̱mei amaṅtše̱ le̱, ṅmã hã oso̱fo Ezra ni dši woloṅmãlo̱ ni le ṅwei Nyoṅmo̱ le̱ mla le̱ mli dšogbãṅ le̱, ke̱ nii. *Ezek. 28,7.

Nehemia 1:4

Ni eba mli ake̱, beni minu ne̱ke̱ wiemo̱i ne̱, *miho mitá ši ni mifó, ni miye ṅko̱mo̱ gbĩĩ komei, ni mibĩ ṅmã ni miso̱le ye̱ Awei Nyoṅmo̱ le̱ hĩe, *9.1. Ezra 9,2.

Nehemia 1:5

ni mikē̱: Ō Iehowa, ṅwei Nyoṅmo̱ ní dši Mawu *kpeteṅkple ni he yo̱ gbeyei ni †too̱ kpãṅmo̱ ke̱ mo̱bo̱nale̱ ehãa mei ni sumoo̱le̱ ní ame̱yeo̱ ekitāi le̱ ano̱ le̱! *5,8. Dan. 9,4. †5 Mose 7,9.

Lalai 136:26

Nyedaä ṅwei Mawu le̱ ši; edšake̱ nāno̱ emo̱bo̱nale̱ hĩo̱ ši ke̱-yaä!

Lalai 85:2

Iehowa, oná ošikpoṅ le̱ he tšui, okpla Iakob nom ní aṅõle̱ ke̱-ba ekoṅ.

Abe̱i 21:1

Maṅtše̱ tšui tamo fāi ní hoo̱ ye̱ Iehowa deṅ; *etsṍo̱le̱ ke̱-yaä hefẽhe ní esumoo̱. *Lal. 33.16.

Yesaia 41:2

Namo tē moko ši ke̱-dše̱ bokãgbe̱, moni dšale̱ ke̱le̱ kpeo̱ ye̱ hefẽhe ní eyaã le̱? Eṅõo̱ dšeṅmãdši ehãa ye̱ ehĩe, ni ehãa eyeo̱ maṅtše̱mei ano̱; eṅõo̱ame̱ ehãa eklante le̱ tamo̱ mlu, ni eke̱ame̱ hãa egãi le̱ tamo̱ tutū ní kō̱yo lōo̱. K. 25. Y. 44,28; 45,1. 13; 46,11; 48,14. 15.

Yesaia 44:26

moni mãa etšũlo̱ wiemo̱ no̱ mĩ́, ni ehãa ebo̱foi agbale̱ baä mli; moni kē̱o̱ ye̱ Ierusalem he ake̱: Mei aahĩ emli! ke̱ Iuda mãdši le̱ ake̱: Aamãmo̱ame̱, ni matē emaṅfõ le̱ ši mamã ši! le̱;

Yesaia 44:28

Moni kē̱o̱ ye̱ *Koreš he ake̱: Mitōkwe̱lo̱ dšile̱! ni eehã nii ni sa mihĩe le̱ fẽ aba mli, ni eekē̱ ye̱ Ierusalem he ake̱: Aamãle̱! ke̱ so̱lemo̱we le̱ hũ ake̱: Aato šiši! le̱. *45,1. Ezra 1,1-3.

Yesaia 45:1

Boni Iehowa kē̱o̱ moni efo̱le̱ mũ ní dši *Koreš le̱ ne̱, moni mimõ eninedšŭrõ mli, koni maba dšeṅmãdši aši ye̱ ehĩe, ni mafẽne maṅtše̱mei ahe̱fĩnii, ni magble šĩnāi ye̱ ehĩe, ni akaṅmẽ agbói le̱ amli le̱: 44,28; 41,2.

Yesaia 66:1

Bo̱ni Iehowa kē̱ ne̱: *Ṅwei le̱, misẽi ni, ni šikpoṅ le̱, minaneši māṅō ni: mẽ tšũ nyeamã nyehãmi mo̱, lo nẽgbe̱ dši mihedšō̱mo̱he? *1 Maṅ. 8,27. Bo̱f. 7,49; 17,24.

Yeremia 10:11

Bo̱ni nyekē̱ame̱ ne̱: Nyoṅmo̱i ní dšee ame̱ ame̱fe ṅwei ke̱ šikpoṅ le̱, ame̱hĩe aakpãtã ke̱-adše̱ šikpoṅ le̱ no̱ ke̱ ṅwei šiši ne̱!

Yeremia 27:5

Mi mife šikpoṅ le̱ ke̱ gbomei ke̱ koloi ní yo̱ šikpoṅ le̱ no̱ le̱ ye̱ mihewale̱ kpeteṅkple le̱ ke̱ minine ní mikpã mli le̱ nā, ni miṅõ-hãa mofẽmo ní misumoo̱;

Yeremia 29:10

Edšake̱ bo̱ni Iehowa kē̱ ne̱: Ké̱ *afii nyoṅmai-kpawo še̱ hã Babel le̱, mabasranye ni mahã miwiemo̱ kpakpa ni miwie ye̱ nyehe, ake̱ mahã nyekũ nyese̱ ke̱-ba bie̱ ne̱ le̱, aba mli! *25,11-13.

Daniel 1:21

Ni Daniel hĩ dšeṅ ke̱-yaši maṅtše̱ *Koreš kleṅkleṅ afi le̱ no̱. *Ezra 1,1.

Daniel 2:21

Le̱ dši moni tšakeo̱ be ke̱ yino̱, le̱ *ekpaä maṅtše̱mei, ni esā ewoo̱ maṅtše̱mei, le̱ ehãa ṅālelo̱i leo̱ ṅā, ni nilelo̱i hũ leo̱ nii. *4,14. 22. 29.

Daniel 2:28

ši Nyoṅmo̱ ko ye̱ ṅwei ní dšieo̱; tēmo̱sãdši aši, ni ētšõ maṅtše̱ Nebukadnezar noni baba wó̱se̱. Olamõ ke̱ oyitšoṅ ninā ní ona, beni okã osā le̱ no̱ le̱, ne̱:

Daniel 4:25

aaſieo ye̱ gbomei ateṅ, ni ooyahĩ ṅăṅ koloi ateṅ, ni aahã oye dſe̱i tamo̱ tšinai, ni ṅwei bó̱ aafo̱o, ni bei kpawo aaho oyi, ke̱-yaši beyino̱ ni oole ake̱ moni yo̱ ṅwei šoṅṅ te ye̱ hewale̱ ye̱ gbomei amaṅtše̱yeli no̱, ni eṅõ-hãa mofẽmo ní esumoo̱.

Daniel 4:32

ni aaſieo ye̱ gbomei ateṅ, ni ooyahĩ ṅãṅ koloi ateṅ, ni aaha oye dſe̱i tamo̱ tšinai, ní bei kpawo aaho oyi, ke̱-yaši beyino̱ ni *ooná ole ake̱ moni yo̱ ṅwei šoṅṅ le̱ ye̱ hewale̱ ye̱ gbomei amaṅtše̱yeli no̱, ni eṅõ-hãa mofẽmo ní esumoo̱! *5,21.

Daniel 5:23

ši owó ohe no̱ oši ṅwei Nuṅtšo̱ le̱, ni ayaṅõ *ewe le̱ nibii ke̱-ba ohĩe, ni oke onukpai ke̱ oṅãmei ke̱ ohemei le̱ nu wein ye̱ mli, ni odšie dſie̱te̱i ke̱ šika ke̱ akō̱ble ke̱ dade ke̱ tšo ke̱ le̱ nyoṅmo̱i le̱ †ní ame̱naa nii ni ame̱nuu nii ni ame̱lee nii hũ le̱ ayi; ši Nyoṅmo̱ ní omumo̱ yo̱ edeṅ ni ogbè̱i fẽ dši enõ le̱, le̱ le̱ owoo ehĩe nyam. *K. 2. †Lal. 116,4-7.

Daniel 6:25

[24.] Ni maṅtše̱ le̱ fã́, ni ake̱ nakai gbomei le̱ ni baflo̱ Daniel nā le̱ ba, ni aše̱re̱ame̱ aſie dšatai abu le̱ mli, ame̱ ke̱ ame̱bii ke̱ ame̱ṅãmei, ni ame̱še̱e̱ bu le̱ šiši tete, ni dšatai le̱ mo̱mo̱ame̱, ni ame̱dſăra ame̱wui fẽ.

Yona 1:9

Ni ekē̱ame̱ ake̱: Hebrinyo dšimi, ni Iehowa, ṅwei Nyoṅmo̱ le̱, moni *fe ṅšo̱ ke̱ šikpoṅ gbĩṅ le̱, gbeyei mišeo̱. *1 Mose 1,9. 10.