Ester 9:3 - Ṅmãle̱ Kroṅkroṅ Le̱

³ Ni šikpõdši le̱ ano̱ onukpai le̱ ke̱ amraloi le̱ ke̱ lume̱i le̱ ke̱ mei ni tšuo̱ maṅtše̱ le̱ nii le̱ fẽ wa Iudafoi le̱; edšake̱ Mordekai he ṅmiṅmi emõmo̱ame̱.

ŊMALƐ KRƆŊKRƆŊ LƐ

³ Anɔkwa, shikpɔji lɛ anɔ onukpai lɛ kɛ amraloi lɛ kɛ lumɛi lɛ kɛ mɛi fɛɛ ni tsuɔ maŋtsɛ nii ye bua Yudafoi lɛ, ejaakɛ mɔ fɛɛ mɔ miishe Mɔdekai gbeyei.

Ester 9:3 ပူးပေါင်းရင်းမြစ်များ

Ezra 2:2

mei ni ke̱ *Zerubabel, Iešua, Nehemia, Seraia, Reelaia. Mordekai, Bilšan, Mispar, Bigewai, Rehum ke̱ Baana ba le. Israelbii le ateṅ hĩĩ le̱ ayibo̱ ne̱: *1,8; 2,63.

Ezra 8:36

Ke̱ke̱ ni ame̱ṅõ *maṅtše̱ le̱ mlaĩ le̱ ame̱hã maṅtše̱ le̱ amraloi le̱ ke̱ lume̱i le̱ ni yo̱ fā le̱ bie̱gbe̱ le̱; ni ame̱wa maṅ le̱ ke̱ Nyoṅmo̱ we le̱. *7,11-25.

Ester 3:12

Ke̱ke̱ ni atšé̱ maṅtše̱ le̱ woloṅmãlo̱ĩ le̱ ke̱-ba ye̱ kleṅkleṅ nyõṅ le̱ no̱ gbĩ ni dši gbĩ nyoṅma ke̱ etẽ le̱ no̱; ni aṅmã bo̱ni Haman fã́ le̱ pe̱pē̱pe̱, ni ake̱yahã maṅtše̱ le̱ amraloi ke̱ lume̱i ní yeo̱ šikpoṅ-fẽ-šikpoṅ no̱ le̱, ke̱ maṅ-fẽ-maṅ mli onukpai le̱, šikpoṅ-fẽ-šikpoṅ le̱ aṅmã ke̱ *le̱dientše̱ eniṅmã ni maṅ-fẽ-maṅ hũ ye̱ le̱dientše̱ ewiemo̱ mli; ni aṅmã ye̱ maṅtše̱ Ahašweroš gbe̱i ano̱, ni ake̱ maṅtše̱ le̱ wolonāso̱omo̱ga le̱ se̱o nā. *1,22.

Ester 8:17

Ni šikpoṅ-fẽ-šikpoṅ ke̱ maṅ-fẽ-maṅ no̱ ní maṅtše̱ le̱ kitã ke̱ ekpo̱ le̱ še̱ le̱, Iudafoi le̱ náa mīše̱ ni ame̱nyáa ni ame̱ṅmẽo̱ okplõ ni ame̱yeo̱ gbĩdšũrõ. Ni šikpoṅ le̱ no̱ bii le̱ ateṅ mei pi tšṍmo̱ Iudafoi tete; *edšake̱ Iudafoi le̱ ahe ṅmiṅmi emōmo̱ame̱. 2 Mose 15,14-19.

Ester 8:5

ni ekē̱: Ke̱dši esa maṅtše̱ hĩe, ni ke̱dši mihĩe eba nyam ye̱ maṅtše̱ hĩe, ni sane le̱ dša ye̱ maṅtše̱ hĩe, ni mi hũ misa ehĩe le̱, hã ní aṅmã wolo ní ake̱yakpale wodši ní Haman, Hamedata bi le̱ ni dši Agagnyo le̱, tšō ṅā eṅmã ni eke̱-kpãtã Iudafoi ni yo̱ maṅtše̱ šikpõdši le̱ fẽ no̱ le̱ ahĩe le̱.

Ester 8:9

Ke̱ke̱ ni atšē̱ maṅtše̱ le̱ woloṅmãlo̱i le̱ ke̱-ba ye̱ nakai be le̱ mli, ye̱ nyõṅ ni dši etẽ ni dši Siwan nyõṅ le̱ no̱ gbĩ ni dši gbĩ nyoṅmai-enyo̱ ke̱ etẽ le̱ no̱; ni aṅmã bo̱ni Mordekai fã́ le̱ pe̱pē̱pe̱ ayahã Iudafoi le̱ ke̱ amraloi le̱ ke̱ lume̱i le̱ ke̱ šikpõdši le̱ ano̱ onukpai le̱ ke̱-dše̱ India āhũ ke̱-yaši Kuš, ní feo̱ šikpõdši oha ke̱ nyoṅmai-enyo̱ ke̱ kpawo le̱, *šikpoṅ-fẽ-šikpoṅ le̱ ke̱ le̱dientše̱ eniṅmā̃, ní maṅ-fẽ-maṅ le̱ ye̱ le̱dientše̱ ewiemo̱ mli, ke̱ Iudafoi le̱ hũ ye̱ ame̱niṅmā̃ ke̱ ame̱wiemo̱ mli. *1,22.

Daniel 3:2

Ni maṅtše̱ Nebukadnezar tšũ ake̱ ayabua amraloi le̱ ke̱ lume̱i le̱ ke̱ akutšei anukpai le̱ ke̱ kodšolo̱i le̱ ke̱ nitolo̱i le̱ ke̱ mlatšõlo̱i le̱ ke̱ maṅkraloi le̱ ke̱ šikpõdši le̱ ano̱ onukpai le̱ fẽ nā ke̱-bakpe, ni ame̱ba amãgã ní maṅtše̱ Nebukadnezar ke̱-mã ši le̱ bulemo̱.