Ester 9:1 - Ṅmãle̱ Kroṅkroṅ Le̱

¹ Agbe̱ne̱ ebaše̱ nyõṅ ní dši nyoṅma ke̱ enyo̱ ni dši Adar nyõṅ le̱ no̱ gbĩ ni dši gbĩ nyoṅma ke̱ etẽ le̱ no̱, ní abaye maṅtše̱ le̱ kitã ke̱ ekpo̱ le̱ no̱; ši nakai gbĩ le̱ ni Iudafoi le̱ ahenye̱lo̱i le̱ ahĩe kã no̱ ake̱ ame̱baye ame̱no̱ le̱, atšakele̱ ekroko, ni Iudafoi le̱ moṅ ná hewale̱ ye̱ ame̱henye̱lo̱i le̱ ano̱.

ŊMALƐ KRƆŊKRƆŊ LƐ

¹ Kɛkɛ ni nyɔŋ ni ji nyɔŋma kɛ enyɔ ni atsɛɔ lɛ Adar lɛ nɔ gbi ni ji nyɔŋma kɛ etɛ̃ lɛ bashɛ, ni ji gbi ni abaaye maŋtsɛ kitã kɛ akpɔ lɛ nɔ lɛ. Be mli ni Yudafoi lɛ ahenyɛlɔi lɛ ahiɛ kã nɔ akɛ amɛbaana Yudafoi lɛ anɔ hewalɛ lɛ, amɛhiɛnɔkãmɔ nɛɛ tsake ekroko, ni Yudafoi lɛ moŋ na hewalɛ yɛ amɛhenyɛlɔi lɛ anɔ.

Ester 9:1 ပူးပေါင်းရင်းမြစ်များ

2 Samuel 22:41

Asaṅ ohã mihenye̱lo̱i le̱ etšṍmo̱ ame̱se̱ ame̱hāmi, beni afe ni makpãtã mei ni nye̱o̱mi le̱ ahĩe.

Ester 3:13

Ni ake̱ wodši le̱ tšũ bo̱foi ni he yo̱ oyá ke̱-te maṅtše̱ le̱ šikpõdši le̱ fẽ no̱, koni akpãtã Iudafoi le̱ fẽ ahĩe, ni agbeame̱ ni aplenēame̱, oblahĩĩ ke̱ hĩĩmedši, gbekẽbii ke̱ yei fẽ, gbĩ kome dšenamo̱, ye̱ nyõṅ ní dši nyoṅma ke̱ enyo̱ ni dši nyõṅ Adar le̱ no̱, gbĩ ni dši gbĩ nyoṅma ke̱ etẽ le̱ no̱, ni aha ame̱nii.

Ester 3:7

Kleṅkleṅ nyõṅ le̱, ni dši Nisan nyõṅ le̱, no̱ ye̱ maṅtše̱ Ahašweroš yino̱ afi ní dši nyoṅma ke̱ enyo̱ le̱ no̱ le̱, ame̱fõ *Pur, no dši ošiki, ye̱ Haman hĩe ye̱ gbĩ-fẽ-gbĩ hewo̱ ke̱ nyõṅ-fẽ-nyõṅ hewo̱ āhũ ke̱-yaši nyõṅ ní dši nyoṅma ke̱ enyo̱ ni dši Adar nyõṅ le̱ no̱. *9,24.

Ester 8:12

ye̱ gbĩ kome no̱ ye̱ maṅtše̱ Ahašweroš šikpõdši le̱ fẽ no̱, ye̱ nyõṅ ni dši nyoṅma ke̱ enyo̱ ni dši Adar nyõṅ le̱ no̱ gbĩ ni dši gbĩ nyoṅma ke̱ etẽ le̱ no̱.

Ester 8:6

Edšake̱ té mafe tẽṅ ni manyẽ makwe̱ efõṅ ní aaba mimaṅbii ano̱ le̱ hũ? ni té mafe tẽṅ ni manyẽ makwe̱ midšakubii le̱ ahĩekpãtãmo̱ le̱ hũ?

Ester 9:17

Afe ene̱ ye̱ Adar nyõṅ le̱ no̱ gbĩ ni dši gbĩ nyoṅma ke̱ etẽ le̱ no̱, ni gbĩ ni dši gbĩ nyoṅma ke̱ edſe̱ le̱ ame̱dšō̱ ame̱he, ni ame̱ṅõ-fe okplõṅmõ ke̱ nyā̃mo̱ gbĩdšũrõ.

Lalai 18:40

Ni oke hewale̱ emĩamĩ ohã tawū, ohã mei ni tete ši womi le̱ ebakotomi.

Lalai 30:11

Bo toi, Iehowa, ni onami mo̱bo̱! Iehowa, ye obuami!

Bɔfoi 12:11

Ni beni Petro hĩe tšere̱le̱ le̱ ekē̱: Kpāko miná mile kre̱dē̱ ake̱ Nuṅtšo̱ le̱ etšũ ebo̱fo le̱ ke̱-ba, ni ebadšiemi ye̱ Herode deṅ ke̱ Iudafoi le̱ amaṅ le̱ gbe̱kwe̱mo̱ le̱ fẽ mli.

5 Mose 32:36

Edšake̱ Iehowa aafã emaṅ le̱ he, ni etšũdši le̱ asane aado̱le̱, ke̱ eena ake̱ ame̱hewale̱ etã, ni mei ní yo̱ maṅ ke̱ mei ní yo̱ akrowaiaṅ ſẽ etã le̱. 1 Maṅ. 14,10.

Kpojiemɔ 11:18

ni dšeṅmãdši le̱ amli efũ, ni *omlifũ ešẽ ke̱ be ní abakodšo gbohĩĩ le̱ ni abawo otšũdši ní dši gbaloi le̱ ke̱ kroṅkroṅbii le̱ ke̱ mei ní šeo̱ ogbe̱i le̱ gbeyei, mei bibii ke̱ mei wudši le̱, anyõmo̱, ni abafite mei ní fiteo̱ šikpoṅ le̱. *15,1. Lal. 2,1. 5. 12.