Ester 3:7 - Ṅmãle̱ Kroṅkroṅ Le̱

⁷ Kleṅkleṅ nyõṅ le̱, ni dši Nisan nyõṅ le̱, no̱ ye̱ maṅtše̱ Ahašweroš yino̱ afi ní dši nyoṅma ke̱ enyo̱ le̱ no̱ le̱, ame̱fõ *Pur, no dši ošiki, ye̱ Haman hĩe ye̱ gbĩ-fẽ-gbĩ hewo̱ ke̱ nyõṅ-fẽ-nyõṅ hewo̱ āhũ ke̱-yaši nyõṅ ní dši nyoṅma ke̱ enyo̱ ni dši Adar nyõṅ le̱ no̱. *9,24.

ŊMALƐ KRƆŊKRƆŊ LƐ

⁷ Maŋtsɛ Ahashwerosh maŋtsɛyeli afi ni ji nyɔŋma kɛ enyɔ lɛ nɔ klɛŋklɛŋ nyɔŋ ni atsɛɔ lɛ Nisan lɛ nɔ lɛ, Haman hã abɔ̃i oshiki, ni ji Pur, fɔ̃ɔ daa gbi kɛtao gbi ni hi hã eyiŋtoo lɛ he nitsumɔ. Afɔ̃ oshiki nɛɛ aahu kɛyashi nyɔŋ ni ji nyɔŋma kɛ enyɔ, ni ji Adar nyɔŋ lɛ nɔ.

Ester 3:7 ပူးပေါင်းရင်းမြစ်များ

Ezra 4:6

Ni Ahašweroš maṅtše̱yeli be le̱ mli, beni ebõi maṅtše̱yeli le̱, ame̱ṅmã Iuda ke̱ Ierusalem bii le̱ ahe nãflo̱mo̱ wolo.

Ezra 6:15

Ni agbe šla le̱ nā ye̱ Adar nyõṅ le̱ no̱ gbĩ ní dši gbĩ etẽ le̱ no̱ ye̱ *maṅtše̱ Dario maṅtše̱yeli afi ni dši ekpa le̱ no̱. *4,24.

Nehemia 2:1

Ni eba mli ye̱ Nisan nyõṅ le̱ no̱, ye̱ maṅtše̱ Artašasta yino̱ afi ni dši nyoṅmai-enyo̱ le̱ no̱, ake̱ wein mã ehĩe, ni miwó wein le̱ ni miṅõ-hã maṅtše̱ le̱. Ši mifeko mo̱bo̱mo̱bo̱ ye̱ ehĩe pẽṅ.

Ester 1:3

ye̱ emaṅtše̱yeli afi ni dši etẽ le̱ no̱ le̱, eṅmẽ elumei le̱ fẽ ke̱ etšũdši ni dši Persia ke̱ Media tatše̱mei le̱ ke̱ abladei ke̱ šikpõdši le̱ ano̱ lume̱i le̱ okplõ ye̱ ehīe.

Ester 2:16

Ni aṅõ Ester ke̱-te maṅtše̱ Ahašweroš ṅõ ye̱ emaṅtše̱yeli šĩa le̱ ye̱ nyõṅ ni dši nyoṅma, ni dši Tebet nyõṅ le̱ no̱, ye̱ emaṅtše̱yeli afi ni dši kpawo le̱ no̱.

Ester 9:1

Agbe̱ne̱ ebaše̱ nyõṅ ní dši nyoṅma ke̱ enyo̱ ni dši Adar nyõṅ le̱ no̱ gbĩ ni dši gbĩ nyoṅma ke̱ etẽ le̱ no̱, ní abaye maṅtše̱ le̱ kitã ke̱ ekpo̱ le̱ no̱; ši nakai gbĩ le̱ ni Iudafoi le̱ ahenye̱lo̱i le̱ ahĩe kã no̱ ake̱ ame̱baye ame̱no̱ le̱, atšakele̱ ekroko, ni Iudafoi le̱ moṅ ná hewale̱ ye̱ ame̱henye̱lo̱i le̱ ano̱.

Ester 9:21

ni eke̱-fo efõ ši ehãame̱ ake̱ ame̱ye Adar nyõṅ le̱ no̱ gbĩ ni dši gbĩ nyoṅma ke̱ edſe̱ le̱ ke̱ gbĩ ni dši gbĩ nyoṅma ke̱ enumo̱ le̱ dā afi,

Ester 9:5

Ni Iudafoi le̱ tſia ame̱henye̱lo̱i le̱ fẽ nii ke̱ klante, ame̱gbeame̱ ni ame̱kpãtã ame̱hĩe, ni ame̱fe ame̱henye̱lo̱i le̱ bo̱ni ame̱sumoo̱.

Abe̱i 16:33

Ošiki le̱, ſuo̱ no̱ afõo̱ ye̱; ši bo̱ni enā aayakpa fẽ le̱, Iehowa ṅõ edše̱o̱.

Mateo 27:35

Ni beni ame̱se̱ṅle̱ le̱, ame̱fõ ošiki ame̱ke̱-dša etadei le̱; koni gbalo̱ le̱ wiemo̱ le̱ aba mli ake̱: *“Ame̱dša mitadei le̱ eme̱hã amehe, ni mihebo le̱ ame̱fõ no̱ ošiki.” *Lal. 22,19.