Ester 3:12 - Ṅmãle̱ Kroṅkroṅ Le̱

¹² Ke̱ke̱ ni atšé̱ maṅtše̱ le̱ woloṅmãlo̱ĩ le̱ ke̱-ba ye̱ kleṅkleṅ nyõṅ le̱ no̱ gbĩ ni dši gbĩ nyoṅma ke̱ etẽ le̱ no̱; ni aṅmã bo̱ni Haman fã́ le̱ pe̱pē̱pe̱, ni ake̱yahã maṅtše̱ le̱ amraloi ke̱ lume̱i ní yeo̱ šikpoṅ-fẽ-šikpoṅ no̱ le̱, ke̱ maṅ-fẽ-maṅ mli onukpai le̱, šikpoṅ-fẽ-šikpoṅ le̱ aṅmã ke̱ *le̱dientše̱ eniṅmã ni maṅ-fẽ-maṅ hũ ye̱ le̱dientše̱ ewiemo̱ mli; ni aṅmã ye̱ maṅtše̱ Ahašweroš gbe̱i ano̱, ni ake̱ maṅtše̱ le̱ wolonāso̱omo̱ga le̱ se̱o nā. *1,22.

ŊMALƐ KRƆŊKRƆŊ LƐ

¹² No hewɔ lɛ, afi lɛ nɔ klɛŋklɛŋ nyɔŋ lɛ nɔ gbi ni ji nyɔŋma kɛ etɛ̃ lɛ nɔ lɛ, Haman kpee maŋtsɛ lɛ woloŋmalɔi lɛ fɛɛ, ni amɛnaa bakpe shi. Amɛŋma wolo lɛ bɔ pɛpɛɛpɛ ni Haman fã amɛ akɛ amɛŋma lɛ koni akɛyahã amraloi lɛ kɛ lumɛi ni kwɛɔ shikpɔŋ fɛɛ shikpɔŋ nɔ kɛ maŋ fɛɛ maŋ mli onukpa fɛɛ onukpa hu. Shikpɔŋ fɛɛ shikpɔŋ lɛ aŋma ewolo lɛ yɛ lɛ diɛŋtsɛ eniŋmãa mli, ni maŋ fɛɛ maŋ lɛ aŋma ewolo lɛ yɛ ewiemɔ mli. Aŋmala woji lɛ yɛ Maŋtsɛ Ahashwerosh gbɛi mli, ni akɛ ewolonaasɔomɔ waoga lɛ sɔo naa.

Ester 3:12 ပူးပေါင်းရင်းမြစ်များ

1 Maŋtsɛmɛi 21:8

Ke̱ke̱ ni eṅmã wodši ye̱ Ahab gbe̱i ano̱, ni eṅõ ewolonāso̱omo̱nõ le̱ eso̱o ame̱nā, ni eṅõ wodši le̱ emãdše onukpai ke̱ abladei ni yo̱ emã le̱ṅ, ní ke̱ Nabot ye̱ le.

Ezra 8:36

Ke̱ke̱ ni ame̱ṅõ *maṅtše̱ le̱ mlaĩ le̱ ame̱hã maṅtše̱ le̱ amraloi le̱ ke̱ lume̱i le̱ ni yo̱ fā le̱ bie̱gbe̱ le̱; ni ame̱wa maṅ le̱ ke̱ Nyoṅmo̱ we le̱. *7,11-25.

Ester 1:22

Ke̱ke̱ ni etšũ ake̱ wodši te maṅtše̱ le̱ šikpõdši sro̱toi le̱ fẽ ano̱, *šikpoṅ-fẽ-šikpoṅ le̱ aṅmã ke̱ le̱dientše̱ eniṅmã, ni maṅ-fẽ-maṅ hũ ye̱ le̱dientše̱ ewiemo̱ mli: ake̱ †nū-fẽ-nū le̱ eye ewe no̱; ni awie le̱dientše̱ emaṅ wiemo. *3,12; 8,2. †1 Mose 3,15.

Ester 3:11

Ni maṅtše̱ le̱ kē̱ Haman ake̱: Dſie̱te̱i le̱, ake̱-hão, ke̱ maṅbii le̱ hũ, ní ofe-ame̱ bo̱ni sa ohĩe.

Ester 8:2

Ni maṅtše̱ le̱ dšie *ewolonāso̱omo̱ga le̱ ní ebe ye̱ Haman dẽ le̱, ni eṅõ-hã Mordekai. Ni Ester ṅõ Mordekai eto Haman we le̱ no̱. *3,10.

Ester 9:27

Iudafoi le̱ to, ni ame̱ke̱-fe gbe̱nã ni kã ši hãame̱ ke̱ ame̱sešibii ke̱ mei fẽ ni ke̱ ame̱he ebadõmo̱ame̱ le̱, ake̱ ame̱aye ne̱ke̱ gbĩĩ enyo̱ ne̱, tamo̱ bo̱ni aṅmã le̱ ye̱ ebe ni ato le̱ mli dã afi, ni ekaho ame̱yi;

Daniel 3:10

Bo maṅtše̱, *owo akpo̱, ake̱ mofẽmo ní aanu kōfẽṅ ke̱ ble̱ ke̱ saṅkũ ke̱ kete ke̱ obentá ke̱ obónu ke̱ dšõ̀i sro̱toi le̱ fẽ agbē̱mo̱ le̱, ekũla ši, ni edšá šika amãgã le̱, *6,15.

Daniel 6:12

[11.] Ke̱ke̱ ni ne̱ke̱ gbomei ne̱ bua ame̱he nā ke̱-ba, ni ame̱banina Daniel ní ēso̱le ni ēkpa fai ye̱ e-Nyoṅmo̱ le̱ hĩe.

Daniel 6:15

[14.] Agbe̱ne̱ beni maṅtše̱ le̱ nu wiemo̱ ne̱, edo̱le̱ naakpa, ni etao boni eefe ye̱ Daniel hewo̱, koni edšiele̱, ni ebo̱ modeṅ āhū ke̱-yaši hũlũ šínyō̃ mli, koni ehere eyiwala.

Daniel 6:25

[24.] Ni maṅtše̱ le̱ fã́, ni ake̱ nakai gbomei le̱ ni baflo̱ Daniel nā le̱ ba, ni aše̱re̱ame̱ aſie dšatai abu le̱ mli, ame̱ ke̱ ame̱bii ke̱ ame̱ṅãmei, ni ame̱še̱e̱ bu le̱ šiši tete, ni dšatai le̱ mo̱mo̱ame̱, ni ame̱dſăra ame̱wui fẽ.

Daniel 6:8

[7.] Maṅtše̱yeli le̱ mli onukpai le̱ ke̱ lume̱i le̱ ke̱ amraloi le̱ ke̱ adšinafoi le̱ ke̱ akutšei anukpai le̱ ete adšina, ake̱ maṅtše̱ awo kítã ke̱ akpo̱ ake̱ mofẽmo ní aabi nyoṅmo̱ lo gbomo ko noko, ni dšee bo maṅtše̱ okome ke̱ke̱, ke̱-yaši bie̱ gbĩĩ nyoṅmai-etẽ le̱, aaše̱le̱ afõ dšatai abu le̱ mli.