Efesobii 6:9 - Ṅmãle̱ Kroṅkroṅ Le̱

⁹ Ni *nye nuṅtšo̱mei le̱, nyefeaame̱ nakai noṅṅ ni nyefõaame̱ hãihãi-hĩemo̱, ni nyele ake̱ nyeke̱ame̱ fẽ ye̱ nuṅtšo̱ ye̱ ṅwei, ni †ekwee gbomei ahĩeaṅ. *Kol. 4,1. †2 Kron. 19,7. Bof. 10,34.

ŊMALƐ KRƆŊKRƆŊ LƐ

⁹ Ni nyɛ nuŋtsɔmɛi lɛ, nyɛfea amɛ nakai nɔŋŋ ni nyɛfɔ̃a amɛhe gbeyeiwoo ni nyɛle akɛ nyɛ kɛ amɛ fɛɛ yɛ Nuŋtsɔ yɛ ŋwɛi, ni gbɔmɛi ahiɛiaŋkwɛmɔ ko bɛ egbɛfaŋ.

Efesobii 6:9 ပူးပေါင်းရင်းမြစ်များ

Nehemia 5:5

Nto wo̱helo tamo̱ wo̱nyemimei le̱ ahelo noṅṅ, ni wo̱bii le̱ tamo̱ ame̱bii le̱, ši na, wo̱ le̱ wo̱ṅõo̱ wo̱bihĩĩ ke̱ wo̱biyei wo̱woo̱ nyṍṅyeli mli, ni ame̱tšṍmo̱ nyṍdši, ni wo̱biyei le̱ ateṅ meikomei ye̱ nyṍṅyeli mli momo; ni wo̱nyẽẽ he eko wo̱fe, ni wo̱ṅmõdši ke̱ wo̱weintromi ye̱ meikrokomei adeṅ.

Hiob 34:19

Ahũ ní moni kwe̱e̱ onukpai ahĩe, ni ebuu niiatše̱ fè ohĩafo; edšake̱ enine-nā nitšumo̱ dši ame̱fẽ-kwa le̱.

Lalai 140:12

Nū lile̱itše̱ akahe ši ye̱ šikpoṅ le̱ no̱; efõṅ aagbo̱bi nū yiwalo̱ le̱, ní ebutule̱!

Jajelɔ 5:8

Maṅtše̱ ní sumoo̱ hũmo̱ le̱, ehe ye̱ se̱námo̱ hã emaṅ.

Yesaia 47:6

Mimli wo mimaṅ le̱ la, mibule mino̱yelinõ le̱, ni mike̱ame̱ wo odeṅ: omũsũṅ etšõõo ye ame̱he, ohã opã le̱ tšī ye̱ nūmo po no̱; 10,4-7. Zak. 1.15.

Daniel 3:15

Agbe̱ne̱ ke̱dši nyesā nyehe nyeto le̱, no le̱ befẽbe ní nyeanu kōfẽṅ le̱ ke̱ ble̱ le̱ ke̱ saṅkũ le̱ ke̱ kete le̱ ke̱ obentá le̱ ke̱ obónu le̱ ke̱ dšõ̀i sro̱toi le̱ fẽ agbē̱mo̱ le̱, nyekũlaä ši; ni nyedšáa amãgã ni mife le̱; ši ke̱dši nyedšáá le̱, nakai nmle̱tſā le̱ no̱ noṅṅ le̱ aaše̱re̱nye aſie la ke̱ flõnõ ní tšoo̱ grigri le̱ mli! Ni *namo dši Nyoṅmo̱ ní aadšienye ye̱ mideṅ le̱? *2 Maṅ. 18,35.

Daniel 3:6

ni mofẽmo ní kũlaa ši ní edšá le̱, nakai ṅmle̱tſā le̱ no̱ noṅṅ le̱ aaše̱le̱ afõ la ke̱ flõnõ ni tšoo̱ grigri le̱ mli.

3 Mose 19:13

Kāye onanyo amim ni okalō enii. *Kāhã dše mītše̱re apāfonyo nyõmo̱wo le̱ no̱. *5 Mose 24,14. 15. Ier. 22,13. Iak. 5,4.

Maleaki 3:5

Ni matši mabe̱ṅke̱nye ní makodšo, ni matšṍ odasefonyo ni he yo̱ oyá maši ṅkũnyāyelo̱i ke̱ gblãfitelo̱i be̱ mei ní kãmoo̱ amale kitãi ke̱ mei ní yeo̱ apāfoi anyõmo̱wo, ni ame̱tšṍo̱ yō okũlafo ke̱ awusā ke̱ gbo̱ sane hĩe ame̱buo̱ ši, ni ame̱šeemi gbeyei le̱! Iehowa Zebaot kē̱.

Mateo 22:10

Ni tšũdši le̱ dše kpo te gbe̱i le̱ ano̱, ni ame̱yabua mei fẽ ní ame̱na le̱ anā, meifõdši ke̱ meikpakpai, ni yōkpēmo̱he le̱ yi to̱ ke̱ mei.

Mateo 22:8

Ke̱ke̱ ni ekē̱ etšũdši le̱ ake̱: Ato yōkpēmo̱ le̱ he nii agbe nā moṅ, ši mei ní akpē le̱, esaaame̱.

Mateo 24:48

Ši ke̱dši nakai tšũlo̱ fõṅ le̱ aake ye̱ etšui mli ake̱: Minuṅtšo̱ le̱ mītši ebabe le̱ ēto; Dsads. 8,11.

Mateo 24:51

ni eetsere̱ emli ni eehãle̱ egbe̱fãṅnõ ye̱ osatofoi le̱ ateṅ. *Dše̱i yāfó ke̱ nyãnyõdši ašišikpemo̱ aahĩ. *8,12.

Mateo 7:12

Nohewo̱ le̱, nofẽno ní nyetaoo̱ ake̱ mei aṅõ-fenye le̱, nye hũ nyefeaame̱ nakai noṅṅ; edšake̱ ene̱ dši mla le̱ ke̱ gbalo̱i le̱. 22,39. 40. Rom. 13,8-10.

Luka 6:31

Ni bo̱ni nyetaoo̱ ake̱ mei afe ahãnye le̱, nye hũ nyefea nakai noṅṅ nyehãaame̱. Mat. 7,12.

Yohane 13:13

Nye le̱ nyetšé̱o̱mi tšõlo̱ ke̱ Nuṅtšo̱; ni nyetõõ nā, edšake̱ nakai dšimi. Mat. 23,8. 10.

Bɔfoi 10:34

Ke̱ke̱ ni Petro gble enā ni ekē̱: Le̱le̱ṅ, miyo ake̱, Nyoṅmo̱ dšee mei ahĩeaṅkwe̱lo̱; 1 Sam. 16,7. Rom. 2,11.

Romabii 2:11

Edšake̱ Nyoṅmo̱ kpaa gbomei amli. Bo̱f. 10,34. 1 Pet. 1.17.

1 Korintobii 1:2

(ṅmã) yahã Nyoṅmo̱ asafo ní yo̱ Korinto le̱, *mei ni atšū amehe ye̱ Kristo Iesu mli ní dši meikroṅkroṅi ni atšé̱ame̱ ka mei fẽ ní †tšé̱o̱ ame̱ke̱wo̱ fẽ Nuṅtšo̱ Iesu Kristo gbe̱i le̱ ano̱ ye hefẽhe le̱: *6,11. †Bo̱f. 9.14.

1 Korintobii 7:22

Ši moni atšé̱le̱ ye̱ Nuṅtšo̱ le̱ mli ni edši tšũlo̱ le̱, Nuṅtšo̱ le̱ odehe ni; nakai noṅṅ kẽ moni atšé̱le̱ ní edši odehe le̱, Kristo tšũlo̱ ni. Ef. 6,6. Filem. 16.

5 Mose 10:17

Edšake̱ Iehowa, o-Nyoṅmo̱ le̱, le̱ dši nyoṅmo̱i a-Nyoṅmo̱ ke̱ nuṅtšo̱mei a-Nuṅtšo̱, Mawu ní da ní he wa ní ehe yo̱ gbeyei, moni kwe̱e̱ mei ahĩeaṅ ní ehee nyōṅnii le̱,

Kolosebii 3:25

Ši moni feo̱ nii ni edšaa gbe̱ le̱ aaná nii ni edšaa gbe̱ le̱ he nyõmo̱wo, ni hĩeiaṅkwe̱mo̱ ko be̱ṅ, Rom. 2,11.

Kolosebii 4:1

Nye nuṅtšo̱mei le̱, nyeṅõa noni dša ke̱ noni sa pe̱ nyehãa nyetšũdši le̱, ni nyelea ake̱ nye hũ nyeye̱ nuṅtšo̱ ye̱ ṅwei. 3 Mose 25,43. 53.

Yakobo 2:13

Edšake̱ kodšomo̱ mli le̱, moni enaa mo̱bo̱ le̱ anaṅle̱ me̱bo̱: fã me̱be̱nale̱ ſãa ešio̱ kodšomo̱. Mat. 5,7; 18,30. 34; 25,45. 46.

Yakobo 2:8

Nohewo̱ le̱ ke̱dši nyeye kitã ni dši mla le̱ mli otu ni *kē̱o̱ ake̱: “Suomo̱ onanyo take̱ bo̱ni osumoo̱ bodientše̱ ohe le̱” no̱ ye̱ ṅmãle̱ le̱ nā le̱, no le̱ nyemīfe dšogbāṅ. *3 Mose 19,18

Yakobo 5:4

Na, nitšulo̱i ni kpa nyeṅmõdšiaṅ nii le̱ anyōmo̱wo ni nyetše ye̱ šišiumo̱ nā le̱ mīblo̱, ni mei ni bua nyenii anā le̱ ablo̱mo̱i le̱ ebabote Zebaot Nuṅtšo̱ le̱ toiiaṅ, 5 Mose 24,14. 15.

1 Samuel 15:17

Ni Samuel kē̱: Ani dšee beni *odši bibiō ye̱ bodientše̱ ohĩe le̱, ni otšṍ Israel akutšei le̱ ayitšo, ni Iehowa fe̱o mũ woö Israel no̱ maṅtše̱? *9,21.