Jajelɔ 9:11 - Ṅmãle̱ Kroṅkroṅ Le̱

¹¹ Misā mina ya hũlũ šiši, ake̱ dšee heoyátše̱mei anõ dši foidamo̱, ni dšee ekãto̱i hũ anõ dši ta, ni asaṅ dšee nilelo̱i anõi dši abolo, ni asaṅ dšee sanese̱ko̱lo̱i anõ dši nii ni asaṅ dšee ṅālo̱i anõ dši hĩenyam; ši ame̱fē le̱ be ke̱ ame̱šē̱ mli dše̱o̱. Ier. 10,13.

ŊMALƐ KRƆŊKRƆŊ LƐ

¹¹ Asaŋ mina akɛ jeŋ ni ayɔɔ mli nɛɛ lɛ, jeee be fɛɛ be mɔ ni najiaŋ wa yeɔ foidamɔ mli kunim, aloo kãkãlɔ yeɔ ta mli kunim; aloo nilelɔ naa edaaŋŋmaa, aloo hiɛshikãlɔ tsɔ̃ɔ niiatsɛ, aloo mɔ ni he esa yɛ nitsumɔ ko mli hiɛ baa nyam; shi amɛ fɛɛ lɛ dromɔ naa kɛkɛ ni.

Jajelɔ 9:11 ပူးပေါင်းရင်းမြစ်များ

2 Samuel 17:14

Ke̱ke̱ ni Absalom ke̱ Israelbii le̱ fẽ kē̱: Hušai, Arkinyo le̱, ṅāwõ le̱ hĩ fè Ahitofel nõ le̱. Edšake̱ to *Iehowa eto ake̱ akwa Ahitofel ṅāwõ kpakpa le̱, beni afe ni Iehowa ke̱ efõṅ aba Absalom no̱. *15,31. 34.

2 Samuel 17:23

Ni beni Ahitofel na ake̱ ayee eṅāwō le̱ no̱ le̱, ewo etedši no̱ nii, ni ete ši ni eyiṅ ete ewe ye̱ emaṅ, ni eto ewe le̱ gbe̱dšiano̱, ni *eyawo esẽ kpã ni egbo, ni afũle̱ ye̱ etše̱ fū̃he le̱. *Mat. 27,5.

2 Kronika 20:15

ni ekē̱: Nyeboa toi, Iuda fẽ ke̱ Ierusalembii ke̱ bo maṅtše̱ Iehošafat! Bo̱ni Iehowa kē̱o̱nye ne̱: Nyekašea gbeyei ni nyetšui akafãa ye̱ ne̱ke̱ ta babaō ne̱ hewo̱; edšake̱ ta le̱ dšee *nyenõ ni, ši moṅ Nyoṅmo̱ nõ nĩ! *2 Mose 14,14.

Hiob 34:29

Ké̱ le̱ ēhã hedšo̱le̱ le̱, bĕle̱ namo aabu fo̱? ni ké̱ eke̱ ehĩe tē le̱, namo aanale̱? dšeṅmaṅ dšio, mokome dšio:

Lalai 76:5

Ohĩe ye̱ nyam ni ekpe̱o̱ fè niihā gõdši le̱!

Abe̱i 1:5

ní nilelo̱ anu ni eſere ye̱ nikasemo̱ gbe̱fãṅ, ní moni yo̱ dſẽṅmo̱ hũ aná ṅā-wō kpakpa,

Jajelɔ 2:12

Ni mitšṍ mihe ní makwe̱ *nilē ke̱ se̱ke̱yeli ke̱ kwašiafemo̱ hũ; edšake̱ gbomo ní baba ye̱ maṅtše̱ še̱ le̱, meni ebafe? Noni ofe momo le̱ noṅṅ! *1,17.

Jajelɔ 3:14

Miyo ake̱ nofẽno ní Nyoṅmo̱ fe le̱, no kẽ bahĩ ši ke̱-ya nāno̱; anyẽṅ ake̱ noko afata he lo adšie noko ye̱ mli; ni Nyoṅmo̱ fe, koni ašele̱ gbeyei.

Jajelɔ 3:17

Mikē̱ ye̱ mitšui mli ake̱; Dšalo̱ ke̱ mofõṅ le̱ fē, Nyoṅmo̱ bakodšoame̱; edšake̱ yiṅtō-fẽ-yiṅtō ke̱ nitšumo̱-fẽ-nitšumo̱ ye̱ ebe. 12.14.

Jajelɔ 4:1

Ke̱ke̱ ni misā mina yiwale̱i fẽ ni awaä mei ayi ye̱ hũlũ šiši ne̱: ni na, mei ní awaäame̱ yi le̱ ayāfónui, ši ame̱be̱ mĩše̱-dšelo̱ ko, ni ame̱yiwalo̱i le̱ anineši wa ye̱ ameno̱, ši amehe̱ mīše̱dšelo̱ ko.

Jajelɔ 4:4

Ni misā mina deṅmegbomo̱ fẽ, ke̱ nitšumo̱ mli ſeremo̱ fẽ hũ, ake̱ no hewo̱ gbomo he tšẽo̱ enanyo. Ene̱ hũ yakayakanoko ke̱ kō̱yo̱ hakumo̱ ni.

Jajelɔ 7:13

Kwe̱mo̱ Nyoṅmo̱ nitšumo̱ le̱, ši namo aanyẽ adšadše noni le̱ ekõdõ le̱? 1,15.

Jajelɔ 9:2

Sãdši fẽ baä mei fẽ no̱ pe̱pē̱pe̱: ošrā kome šrãa dšalo̱ ke̱ mofõṅ, mokpakpa ke̱ moni he tše, ke̱ moni he tšee, moni šãa afo̱le ke̱ moni esãã afo̱le fẽ; bo̱ni mokpakpa naä le̱, nakai noṅṅ efõṅfelo̱ naä, moni kãa kitã hũ tamo̱ moni šeo̱ kitākãmo̱ gbeyei noṅṅ. *2,14. Hiob 9,22.

Jajelɔ 9:3

Ene̱ dši efõṅ ye̱ nii fẽ ni afeo̱ ye̱ hũlũ šiši ne̱ mli, ake̱-ní ošrã kome šrãa mei fẽ le̱, *nohewo̱ hũ ni gbomei abii atšuiiaṅ eyimo̱ obõbõ ke̱ efõṅ, ni se̱ke̱yeli soṅṅ yo̱ ame̱tšuiiaṅ ye̱ ame̱wala be mli: ni no se̱ le̱ — ame̱yaä gbohĩĩ le̱ aṅõ. 8,11.

Yeremia 46:6

Heoyátše̱ náṅ gbe̱ adšo foi, ni kãkãlo̱ hũ edšeṅ mli: ame̱tĕ̱re̱tĕ̱re̱i ni ame̱nyõnyõi ye̱ kōyigbe̱ ye̱ Eufrate fã le̱ nā!

Yeremia 48:14

Mẽba nyekē̱o̱ ake: Hĩĩ kãkãlo̱i ke̱ tabiloi ní sa tawū dši wo̱ le̱?

Yeremia 9:23

Bo̱ni Iehowa kē̱ ne̱: Nilelo̱ akaſã mīfõ enilē no̱, hewalo̱ hũ akaſã mīfõ ehewale̱ no̱, ni niiatše̱ akaſã mīfõ enii ano̱;,

Daniel 4:35

Ni šikpoṅ te no̱ bii fẽ le̱, abuo̱ame̱ ake̱ ame̱dšee fē̱ifē̱i, ni efeo̱ noni esumoo̱ ye̱ ṅwei ta te ke̱ šikpoṅ le̱ no̱ bii le̱ ateṅ, ni moko be̱ ni aatſa enine afõ lo ni eekē̱le̱ ake̱: Meni ofeo̱ ne̱?

Zakaria 4:6

Ke̱ke̱ ni ehere no̱ ni ekē̱mi ake̱: Ene̱ dši Iehowa wiemo̱ ní ba Zerubabel ṅõ ake̱: Dšee nyẽmo̱ nā le̱, dšee hewale̱ nā, ši Mimumo̱ le̱ nā! Iehowa Zebaot kē̱.

Maleaki 3:18

No dãni nyeakũ se̱ nyena sro̱to ní yo̱ dšalo̱ ke̱ efōṅfelo̱ ieṅ, ke̱ moni súmoo̱ Nyoṅmo̱ ke̱ moni súmo̱o̱le̱ teṅ.

Efesobii 1:11

le̱ emli noṅṅ wo̱ná *gbošinii le̱ bũ ye̱, wo̱ mei ni adšiewo̱ ato ye̱ moni tšuo̱ nibii fiã le̱ †yiṅtō nā, bo̱ni sa le̱-dientše̱ esuomo̱ ṅãwõ le̱ hĩe le̱, *Kol. 1,12. †Rom. 8,28.

5 Mose 8:17

koni okakē̱ ye̱ otšui mli ake̱: Midientše̱ mihewale̱ ke̱ mininešiwale̱ nā mike̱-ná ne̱ke̱ nii ne̱ fẽ!

5 Mose 8:18

Ši moṅ kaimo̱ Iehowa, o-Nyoṅmo̱ le̱, edšake̱ le̱ dši moni hãao hewale̱ ní oke̱-náa nii, koni ehã *ekpãṅmo̱ ní ekã otše̱mei le̱ akitã ye̱ he le̱ amã ši, take̱ bo̱ni eyo̱ ṅme̱ne̱ ne̱. *4,31.

1 Samuel 17:50

Ni David ke̱ akromia ke̱ te̱ le̱ ye Filistinyo le̱ no̱ kũnim, ni etſa Filistinyo le̱ nõ ni egbele̱, tše̱ David ehĩee klante ko.

1 Samuel 6:9

Ni na, ke̱dši etšṍ ehũsũ le̱ no̱ gbe̱ ke̱-te Bet-Šemeš le̱, bēle̱ le̱ efewo̱ ne̱ke̱ efõṅ kpeteṅkple ne̱; ši ké̱ dšee nakai le̱, bĕle̱ wo̱ná wo̱le ake̱ dšee le̱ enine haowo̱ le̱, ši ošrã ko ke̱ke̱ bašrãwo̱.