Jajelɔ 5:1 - Ṅmãle̱ Kroṅkroṅ Le̱

¹ *Kāhã onā mīfe ble̱ble̱, ni otšui hũ akaye oyái ewie wiemo̱ ko ye̱ Nyoṅmo̱ hĩe, ši Nyoṅmo̱ le̱ ṅwei eyo̱, ni bo le̱ oye̱ šikpoṅ le̱ no̱; nohewo̱ le̱ kāhã owiemo̱i mīfá. *Iak. 1,19.

ŊMALƐ KRƆŊKRƆŊ LƐ

¹ Kwɛmɔ jogbaŋŋ kɛji ooya Nyɔŋmɔ We lɛ. Kɛji ooya jɛi oyabo wiemɔ toi lɛ, ehi fe oooya jɛi oyashã afɔle ni kwashiai yaa amɛyashãa lɛ; ejaakɛ amɛleee akɛ amɛmiifee nɔ fɔŋ.

Jajelɔ 5:1 ပူးပေါင်းရင်းမြစ်များ

2 Kronika 26:16

Ši beni ená hewale̱ le̱, etšui *wó ehe no̱ ni ehã ehãe kpãtã, ni eto Iehowa, e-Nyoṅmo̱ le̱, no̱; edšake̱ ete Iehowa so̱lemo̱tšũ le̱ṅ, ní eyašã tšofã-ke̱-ṅma ye̱ tšofã-ke̱-ṅma-šãlate̱ le̱ no̱. *25.19.

Hiob 11:2

Aso wiemo̱i babaō ne̱ ahãṅ hetō, alo nū nāfūtše̱ aaye bem?

Hiob 22:12

Nto Nyoṅmo̱ kwo̱ fè ṅwei? Ni kwe̱ ṅulamii akwo̱le̱, bo̱ni ame̱kwo̱ ame̱hã!

Lalai 89:7

Ši namo yo̱ atatuiaṅ, ni aanyẽ aṅõ-le̱ ato Iehowa he, ni *nyoṅmo̱i abii le̱ ateṅ le̱ namo tamo̱ Iehowa? *Hiob 1,5.

2 Mose 3:5

Ni ekē̱: Kātši obe̱ṅke̱ bie̱! dšiemo̱ otokotai le̱ ye̱ onane, ši he ní odamo̱ le̱ šikpoṅ kroṅkroṅ ni. Ios. 5,15, 1 Mose 28,17.

2 Mose 30:18

Asaṅ oṅõ akō̱ble ofe lalakã, ke̱ ekăla le̱ hũ akō̱ble, ní ake̱-dšu he, ni oke̱-mã kpẽ-bū le̱ ke̱ afo̱lešãlate̱ le̱ teṅ, ni oye̱ nu owo mli, 38,8.

Abe̱i 10:19

Wiemo̱ babaō yo̱ ne̱, no̱tõmo̱ kpaa ye̱ mli; ši moni mõo̱ enabu mli le̱, nilelo̱ ni.

Abe̱i 15:8

Meifõdši afo̱le le̱, Iehowa mīhĩ; ši dšaloi aso̱lemo̱ le̱, enáa he mīše̱. K. 29. Y. 21,27; 28,9. 1 Mose 4,4. 6. Ies. 1,11. 16. Luk. 18,9-11.

Abe̱i 21:27

Efõṅfelo̱i afole le̱ nihĩnii ni, āhũ ní eke̱-ba ye̱ dſẽṅmo̱ fõṅ mli! 16,8.

Yesaia 66:3

Moni gbeo̱ tšina le̱, etamo̱ *noni ēgbe gbomo noṅṅ; moni ke̱ tō šãa afole le̱, etamo̱ noni ēkũ gbẽ́ kue̱ noṅṅ; moni šãa niyenii-aſo̱le le̱, etamo̱ noni eke̱ kplokō lá bahã noṅṅ; moni šãa kro̱bo̱o le̱, etamo̱ noni ēdšō̱ wo̱ṅ noṅṅ. Hē̃, ame̱kŏ̱lo̱ ame̱dientše̱ ame̱gbè̱i, ni ame̱susuma náa ame̱nihĩnii le̱ ahe tšui. 5 Mose 17,4.

3 Mose 10:3

Ni Mose kē̱ Aaron ake̱: Ene̱ dši noni Iehowa wie ekē̱: Mei ni *be̱ṅke̱o̱mi le̱ amli aafe mihe kroṅkroṅ ye̱, ni maṅ mū le̱ fẽ hĩe aawo mihĩe nyam ye̱. Ni Aaron bu enā. *1 Pet. 4,17.

Bɔfoi 10:33

Ke̱ke̱ ni amrõ le̱ noṅṅ ni mitšŭ oṅõ, ni ofe dsogbāṅ ake̱ oba ne̱. Nohewo le̱ agbe̱ne̱ wo̱fẽ wo̱ye̱ bie̱ ye̱ Nyoṅmo̱ hĩe, koni wo̱bo nibii fẽ ní Nyoṅmo̱ ekē̱o eto le̱ atoi.

Bɔfoi 17:11

Ši mene̱mei asu hĩ fè mei ní yo̱ Tesalonika le̱, ni ame̱ le̱ ame̱dšie ame̱yitšoṅ ame̱mõ wiemo̱ le̱ mli, ni dā *ame̱kpaä ṅmãle̱i le̱ amli ame̱kwe̱o̱ ake̱ nibii ne̱ ye̱ mli nakai lo. *Ioh. 5,39.

1 Korintobii 11:22

Aso nyebe̱ šĩai ní nyeaye nii ni nyeanu ye̱ dše̱i? Alo Nyoṅmo̱ asafo le̱ he guo̱ nyegbee, ni *nyewoo̱ mei ní be̱ noko le̱ ahĩegbĕle? Té makē̱nye tēṅ? Ani midšie nyeyi? Ene̱ le̱, midšiee nyeyi ye̱ mli. *Iak. 2,5. 6.

Hebribii 10:26

Edšake̱ ke̱ kwa wo̱kwaä wo̱feo̱ eša, beni wo̱ná ano̱kwale he nilē le̱ se̱ le̱, bĕle̱ ešai ahe afo̱le ko be̱ doṅṅ; 6,4-8.

Yakobo 1:19

Nohewo̱ le̱, minyemimei ni misumoo, mofẽmo he afe oyá ke̱ ninumo̱, ehũmi ši ke̱ wiemo̱, *ehũmi ši ke̱ mlifũ. *Dsads. 7,9.

Yoshua 5:15

Ni Iehowa ta le̱ no̱ tatše̱ le̱ kē̱ Iošua ake̱: *Dšiemo̱ otokota le̱ ye̱ onane; edšake̱ heni odamo̱ le̱ ye̱ kroṅkroṅ. Ni Iošua fe nakai. *2 Mose 8,5.