Jajelɔ 11:9 - Ṅmãle̱ Kroṅkroṅ Le̱

⁹ Oblanyo, hã omī aše̱ ohe ye̱ oblahĩaṅ, ni oná tšuidšrŭrõ ye̱ oblahīaṅ gbĩī le̱ amli, ni onyie otšui gbè̱i le̱ ano̱, ke̱ nii ní ohĩṅme̱ii naä le̱ ase̱: ši ná ole ake̱ ene̱mei fẽ hewo̱ le̱ Nyoṅmo̱ ke̱o bakodšo. 8,15.

ŊMALƐ KRƆŊKRƆŊ LƐ

⁹ Oblanyo, nya yɛ oblahiiaŋ; hã omii ashɛ ohe yɛ oblahiiaŋ fɛɛ; ye otsui naa sane; feemɔ nɔ ni hi yɛ ohiɛ; shi moŋ kaimɔ akɛ Nyɔŋmɔ kɛ bo baakojo yɛ nibii fɛɛ ni ofee lɛ ahewɔ.

Jajelɔ 11:9 ပူးပေါင်းရင်းမြစ်များ

1 Mose 3:6

Ni beni yō le̱ *na ake̱ tšo le̱ hĩ hã yeli, ni efeo̱ hĩṅme̱ii ako̱no̱, ni tšo le̱ baä mo tšine, ni etšõo̱ mo nii le̱, †etše eno̱ yibii le̱ eko ni eye, ni ehã ewù ní ke̱le̱ yo̱ le̱ hũ eko, ni eye. *Iak. 1,14. †1 Tim. 2,14.

1 Mose 6:2

Nyoṅmo̱ bihĩĩ le̱ yana ake̱ gbomei abiyei le̱ ahe ye̱ fe̱o, ni ame̱w̌e̱w̌rē̱ ame̱teaṅ yei fẽ ni ame̱sumoo̱. Mat. 24,38.

1 Maŋtsɛmɛi 18:12

Ni aaba mli ake̱ amrõ pe̱ ni mašĩo mate le̱, Iehowa Mumo̱ le̱ aabawóo ke̱-ate heni milee, ni ké̱ mite miyakē̱ Ahab, ni ebanaao le̱, ebagbemi; ši otšũlo̱ *šeo̱ Iehowa gbeyei ke̱-dše̱ migbekẽbiiaši. *K. 8.

1 Maŋtsɛmɛi 18:27

Ni eba mli ake̱ ſane mli le̱, Elia ye ame̱he fe̱o ni ekē̱: Nyeblo̱a ni awaä, edšake̱ nyoṅmo̱ dšile̱! ekole̱ bene̱ ēsusu eyiṅ, alo edše kpo, alo edom, alo ekole̱ bene̱ ēwo̱, koni ehĩe atšẽ!

1 Maŋtsɛmɛi 22:15

Ke̱ke̱ ni eba maṅtše̱ le̱ ṅõ. Ni maṅtše̱ le̱ kē̱le̱ ake̱: Mikaia, ani wo̱ya Ramot-Gilead wo̱ya wu, alo wo̱kaya? Ni ekē̱le̱ ake̱: Ya ni oyaye omanye, ši Iehowa aadšiele̱ awo maṅtše̱ deṅ!

Hiob 31:7

Ke̱dši minane gbá ke̱-dše̱ gbe le̱ no̱, ni mitšui nyie mihĩṅme̱ii ase̱, ni mũdši ko kpe̱te̱ minidši ahe le̱: Lal. 7,4-6.

Lalai 81:12

Ši mimaṅ le̱ boo migbē toi, ni asaṅ Israel, ekplẽẽmi.

Jajelɔ 12:1

Amaṅ kaimo̱ obo̱lo̱ le̱ ye̱ oblahĩaṅ gbĩĩ le̱ amli, be mli ní gbĩĩ fõdši le̱ náko aba, ni afii ní obakē̱ ye̱ ame̱he ake̱: “Mináá ame̱he mīše̱” le̱, náko aše̱ le̱;

Jajelɔ 12:14

Edšake̱ Nyoṅmo̱ bakodšo nitšumo̱-fẽ-nitšumo̱ ke̱ tēmosane-fē-tēmo̱sane hũ, ekpakpa dšio̱, efõṅ dšio. Rom. 2,16. 1 Kor. 4,5.

Jajelɔ 2:10

Ni nofẽno ní mihĩṅme̱ii taoo̱ le̱, mikãmããame̱; mitšĩĩ mitšui mīše̱ ko mīše̱ ko he gbe̱, edšake̱ mitšui mī še̱o̱ ehe ye̱ mideṅmegbomo̱ le̱ fẽ mli, ni ene̱ dši migbe̱fāṅnõ ye̱ mideṅmegbomo̱ le̱ fẽ hewo̱.

Jajelɔ 3:12

Miyo ale nokonoko be̱ ní hĩ hãame̱ *fè noni ame̱mī aaše̱ ame̱he ni ame̱afe ekpakpa ye̱ ame̱wala le le̱ mli. *2,24.

Jajelɔ 3:17

Mikē̱ ye̱ mitšui mli ake̱; Dšalo̱ ke̱ mofõṅ le̱ fē, Nyoṅmo̱ bakodšoame̱; edšake̱ yiṅtō-fẽ-yiṅtō ke̱ nitšumo̱-fẽ-nitšumo̱ ye̱ ebe. 12.14.

Jajelɔ 6:9

Noni ona he ke̱ ohīṅme̱ii le̱ ehĩ fè noni osusuma feo̱. Ene̱ hũ yakayakanoko ke̱ kō̱yo̱ hakumo̱ ni.

Jajelɔ 7:14

Gbĩ kpakpa no̱ le̱, nyã́, ni gbĩ fõṅ no̱ le̱, dſẽṅmo̱ ake̱: Nyoṅmo̱ fe ene̱ ke̱ ene̱ fẽ, beni afe ní gbomo akana noni baba wó̱se̱.

Yeremia 23:17

Dāne̱ ame̱kē̱o̱ mei ní gbeo̱ mihe guo̱ le̱ ake̱: Iehowa kē̱ ake̱: Nyeaná hedšo̱le̱! Ni mofẽmo ni *nyieo̱ le̱dientše̱ etsui wale̱ se̱ le̱, ame̱kē̱o̱le̱ ake: Nõfõṅ komeflo baṅ nyeno! *7,24.

Yeremia 7:24

Ši ame̱boo toi, ni ame̱hãã ame̱toi aba no̱ hũ, ši moṅ ame̱dientše̱ ame̱ṅāwōi ke̱ ame̱tšui fõṅ le̱ wale̱ se̱ amenyie, ni ame̱tšṍ ame̱se̱ ame̱hãmi, ni dšee ame̱hĩe, 11,8. Ies. 65,2.

Yāfó 3:27

Ehĩ hã nū ake̱ etĕreo̱ ekõṅtšo ye̱ eblohĩĩaṅ.

4 Mose 15:30

Ši moni *hĩe kã he ní efe noko fõṅ ko le̱, šĩafo̱mo̱bi ni dšio, gbo̱ ni dšio, ebo̱ musu eši Iehowa, ni nakai mo le̱ aafole̱ ke̱-dše̱ emã le̱ṅ aše̱ afõ; *Bo̱f. 13,38. Heb. 10,26. 27.

4 Mose 15:39

ni afe kaimo̱ amãnyãi, ni ke̱ nyekwe̱ le̱ nyekai Iehowa kitãi le̱ fẽ ni nyeye no̱, koni nyekanyie nyetšuii ke̱ nyehĩṅme̱ii ase̱, nii ase̱ ní nyenyieo̱ ni nyeyabo̱ö̱ adſamaṅ;

4 Mose 22:32

Ni Iehowa bo̱fo le̱ kē̱le̱ ake̱: Mẽhewo̱ oyi otedšiyō le̱ šii etẽ so̱ṅṅ ne̱? Na, mi le̱ miba mibafoö; edšake̱ ogbe̱ le̱ edšaa ye̱ mihĩe.

Mateo 5:28

Ši mi le̱, mīkē̱nye ake̱: Mofẽmo ní kwe̱o̱ yō ni ehe feo̱le̱ ako̱no̱ le̱, eke̱le̱ éfite gblã momo ye̱ etsui mli. Hiob. 31,1. 2 Pet. 2,14.

Luka 12:19

ni makē̱ misusuma ake̱: Susuma, oye̱ nii babaō ni aṅõ-toö afii pī; dsō̱mo̱ ohe, ye ni onu, ni otšui anyõ omli!

Bɔfoi 14:16

mo noṅṅ ní blemabii le̱ ayino̱i ní eho le̱ mli le̱ ehã dšeṅmãdši le̱ fẽ nyie ame̱dientše̱ ame̱gbe̱i le̱ ano̱, 17.30.

Bɔfoi 24:25

Ši beni ewieo̱ dšale̱ ke̱ heno̱kwe̱mo̱ ke̱ kodšomo̱ ní baba le̱ he le̱, Felike še gbeyei pam, ni ekē̱le̱ ake̱: Agbe̱ne̱ ya fẽdã; ši ké̱ miná mihe dekã dšiṅṅ, matšé̱o ekoṅ.

Romabii 14:10

Ši bo le̱, mẽba okodšoo̱ onyemi? Alo bo hũ, mẽba ogbeo̱ onyemi he guo̱? Edšake̱ *wo̱fẽ wo̱badamo̱ Kristo kodšomo̱sẽi le̱ hĩe. *Bo̱f. 17,31. Mat. 25.31. 32. 2 Kor 5,10.

1 Korintobii 4:5

Nohewo̱ le̱ nyekakodšoa noko dãni še̱ be le̱, ke̱-yaši beyino̱ ní Nuṅtšo̱ le̱ aaba, moni ke̱ dũdšiaṅnibii nī aṅõ-tē le̱ tete aaba la hĩe, ni eedšie tšuiiaṅ-adšinai le̱ aši le̱; ni no mli le̱ *mofẽmo aaná eyidšiemo̱ ke̱-adše̱ Nyoṅmo̱ deṅ. *3,8.

2 Korintobii 5:10

Edšake̱ dša wo̱fẽ wo̱pue ſaṅṅ *ye̱ Kristo kodšomo̱sẽi le̱ hĩe, koni mofẽmo aná nii ní efe ye̱ gbomotšo mli le̱, bo̱bo̱ ní efe le̱, ekpakpa dšio, efõṅ dšio. *Bo̱f. 17,31. Rom. 2,16; 14,10.

5 Mose 29:19

Iehowa eṅõ-faṅle̱, ši moṅ Iehowa mlifũ ke̱ ewuṅãyeli aadše lasũ awo nakai mo le̱, ni *lōmo̱-fẽ-lōmo̱ ni aṅmã ye̱ ne̱ke̱ wolo ne̱ mli le̱ aabua eyiteṅ; ni Iehowa aagbe egbe̱i ke̱-adše̱ ṅwei šiši; *28,15-68.

Hebribii 9:27

Ni *gbĩĩ abo̱ ní ekã ši ehã gbomei ake̱ šikome ame̱gboio̱, ši no se̱ le̱ abakodšoame̱ le̱: *1 Mose 3,19.

Yoshua 7:21

mina Šinear bò fe̱fe̱o ko, ke̱ dſie̱te̱i šekeli ohai-enyo̱, ke̱ šika ante̱le kome ni nā šio̱ šekeli nyoṅmai-enumo̱, ye̱ hā-nii le̱ ateṅ, ni mihĩe kõ no̱ ni mikŏlo̱; ni na, aṅõ-tē ye̱ šikpoṅ ye̱ mibū le̱ teṅ, ni dſie̱te̱i le̱ ye̱ šiši.

2 Petro 3:7

Ši ṅwei ke̱ šikpoṅ ni yo̱ ne̱, le̱ noṅṅ ewiemo̱ ake̱-toame̱ ahã la, ni ake̱-ame̱ eto ke̱-yaši kodšomo̱ ke̱ gbomei ni kwa Nyoṅmo̱ le̱ ahĩekpãtãmo̱ gbi le̱ no̱. K. 10