Daniel 9:4 - Ṅmãle̱ Kroṅkroṅ Le̱

⁴ Ni mikpa Iehowa, mi-Nyoṅmo̱ le̱, fai, ni midšadše ní mikē̱: Ō Nuṅtšo̱, bo ni dši Mawu kpeteṅkple ni he yo̱ gbeyei, ni too̱ kpãṅmo̱ ke̱ mo̱bo̱nale̱ ehãa mei ni sumoo̱le̱ ni ame̱yeo̱ ekitãi le̱ ano̱ le̱!

ŊMALƐ KRƆŊKRƆŊ LƐ

⁴ Mikpa Yehowa miNyɔŋmɔ lɛ fai, ni mijaje tɔ̃mɔi mikɛɛ, “Ao! Nuŋtsɔ, bo ji Nyɔŋmɔ kpeteŋkple ni he yɔɔ gbeyei ni yeɔ ekpãŋmɔ nɔ, mɔ ni suɔmɔ sɛɛ efooo hã mɛi ni sumɔɔ lɛ, ni amɛyeɔ ekitãi lɛ anɔ lɛ.

Daniel 9:4 ပူးပေါင်းရင်းမြစ်များ

1 Maŋtsɛmɛi 8:23

ni ekē̱: Iehowa, Israel Nyoṅmo̱! Nyoṅmo̱ ko nyoṅmo̱ ko be̱ ṅwei ye̱ yiteṅgbe̱ alo šikpoṅ le̱ no̱ ye̱ šišigbe̱ ní tamo̱ bo ní otoo̱ kpãṅmo̱ ke̱ mo̱bo̱nale̱ ohãa otšũdši ní nyieo̱ ohīe ke̱ ame̱tšui fẽ le̱;

2 Kronika 7:14

ni mimaṅ ni aṅõ migbe̱i ewoame le̱ ba ame̱be ši, ni ame̱kpa fai, ni ame̱tao mihĩegbe̱, ni ame̱kpale ke̱-dše̱ ame̱-gbè̱i fõdši le̱ ano̱ le̱: no le̱ mi hũ madše̱ ṅwei mabo toi, ni maṅõ ame̱be ešai le̱ mafaame̱, ni matšá ame̱šikpoṅ le̱.

Ezra 10:1

Ši beni Ezra kpaã fai ne̱ke̱ ni eke̱ yāfó ke̱ šitſĩamo̱ dšadšeo̱ nii ye̱ Nyoṅmo̱ we le̱ hĩe le̱, Israelbii ateṅ mei babaō dientše̱, hĩĩ ke̱ yei ke̱ gbekẽbii, babua ame̱he nā ye̱ eṅõ; edšake̱ maṅ le̱ mīfó naakpa.

Nehemia 1:5

ni mikē̱: Ō Iehowa, ṅwei Nyoṅmo̱ ní dši Mawu *kpeteṅkple ni he yo̱ gbeyei ni †too̱ kpãṅmo̱ ke̱ mo̱bo̱nale̱ ehãa mei ni sumoo̱le̱ ní ame̱yeo̱ ekitāi le̱ ano̱ le̱! *5,8. Dan. 9,4. †5 Mose 7,9.

Nehemia 9:32

Nohewo̱ le̱ agbe̱ne̱, wo̱-Nyoṅmo̱, Mawu *kpeteṅkple ni he wa ní he yo̱ gbeyei ní too̱ kpaṅmo̱ ke̱ mo̱bo̱nale̱! kā-hã amanehũlũ fẽ ní eba wo̱ ke̱ wo̱maṅtše̱mei ke̱ wo̱nukpaĩ ke̱ wo̱so̱foi ke̱ wo̱gbalo̱i ke̱ wo̱tše̱mei le̱ ke̱ omaṅ le̱ fẽ no̱, ke̱-dše̱ Ašur maṅtše̱mei le̱ ayino̱ ke̱-baši ṅme̱ne̱ le̱, mife bibiō ye̱ ohĩe! *1,5.

Lalai 32:5

Midšadše mihe eša mitšõo, ni mi-nõša le̱ mike̱-tēē. Mikē̱ ake̱: Madšadše mino̱tõmo̱ matšõ Iehowa! Ni bo le̱ oke̱ mihe eša nõša le̱ fami. (Sela.) Abe̱i 28,13.

2 Mose 20:6

ni minaä mei akpei abo̱ ni sumoo̱mi ní ame̱yeo̱ mikitãi le̱ ano̱ le̱ amo̱bo̱.

Yeremia 3:13

Ná onišaianii le̱ ole ke̱ke̱, ake̱ otõ Iehowa, o-Nyoṅmo̱ le̱, no̱, ni oyakpa ši ye̱ ogbè̱i le̱ ano̱ ke̱-nyie meikpõdši ase̱, ye̱ tšo-fẽ-tšo ní ebu kusū šiši, ni nyeboko migbē toi! Iehowa kē̱.

Yeremia 32:23

ni ame̱ba ni ame̱baṅõ-fe ame̱nõ, ši ame̱boo ogbe toi ni ame̱nyiee omlai le̱ amli hũ; nibii fẽ ni owoame̱ kitã ake̱ ame̱fe le̱, ame̱fee ekomeflo, nohewo̱ ni ohã ne̱ke̱ efõṅ ne̱ fẽ ba ame̱no̱ ne̱.

Daniel 6:10

[9.] Nohewo̱ le̱ maṅtše̱ Dario hã aṅmã wolo le̱ ke̱ akpo̱ le̱.

Daniel 9:3

Ni mitšṍ mihĩe mihã Nuṅtšo̱ Nyoṅmo̱ le̱, koni mike̱ buadayeli ke̱ kpekpe ke̱ lamlu atao so̱lemo̱ ke̱ faikpamo̱ se̱gbe̱.

Luka 1:72

ni ena wo̱tše̱mei le̱ amo̱bo̱, ní ekai ekpãṅmo̱ kroṅkroṅ le̱, 1 Mose 17,7. 3 Mose 26,42.

Romabii 8:28

Ši wo̱le ake, mei ní sumoo̱ Nyoṅmo̱ le̱, nibii fiā yeo̱ buaäame̱ ní ahĩ ahãame̱, ame̱ mei ní atšé̱ame̱ ye̱ *yiṅtō nā le̱. *Ef. 1,11; 3,11.

5 Mose 5:10

ni minaä mei akpei abo̱ ní sumoo̱mi ní ame̱yeo̱ mikitãi ano̱ le̱ amo̱bo̱.

5 Mose 7:12

Ni ke̱dši nyebo ne̱ke̱ mlai ne̱ atoi, ni nyeye no̱ ni nyeſe le̱, no le̱ Iehowa, o-Nyoṅmo̱ le̱, aaye ekpãṅmo̱ ní eke̱o kpãṅ le̱ ke̱ emo̱bo̱nale̱ ní eka otše̱mei le̱ akitã ye̱ he le̱ no̱, 2 Mose 23,22-31.

5 Mose 7:21

Otšui akafã ame̱no̱; edšake̱ Iehowa, o-Nyoṅmo̱ le̱, ye̱ oteṅ, Mawu kpeteṅkple ní he yo̱ gbeyei ni.

5 Mose 7:9

Nohewo̱ le̱ ná ole ake̱ Iehowa, o-Nyoṅmo̱ le̱, le̱ dši Nyoṅmo̱, Mawu ano̱kwafo, ní too̱ kpãṅmo̱ ke̱ mo̱bo̱nale̱ ehãa mei ní sumoo̱le̱ ke̱ mei ní yeo̱ ekitãi le̱ ano̱ ke̱-yaši yino̱bii ní dši akpe no̱, 2 Mose 20,6.

Yakobo 1:12

Adšō̱ nū ni ṅmẽo̱ etšui ši ye̱ kã mli le̱, edšake̱, ké̱ akale̱ ni esa le̱, *eená wala akekre, ci Nuṅtšo̱ le̱ ewo ši ehã mei ni sumoo̱le̱ le̱. *2 Tim. 4,8.

Yakobo 2:5

Minyemimei ni misumoo̱, nyeboa toi! Ani dšee dše ne̱ṅ ohĩafoi ni dši niiatše̱mei *ye̱ hemo̱-ke̱-yeli gbe̱fãṅ le̱ Nyoṅmo̱ †ehala, koni ame̱tšomo̱ maṅtše̱-yeli ni ewo ši ehã mei ni sumoo̱le̱ le̱ yelo̱i? *Luk. 12,21. †1 Kor. 1,26.