Daniel 9:27 - Ṅmãle̱ Kroṅkroṅ Le̱

²⁷ Ni eewadše kpãṅmo̱ ehã mei pī otši kome; ni otši le̱ teṅ le̱ eehã afo̱le ke̱ niyenii-afo̱le te̱ afo; ni fĩne no̱ amaṅfõ *nihīnii te aahī, ke̱-yaši beyino̱ ní aafo̱se nyõmo̱wo ta kodšomo̱ aſie fitelo̱ le no. *12,11. Mat. 25,15.

ŊMALƐ KRƆŊKRƆŊ LƐ

²⁷ Lumɔ nɛɛ kɛ mɛi babaoo baakpãŋ kɛyashi afii kpawo; shi afii etɛ̃ kɛ fã sɛɛ lɛ, lumɔ nɛɛ baagu shãa afɔle kɛ niyenii afɔle shãa kwraa. Abaafee amãgã ni buleɔ He Krɔŋkrɔŋ lɛ ama he ni yɔɔ grɔŋŋ fe fɛɛ yɛ Sɔlemɔ we lɛ mli; ni amãgã nɛɛ baama jɛi kɛyaashi beyinɔ ni Nyɔŋmɔ eto kɛbaagbala mɔ ni kɛ amãgã lɛ bama jɛi lɛ toi aaashɛ.”

Daniel 9:27 ပူးပေါင်းရင်းမြစ်များ

Yesaia 28:15

Edšake̱ nyekē̱o̱ ake̱: Wo̱ke̱ gbĕle ekpãṅ, ni wo̱ke̱ gbohĩĩadše eye efua! ké̱ kplebi ní eyi ke̱-teke no̱ le̱ mīho le̱, eše̱ṅ wo̱no̱ kwrā! edšake̱ wo̱ke̱ amale efe wo̱bobāhe, ni wo̱yatẽ wo̱he ye̱ kũtũmpo̱o šiši!

Yesaia 28:22

Nohewo̱ le̱ nyekaṅõ-fea fe̱oyeli doṅṅ, koni akamĩa nyekpãi le̱ amli; edšake̱ minu *hĩekpãtãmo̱ ke̱ noni amã no̱ mĩ́ ko he ke̱-dše̱ Nuṅtšo̱ Iehowa Zebaot ṅõ, ni ebaba šikpoṅ mū le̱ fẽ no̱. *10,22. 23.

Yesaia 42:6

Mi, Iehowa, mitšé̱o ye̱ dšale̱ mli, ni mimõ onine mli, ni mibā oyi ni miṅõo mife maṅ le̱ kpãṅmo̱ ke̱ dšeṅmãdši le̱ ala; 49,6. 8.

Yesaia 53:11

Esusuma haomo̱ le̱ hewo̱ le̱ eena nii ní aahã etšui anyõ emli; enilē nā le̱ mitšũlo̱ dšalo̱ le̱ aaná *dšale̱ ahã mei pī, ni †eetĕre ame̱nišaianii le̱. *Rom. 10,4. 2 Kor. 5,21. †Ioh. 1,29.

Yesaia 55:3

Nyefea toi, ni nyebaä miṅõ! Nyeboa toi, ni nyesusuma yi aná wala! ni mike̱nye *aakpāṅ nāno̱ kpãṅmo̱ ní dši †David mo̱bo̱nale̱i ní mã ši šiṅṅ le̱! *Ier. 31,31-34. †Lal. 39,3-6. Bo̱f. 13,34.

Yeremia 7:30

Edšake̱ Iudabii le̱ efe efõṅ ye̱ mihĩe, Iehowa kē̱. Ame̱ke̱ ame̱nihīnii le̱ eto šĩa ní aṅõ migbei awole̱ le̱, ní ame̱-ke̱-bulele̱; 32,34.

Daniel 11:31

Ni toi aadše̱ eṅō adamo̱ ši, ni ame̱abule mō̃ ni dši hekroṅkroṅ le̱, ni ame̱e̱dšie dā gbĩ afo̱le le̱, ni ame̱ke̱ amaṅfõfemo̱ *nihĩnii le̱ aamã ši. *9,27; 12.11. Mat. 24,15.

Daniel 11:36

Ni maṅtše̱ le̱ aafe noni esumoo̱, ni *eewó ehe no̱, ni eefe ehe agbo fē nyoṅmo̱-fẽ-nyoṅmo̱, ni †eewie hepupūmo̱ wiemo̱i eši nyoṅmo̱i a-Nyoṅmo̱ le̱, ni eeſere ke̱-yaši beyino̱ ní mlila le̱ aayi; ši noni amã no̱ mĩ́ le̱, aafe. *2 Tes. 2,4. †Dan. 7,8. 25. Kpods. 13,5. 6.

Daniel 12:11

Ni ke̱-dše̱ be ní aadšie dā gbĩ afo̱le le̱ ni aṅõ amaṅfõfemo̱ *nihĩnii le̱ amã ši ye̱ enãdšiaṅ te efeo̱ gbĩĩ akpe ke̱ ohai-enyo̱ ke̱ nyoṅmai-ne̱hũ. *11,31. Mat. 24,16.

Daniel 7:25

Ni eewie wiemo̱i *eši moni yo̱ ṅwei šoṅṅ le̱, ni eehao moni yo̱ ṅwei šoṅṅ le̱ mei kroṅkroṅi le̱, ni eeto eyiṅ ake̱ eetšake bei le̱ ke̱ mla le̱, ni aatuame̱ awo edeṅ ke̱-yaši †be ke̱ bei he̱ be mlidšā. *Kpods. 13,3. 5. †Dan. 12,7; 4,16.

Daniel 8:13

Ni minu ni mei kroṅkroṅi le̱ ateṅ moko mīwie, ni mei kroṅkroṅi le̱ ateṅ mokroko hũ kē̱ mokome le̱ ní wieo̱ le̱ ake̱: Mẽ beyino̱ noṅṅ dā gbĩ afo̱le le̱ ke̱ amaṅfõfemo̱ mlatõmo̱ le̱ he ninā le̱ aakă no̱ ke̱-yašã, ní aṅõ hekroṅkroṅ le̱ ke̱ asafo le̱ ahã ni anānā no̱?

Hosea 3:4

Edšake̱ *Israelbii le̱ aahĩ ši gbĩĩ pī ni ame̱be̱ maṅtše̱, ni ame̱be̱ asafoi-atše̱, ní ame̱be̱ afo̱le, ni ame̱be̱ amãgã, ni ame̱be̱ efodlo terafim. *2 Kron. 15.3.

4 Mose 7:62

ke̱ šika awale kome ní nä šio̱ šekeli nyoṅma ní ake̱ emli tšofã-ke̱-ṅma ní ašãa obõ,

Mateo 24:15

Nohewo̱ le̱, ké̱ nyena amaṅfõ-nihĩnii le̱ ní gbalo̱ Daniel wie he le̱ ake̱ emã hekroṅkroṅ le̱ (moni kaneo̱ le̱, hã ni eyo se̱!): Dan. 9,26. 27; 12,11.

Mateo 26:28

edšake̱ ene̱ dši *milá ní dši †kpãṅmo̱ hē le̱ nõ le̱, ní afo̱se aſie ši ye̱ mei pī ahewo̱ hã ešaifã le̱. *2 Mose 24,8. †Ier. 31,31. Zak. 9,11.

Mateo 27:51

Ni na, so̱lemo̱tšũ le̱ṅ *muhō̱ le̱ mli gbá enyo̱ ke̱-dše̱ yiteṅ ke̱-bayi ši, ni šikpoṅ hoso, ni te̱sāi gblá; *2 Mose 26,31. Heb. 10,19. 20.

Marko 13:14

Ši ke̱ nyena *amaṅfõ nihĩnii le̱ ni gbalo̱ Daniel wie he le̱ ake̱ emã heni esaa ake̱ emãa le̱ (†moni kaneo̱ le̱ hã ní eyo se̱!), no le̱ mei ni yo̱ Iudea le̱ adšo foi aya gõdši le̱ ano̱; *Dan. 9,27. †Dan 12.4. 10.

Luka 21:20

Ši ké̱ nyena ake̱ abo̱ nsra awo Ierusalem he le̱, bĕle̱ nyenáa nyelea ake̱ efitemo̱ le̱ éše̱.

Luka 21:24

Ni ame̱anyõnyõi ye̱ klante nā, ni aaṅõame̱ nom ke̱-ate dšeṅmãdši fẽ mlĩ, ni dšeṅmãdši le̱ aanānā Ierusalem no̱ ke̱-yaši *beyino ni dšeṅmãdši abe le̱ aaše̱. *Rom. 11,25. Kpods. 11,2.

Romabii 11:26

ni no dãni *aahere Israel fẽ yiwala, take̱ bo̱ni aṅmã le̱ ake̱: †“Dšielo̱ le̱ aadše̱ Zion aba ni eebadšie Iakob he nõšafemo̱ le eše efõ; *Mat. 23,39. †Ies. 59,20; 27,9. Lal. 14,7.

Romabii 5:15

Ši bo̱ni šigbēmo̱ le̱ yo̱ le̱, dšee nakai dromo̱ kēnõ le̱ hũ ye̱. Edšake̱, ké̱ mokome le̱ šigbēmo̱ le̱ hewo̱ ni mei pī le̱ gboi le̱, Nyoṅmo̱ dromo̱ le̱ ke̱ nõkēnõ ni tšṍ gbomo kome ní dši Iesu Kristo le̱ dromo̱ no̱ ba le̱ fá ke̱-teke no̱ babaō hã mei pī le̱ āhũ fè no.

Romabii 5:19

Edšake̱ take̱ bo̱ni atšṍ gbomo kome le̱ toigbĕle le̱ no̱ ahã mei pī tšṍmo̱ ešafelo̱i le̱, nakai noṅṅ kẽ aatšṍ mokome le̱ toibō le̱ no̱ ahã *meĩ pī hũ atšṍmo̱ dšalo̱i. *Ies. 53,11,

Hebribii 9:28

nakai noṅṅ *Kristo hũ, noni aṅõle̱ ahã šikome, koni etĕre mei pī ahe ešai ke̱-ya le̱, noni dši ši enyo̱ le̱ eeši eša ebapue ehã mei ní kwe̱e̱le̱ gbe̱ le̱ ayiwalaheremo̱. *10,10. 12. 14.