Daniel 8:7 - Ṅmãle̱ Kroṅkroṅ Le̱

⁷ Ni minale̱ ni etšī ebe̱ṅke̱ tōagbo le̱, ni emli ewole̱ la naakpa, ni eši tōagbo le̱, ni ekũmo̱ eklontoi enyo̱ le̱; ni hewale̱ be̱ tōagbo le̱ mli, bo̱ni eke̱-adamo̱ ehĩe, ši etšile̱ egbē šikpoṅ, ni enānāle̱, ni mokomoko nyẽẽ tōagbo le̱ adšie ye̱ edeṅ.

ŊMALƐ KRƆŊKRƆŊ LƐ

⁷ Be ni too kpakpo lɛ bɛŋkɛɔ gwantɛŋ nuu lɛ, emli ewo lɛ la naakpa. Eshi gwantɛŋ nuu lɛ, ni ekumɔ eklontoi enyɔ lɛ wɔtsɔwɔtsɔ. Gwantɛŋ lɛ nyɛɛɛ too kpakpo lɛ hiɛ adamɔ. Too kpakpo lɛ tsi gwantɛŋ nuu lɛ etswa shi, ni enaanaa enɔ. Mɔ ko kwraa bɛ hewalɛ ni ekɛaashɔ̃ gwantɛŋ nuu lɛ yɛ edɛŋ.

Daniel 8:7 ပူးပေါင်းရင်းမြစ်များ

Daniel 11:11

Ni wuoyigbe̱ maṅtše̱ le̱ mli aawo la, ni eedše kpo eke̱ le̱ ní dšĩ kōyigbe̱ maṅtše̱ le̱ abawu; ni eetẽ asafo babaō ši edamo̱ ši, šì aaṅõ asafo le̱ awo edeṅ;

Daniel 7:12

Ni ašõ koloi ni ſe̱ le̱ hũ ahewale̱ ye̱ ame̱deṅ, ni atoame̱ *be ke̱ ṅmle̱tſä ni ame̱wala se̱ atše̱ ke̱-yaši. *2,21.

Daniel 7:7

Ene̱ se̱ le̱ mihĩe kwe̱mo̱ ye̱ nyõṅ nināi le̱ amli, ni na, kolo ní dši edſe̱ le̱, ehe ye̱ gbeyei ke̱ nākpe̱, ni ehe wa naakpa, ni eye̱ dade nyãnyõdši kplei, eye nii, ni ekũmo mli dukuduku, ni nii ni ſe̱ le̱ eke̱ enãdši nānā no̱; ni sŏrole̱, ni sŏro koloi krokomei ni tšṍ ehĩe ba le̱, ni eye̱ aklontoi nyoṅma.

Daniel 8:10

Ni eda āhũ ke̱-yiši ṅwei asafo le̱ he, ni etšire̱ asafo le̱ ke̱ ṅulamii le̱ ekomei etſia šikpoṅ, ni enānā ame̱no̱.

Daniel 8:6

ni eba tōagbo le̱ ní dši aklontoi enyo̱ tše ní mina ake̱ edamo̱ fā le̱ nā le̱ ṅõ, ni eša foi ke̱-ba eno̱ ye̱ ehewale̱ hĩedō̱ le̱ mli.

Daniel 8:8

Ni tōkpakpo le̱ dše agbo kpeteṅkple dientše̱; ni beni ehe wa kwrā le̱, eklonto kpeteṅkple le̱ kũ, ni aklontoi *edſe̱ ní dăra ni kwe̱o̱ ṅwei kō̱yo̱i edſe̱ le̱ no̱ gbe̱ badše kpo ye̱ enãdšiaṅ. *7,4; 11,5.

3 Mose 26:37

Ni ame̱agbēgbē ši, moko kã moko no̱, take̱ bo̱ni agbēo̱ ši ye̱ klante nā, tše̱ foiwolo̱ ko be̱; ni nyenyẽṅ nyehenye̱lo̱i ahĩe nyedamo̱.

Yoshua 8:20

Ni beni Ai hĩĩ le̱ yakwe̱ ame̱se̱ le̱, ame̱na ake̱ mã le̱ṅ lasũ mĩte ši ke̱-mīya ṅwei, ni ame̱náá gbe̱ ame̱dšo foi ke̱-tšṍ bie̱ lo bie̱. Ni maṅ ní dšo foi ke̱-te ṅã le̱ no̱ le̱ tšṍmo̱ ame̱hĩe ame̱wo mei ni nyie ame̱se̱ le̱.