Daniel 5:23 - Ṅmãle̱ Kroṅkroṅ Le̱

²³ ši owó ohe no̱ oši ṅwei Nuṅtšo̱ le̱, ni ayaṅõ *ewe le̱ nibii ke̱-ba ohĩe, ni oke onukpai ke̱ oṅãmei ke̱ ohemei le̱ nu wein ye̱ mli, ni odšie dſie̱te̱i ke̱ šika ke̱ akō̱ble ke̱ dade ke̱ tšo ke̱ le̱ nyoṅmo̱i le̱ †ní ame̱naa nii ni ame̱nuu nii ni ame̱lee nii hũ le̱ ayi; ši Nyoṅmo̱ ní omumo̱ yo̱ edeṅ ni ogbè̱i fẽ dši enõ le̱, le̱ le̱ owoo ehĩe nyam. *K. 2. †Lal. 116,4-7.

ŊMALƐ KRƆŊKRƆŊ LƐ

²³ shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Daniel 5:23 ပူးပေါင်းရင်းမြစ်များ

1 Mose 14:19

Ni edšō̱le̱ ni ekē̱: Aadšō̱ Abram ahã ṅwei flōflo Nyoṅmo̱ ni dši ṅwei ke̱ šikpoṅ tše̱ le̱;

1 Mose 2:7

Ni Iehowa Nyoṅmo̱ ke̱ šikpoṅ sũ šõ gbomo, ni emũ wala mumo̱ ewo egugõ mli, ni gbomo *tšṍ wala susuma. *1 Kor. 15,45.

2 Maŋtsɛmɛi 14:10

Ogbe Edom, hewo̱ le̱ otšui ewó ono̱. Oke̱ no aſã, ní otá owe le̱! Mẽba oſe̱o̱ ohĩekpãtãmo̱ he, ni bo ke̱ Iuda fẽ agbẽ ši?

Hiob 12:10

Mo deṅ ni hĩekãle̱i fẽ asusuma ye̱, ke̱ gbomei ádesãi fẽ amumo̱ le̱. 4 Mose 15.22.

Hiob 31:4

Nto enaã migbè̱i le̱, ni ekaneo̱ minãdšifãmo̱i fẽ? 25,10.

Lalai 104:29

Oke̱ ohĩe tēe̱, ní ame̱haoo̱; odšieo̱ ame̱mumo̱ le̱, ni ame̱plenēo̱, ni ame̱kũo̱ ame̱se̱ ke̱-yaä ame̱sũ le̱ṅ. 1 Mose 3,19.

Lalai 115:16

Ṅšwei le̱ Iehowa ṅwei ni, ši šikpoṅ le̱ eṅõ-hã gbomei abii.

Lalai 139:3

Otaoo̱ minyiemo̱ ke̱ mišikãmo̱ fẽ mli; ni ole migbe̱i fẽ.

Lalai 146:4

Ké̱ *emumo̱ dše emli le̱, ekũo̱ ese̱ ke̱-yaä esũ le̱ mli ekoṅ; nakai gbĩ le̱ noṅṅ eyiṅtōi le̱ lādšeo̱. *1 Mose 3,19. Dsads. 12,7.

Abe̱i 20:24

Gbomo nãdšifãmo̱i le̱, Iehowa deṅ dše̱o̱; ši gbomo le̱, té aafe tēṅ ni eele egbe̱ le̱?

Yesaia 13:11

Ni mawo dše le̱ nyõmo̱ ye̱ ame̱nõ-fõṅ le̱ hewo̱, ke̱ meifõdši hũ ye̱ ame̱nõša le̱ hewo̱, ni mahã hewolo̱i ahetšṍmo̱ le̱ se̱ afo, ni maba yiwalo̱i aheno̱wómo̱ le̱ ši.

Yesaia 14:13

Ši bo le̱ okē̱ ye̱ otšuiṅ ake̱: Makwo̱ ke̱-ya ṅwei, ni mawí mimaṅtše̱sẽi le̱ no̱ ke̱-ateke Nyoṅmo̱ ṅulamii le̱, ni maho matá *kpẽ-goṅ le̱ no̱ ye̱ kōyigbe̱ nāgbēhei le̱ tō̃; *Ezek. 28,14.

Yesaia 2:12

Edšake̱ Iehowa Zebaot gbĩ le̱ aaba noni kwo̱ ke̱ noni yo̱ godšō ke̱ nofẽno ni awó no̱ le̱ no̱, ni eeba ši;

Yesaia 33:10

Iehowa kē̱: Agbe̱ne̱ mate ši, agbe̱ne̱ mawó miyi no̱, agbe̱ne̱ mawó mihe no̱!

Yesaia 37:19

ni ame̱še̱re̱ ame̱nyoṅme̱ì le̱ ame̱ſĩe la mli; edšake̱ dšee nyoṅmo̱i dšiame̱, ši gbomei anidši anā nitšumo̱ ni, tšei ke̱ te̱i ni, nohewo̱ ni ame̱fiteame̱ le̱.

Yesaia 37:23

Namo ahora obo̱ ni owie musubō̱ wiemo̱i ošile̱ lo̱? namo no̱ owó ogbē no̱ ye̱ ni ohole ohĩṅme̱ii ano̱ ke̱-te ṅwei ye̱ le̱? Israel Mokroṅkroṅ le̱ ni!

Yesaia 42:5

Bo̱ni Nyoṅmo̱ Iehowa, — moni bo̱ ṅwei ni egble mli, ní elē̱ šikpoṅ ke̱ emli nibānii le̱ amli, ni eke̱ susuma hãa eno̱ bii le̱, ní eke̱ mumo̱ hãa mei ni nyieo̱ no̱ le̱, — kē̱ ne̱:

Yeremia 10:23

Iehowa, mile ake̱ gbomo gbe̱ be̱ le̱dientše̱ edeṅ, ni adesã ní nyie ne̱, bo̱-ni eetšṍ edsadše enãdšifãmo̱i ehã le̱, ebe̱ edeṅ. Abe̱i 16,9. Dsads. 9,11.

Yeremia 48:26

Nyehãa *eto̱a dā̃, edšake̱ ewó ehe no̱ eši Iehowa, ni Moab aakoklo ši ye̱ eſē mli, ni le̱ hũ eetšṍ ṅmlõnõ! *25,15.

Yeremia 50:28

Anuo̱ mei ní dšo foi ni ame̱dše mli ke̱-dše̱ Babel šikpoṅ le̱ no̱ le̱ agbē, ni ame̱mīdšadše Iehowa, wo̱-Nyoṅmo̱ lo̱, oweletō̱, eso̱lemo̱we le̱ he oweletō̱ le̱ ye̱ Zion!

Yeremia 50:29

Nyetšé̱a gãitšẽlo̱i le̱ nyewoa Babel be, mei ni dŏ̱ro̱ö̱ gãi le̱ fẽ! Nyeboa nsra nyewoa ehe ke̱-kpea! Nyekahãa mokomoko mīdšea mli! *Nyewoale̱ nyõmo̱ ye̱ enitsumo̱ le̱ nā! Bo̱fẽbo̱ ní efe le̱, nyefeale̱ nakai noṅṅ; edšake̱ ewó ehe ye̱ Iehowa no̱, ye̱ Israel Mokroṅkroṅ le̱ no̱! *K. 15.

Ezekiel 28:17

Otšui ewó ehe no̱ ye̱ ohefe̱o le̱ hewo̱; ofite onilē le̱ ye̱ okpe̱mo̱ le̱ hewo̱. Maṅōo matſa šikpoṅ, maṅõo mafõ maṅtše̱mei ahĩe, koni ame̱kwe̱o.

Ezekiel 28:2

Gbomobi, kē̱mo̱ Tiro lumo̱ le̱ ake̱: Boni Nuṅtšo̱ Iehowa kē̱ ne̱: Ake̱-ní *otšui ewó ehe no̱ ni okē̱ ake̱: “Mawu dšimi, Nyoṅmo̱ sẽi no̱ mitá ye̱ ṅšo̱ teṅ!” tše̱ gbomo dšio, ni dšee Mawu, ši ofe otšui tamo̱ Nyoṅmo̱ tšui: — *Dan. 5,20. Bo̱f. 12,23.

Ezekiel 28:5

Onilē le̱ fále̱ ke̱ odšrayeli le̱ nā le̱ oha onii le̱ efá, ni otšui ewó ehe no̱ ye̱ onii le̱ ahewo̱: —

Ezekiel 31:10

Nohewo̱ le̱ bo̱ni Nuṅtšo̱ Iehowa kē̱ ne̱: Ake̱-ní ekwo̱ groṅṅ, ní eyiteṅ ye̱ atatuiaṅ, ni ekwo̱le̱ le̱ hewo̱ le̱ *etsui wó ehe no̱ *28,2-10.

Daniel 11:12

ni eeṅõ asafo le̱ nom, ni etšui aawó ehe no̱, ni eetšire̱ mei akpei-nyoṅmai abo̱ etſia šì; šĩ kẽle̱ enáṅ hewale̱.

Daniel 4:37

Nohewo̱ le̱ agbe̱ne̱ mi, Nebukadnezar, mīdšie ṅwei maṅtše̱ le̱ yi, ni mīwó eno̱, ni mīwo ehĩe nyam; edšake̱ enitšumo̱i fẽ le̱ ano̱kwale ni, ni egbe̱i hũ dša, ni *mei ní yo̱ hewō dšeṅ le̱ enyẽo̱ame̱ ši ebaä. *5,20. Luk. 1,51; 18,14.

Daniel 8:11

Ni ewó ehe no̱ ke̱-yaši asafo le̱ lumo̱ le̱ nõ, ni ešõ dā gbĩ afo̱le le̱ ye̱ edeṅ, ni etši ehekroṅkroṅ šihĩle̱he le̱ etſa ši. 11,31.

Habakuk 2:4

Na, esnsuma efũ, *edšaa ye̱ emli; †ši dšalo̱ le̱, ehemo̱-ke̱-yeli le̱ no̱ eetšṍ ni eyi aaná wala. *Ies. 48,22. †Rom. 1,17. Gal. 8,11. Heb. 10,38.

Bɔfoi 17:25

ni asaṅ ake̱ gbomei anidši dšáá le̱, tamo̱ *moko ní noko fĩo̱le̱, le̱ moṅ edeṅ wala ke̱ mumo̱ ke̱ nii fẽ dše̱o̱ hãa gbomei fẽ; *Lal. 50,12.

1 Korintobii 8:4

Agbene ye̱ wo̱dši-afo̱lešãnii ayeli hewo̱ le̱, wo̱le ake̱ wo̱ṅ-ko-wo̱ṅ-ko be̱ dše ne̱ṅ, ni asaṅ nyoṅmo̱-ko-nyoṅmo̱-ko be̱, ake̱ dša mokome ke̱ke̱. 10,19.

1 Timoteo 3:6

Asaṅ dšee moni bote Nyoṅmo̱ dšámo̱ mli etše̱ko, koni ekawo ehe no̱ ní egbē abonsam kodšomo̱ mli.

Hebribii 4:13

ni atēē bō̱nõ ko ye̱ ehĩe, ši nibii fẽ ye̱ faṅṅ ni agble no ye̱ le̱ moni wo̱-ke̱-yo̱ sane le̱ hĩṅme̱iiaṅ.

Kpojiemɔ 9:20

Ni gbomei ní ſe̱ ní agbeeame̱ ye̱ ne̱ke̱ haomo̱i ne̱ amli le̱, *ame̱tsakee ame̱tšui ke̱-dše̱e̱ amenine nā nitšumo̱i le̱ ahe, koni †ame̱fõ daimonioi ke̱ šika ke̱ dſie̱te̱i ke̱ ayawa ke̱ te̱ ke̱ tšo-amãgãi ní enaa nii ni ame̱nuu nii ni ame̱nyẽẽ amenyie le̱ adšámo̱; *16,9. 11. 21. †1 Kor. 10,20.

Kojolɔi 16:23

Ni Filistibii le̱ alumei le̱ babua ame̱he nā, koni ame̱šã afo̱le kple ame̱hã ame̱nyoṅmo̱ *Dagon le̱, ni ame̱nyã́, edšake̱ ame̱kē̱: Wo̱nyoṅmo̱ le̱ edšie wo̱henye̱lo̱ Samson le̱ ewo wo̱deṅ! *1 Sam. 5,2.

1 Samuel 17:26

Ke̱ke̱ ni David kē̱ hĩĩ le̱ ní eke̱-damo̱ ši le̱ ake̱: Meni aafe ahã moni aagbe Filistinyo ne̱, níi eedšie ahorabō̱ ne̱ ye̱ Israel no̱ le̱? Edšake̱ namo po dši ne̱ke̱ Filistinyo fõlo̱ ne̱, ni ebo̱ö̱ Nyoṅmo̱ hĩekãlo̱ le̱ tai le̱ ahora ne̱?

1 Samuel 17:36

Dšata ke̱ ošĩšĩbriši po le̱ otšũlo̱ egbe, ni ne̱ke̱ Filistinyo fõlo̱ ne̱ aatšṍ tamo̱ ame̱teṅ mokome, ake̱ nõ kẽ ní ebo̱ö̱ Nyoṅmo̱ hĩekãlo̱ le̱ tai le̱ ahora ne̱!