Daniel 5:20 - Ṅmãle̱ Kroṅkroṅ Le̱

²⁰ Ši beni etšui wó ehe no̱ ni ewadše emumo̱ ye̱ hewō mli le̱, akpale̱ ye̱ emaṅtše̱sẽi le̱ no̱, ni ašõ enumnyam le̱ ye̱ edeṅ; Bo̱f 12,33.

ŊMALƐ KRƆŊKRƆŊ LƐ

²⁰ Shi be ni ewo ehe nɔ, ni ekpliŋ etsui, ni etsɛ ehe lɛ, akpa lɛ yɛ emaŋtsɛ sɛ̃i lɛ nɔ, ni enunyam lɛ bɔ lɛ.

Daniel 5:20 ပူးပေါင်းရင်းမြစ်များ

2 Maŋtsɛmɛi 17:14

Ši kẽle̱ ame̱boo toi, šĩ ame̱fe ame̱he kue̱ṅtilo̱i tamo̱ ame̱tše̱mei ní hee Iehowa, ame̱-Nyoṅmo̱ le̱, ame̱yee le̱.

2 Kronika 32:25

Ši edšũrõ ni efele̱ le̱ Hezekia etoole̱ nãdšiaṅ; edšake̱ *etšui wó ehe no̱; ni nohewo̱ le̱ mlifũ ba le̱ ke̱ Iuda ke̱ Ierusalem no̱. *23,16.

2 Kronika 36:13

Ni etše maṅtše̱ Nebukadnezar hũ hĩe atũa, tše̱ ehã ekã Nyoṅmo̱ kitã; ni efe ehe kue̱ṅtilo̱, ni ewadše etšui, hewo̱ le̱ ekpalee ke̱-baa Iehowa, Israel Nyoṅmo̱ le̱, ṅõ.

2 Mose 18:11

Kpako mina mile ake̱ Iehowa da fè nyoṅmo̱i fẽ; edšake̱ nõ mli ní ame̱tšõ kpa ye̱ le̱, ebaame̱ ši ye̱ mli. Neh. 9,10.

2 Mose 9:17

Okã he ōwó ohe no̱ ye̱ mimaṅ le̱ no̱ kẽ ake̱ ohãã ameya.

2 Mose 9:7

Ni Farao tšũ ayakwe̱, ni Israelbii le̱ akoloi le̱ ateṅ ekomeflo gboko. Ši Farao *wadše etšui, ni ehãã maṅ le̱ aya. *4,21.

Abe̱i 16:18

Hewō nyieo̱ hĩekpãtãmo̱ hĩe, ni hetšṍmo̱ mumo̱ nyieo̱ šigbēmo̱ hĩe. 18,12.

Abe̱i 16:5

Iehowa mīhĩ mofẽmo ní woo̱ ehe ye̱ etšui mli: *ké̱ ata abasa ye̱ no̱ po, eyeṅ ehe! *11,21.

Yesaia 47:1

Kplekemo̱ ši, ni obatá mlu mli, bo oblayō, Babel biyō! Tá šikpoṅ, maṅtše̱sẽi ko be̱, bo Kaldeabii abiyō! Ši akãṅ he atšé̱ṅo odše ke̱ *moni ahĩele̱ do̱dō̱do̱ doṅṅ. *5 Mose 28,56.

Yeremia 13:18

Kē̱mo̱ maṅtše̱ le̱ ke̱ maṅnye le̱ ake̱: Nyebaä nyehe ši, nyetráa ši; edšake̱ nyenumnyam *akekre le̱ edše nyeyiteṅ egbē ši! *Yāfó 5,16.

Yeremia 19:15

Bo̱ni Iehowa Zebaot, Israel Nyoṅmo̱ le̱, kē̱ ne̱: Na, mike̱ efõṅ fẽ ní miwie ye̱ ne̱ke̱ maṅ ne̱ ke̱ ehe mãdšimãdši le̱ fẽ he le̱ baba ame̱no̱, edšake̱ ame̱fe ame̱he kue̱ṅtilo̱i, koni ame̱kabo miwiemo̱i le̱ atoi.

Yeremia 48:18

Bo biyō ni ohĩe̱ Dibon, dše̱ onumnyam le̱ mli okpleke ši, ni obatá ši ye̱ kũmai mli! edšake̱ Moab hĩekpãtãlo̱ le̱ efã ke̱-ba ono̱, ebafite omõdši le̱.

Ezekiel 30:6

Boni Iehowa kē̱ ne̱: Mei ní hĩe Mizraim le̱ hũ aanyõnyõi, ni ehewale̱ hewo le̱ nā aaba ši; ame̱anyõnyõi ye̱ klante nā ye̱ mli ke̱-dše̱ Migdol ke̱-yaši Sewene, Nuṅtšo̱ Iehowa kē̱.

Ezekiel 31:10

Nohewo̱ le̱ bo̱ni Nuṅtšo̱ Iehowa kē̱ ne̱: Ake̱-ní ekwo̱ groṅṅ, ní eyiteṅ ye̱ atatuiaṅ, ni ekwo̱le̱ le̱ hewo̱ le̱ *etsui wó ehe no̱ *28,2-10.

Daniel 11:36

Ni maṅtše̱ le̱ aafe noni esumoo̱, ni *eewó ehe no̱, ni eefe ehe agbo fē nyoṅmo̱-fẽ-nyoṅmo̱, ni †eewie hepupūmo̱ wiemo̱i eši nyoṅmo̱i a-Nyoṅmo̱ le̱, ni eeſere ke̱-yaši beyino̱ ní mlila le̱ aayi; ši noni amã no̱ mĩ́ le̱, aafe. *2 Tes. 2,4. †Dan. 7,8. 25. Kpods. 13,5. 6.

Daniel 4:26

Ni boni afã́ ake̱ ašĩ tšoku le̱, nakai omaṅtše̱yeli le̱ aadamo̱ ahão; beni oná ole ake̱ ṅwei yo̱ hewale̱ le̱.

Daniel 4:28

Ene̱ fẽ ba maṅtše̱ Nebukadnezar no̱.

Daniel 4:37

Nohewo̱ le̱ agbe̱ne̱ mi, Nebukadnezar, mīdšie ṅwei maṅtše̱ le̱ yi, ni mīwó eno̱, ni mīwo ehĩe nyam; edšake̱ enitšumo̱i fẽ le̱ ano̱kwale ni, ni egbe̱i hũ dša, ni *mei ní yo̱ hewō dšeṅ le̱ enyẽo̱ame̱ ši ebaä. *5,20. Luk. 1,51; 18,14.

Daniel 8:8

Ni tōkpakpo le̱ dše agbo kpeteṅkple dientše̱; ni beni ehe wa kwrā le̱, eklonto kpeteṅkple le̱ kũ, ni aklontoi *edſe̱ ní dăra ni kwe̱o̱ ṅwei kō̱yo̱i edſe̱ le̱ no̱ gbe̱ badše kpo ye̱ enãdšiaṅ. *7,4; 11,5.

Luka 18:14

Mīkē̱nye ake̱: Ne̱ke̱ nū ne̱ yiṅ ete ewe ni abule̱ bem fè mokome le̱. Edšake̱ mofẽmo ní wóo̱ ehe no̱ le̱, aabale̱ ši; ši moni baä ehe ši le̱, aawó eno̱. 14,41. Mat 23,12.

Hebribii 3:13

ši moṅ *nyewiea nyetšõtšõa nyehe gbĩ-fẽ-gbĩ ní atšé̱ole̱ ṅme̱ne̱ le̱, koni ake̱ esa šišiumo̱ le̱ akawadše nyeteṅ moko. *1 Tes. 5,11. 14.

1 Samuel 6:6

Ni mẽha nyewadšeo̱ nyetšui tamo̱ boni *Mizraimbii le̱ ke̱ Farao wadše ame̱tšui le̱? Ani dšee heni etšu nākpe̱nii ye̱ ame̱teṅ egbe nā le̱, dãni †ame̱ṅmẽame̱ gbe̱ ni ame̱te? *2 Mose 8,15. †2 Mose 12.32.