Daniel 4:37 - Ṅmãle̱ Kroṅkroṅ Le̱

³⁷ Nohewo̱ le̱ agbe̱ne̱ mi, Nebukadnezar, mīdšie ṅwei maṅtše̱ le̱ yi, ni mīwó eno̱, ni mīwo ehĩe nyam; edšake̱ enitšumo̱i fẽ le̱ ano̱kwale ni, ni egbe̱i hũ dša, ni *mei ní yo̱ hewō dšeṅ le̱ enyẽo̱ame̱ ši ebaä. *5,20. Luk. 1,51; 18,14.

ŊMALƐ KRƆŊKRƆŊ LƐ

³⁷ “No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Daniel 4:37 ပူးပေါင်းရင်းမြစ်များ

2 Kronika 33:19

Ni efaikpamo̱ le̱ hũ ke̱ bo̱ni abole̱ toi ahã, ke̱ ehe ešai ke̱ eno̱tõmo̱i fẽ, ke̱ hei ni emãmo̱ hei groṅṅi ke̱ wo̱ṅ-kōi ke̱ amãgãi ye̱, dãni eba ehe ši le̱, na, aṅmã ye̱ ninalo̱i le̱ asãdši le̱ amli.

Ester 6:10

Ke̱ke̱ ni maṅtše̱ le̱ kē̱ Haman ake̱: Ohe afe oyá, ni oṅõ atade ke̱ okpo̱ṅo̱ le̱, take̱ bo̱ni okē̱ le̱, ni oyafe nakai ohã Mordekai, Iudanyo le̱, ní táa maṅtše̱ koi le̱ ši le̱; kāšĩ nii ní otši tã le̱ fẽ mli ekomeflo!

Lalai 119:75

Iehowa, mile ake̱ okodšomo̱i le̱ dša, ní ano̱kwayeli *oke̱-bami ši. *K. 67.

Lalai 99:4

Maṅtše̱ ní sumoo̱ dšale̱ saneyeli le̱, bo ohã ehewale̱ le̱ mā ši šiṅṅ ye̱ kodšomo̱ mli; bo *okodšoo̱ ni oyeo̱ dšale̱ sane ye̱ Iakob mli. *Ies. 9,6.

2 Mose 18:11

Kpako mina mile ake̱ Iehowa da fè nyoṅmo̱i fẽ; edšake̱ nõ mli ní ame̱tšõ kpa ye̱ le̱, ebaame̱ ši ye̱ mli. Neh. 9,10.

2 Mose 8:4

ni ko̱ko̱denei le̱ aatũmo̱ ke̱-ba bodientše̱ ke̱ omaṅbii le̱ ke̱ otšũdši le̱ fẽ no̱ tete.

Yesaia 23:9

Iehowa Zebaot eto eyiṅ ake̱ eewo hewõ anumnyam fẽ he mūdši, ni eehã šikpoṅ le̱ no̱ anumnyam gbomei fẽ he guo̱ agbo.

Yesaia 5:16

ni aawó Iehowa Zebaot no̱ ye̱ kodšomo̱ mli, ni Mawu Mokroṅkroṅ le̱ aafele̱ kroṅkroṅ ye̱ dšale̱ mli.

Yeremia 50:29

Nyetšé̱a gãitšẽlo̱i le̱ nyewoa Babel be, mei ni dŏ̱ro̱ö̱ gãi le̱ fẽ! Nyeboa nsra nyewoa ehe ke̱-kpea! Nyekahãa mokomoko mīdšea mli! *Nyewoale̱ nyõmo̱ ye̱ enitsumo̱ le̱ nā! Bo̱fẽbo̱ ní efe le̱, nyefeale̱ nakai noṅṅ; edšake̱ ewó ehe ye̱ Iehowa no̱, ye̱ Israel Mokroṅkroṅ le̱ no̱! *K. 15.

Ezekiel 16:56

Nto ohewō gbĩĩ le̱ amli le̱ onyemiyō Sodom le̱ tšṍ odāṅ lala,

Ezekiel 16:63

beni afe ní *okai ni ohĩe agbo, ni okatſa odāṅ doṅṅ ye̱ ohĩegbĕle le̱ hewo̱, beni mike̱ nii ní ofe le̱ fẽ efao le̱, Nuṅtšo̱ Iehowa kē̱. *36,31-32.

Daniel 4:26

Ni boni afã́ ake̱ ašĩ tšoku le̱, nakai omaṅtše̱yeli le̱ aadamo̱ ahão; beni oná ole ake̱ ṅwei yo̱ hewale̱ le̱.

Daniel 4:3

Kwe̱ bo̱ni ekadii le̱ dăra hã ke̱ bo̱ni enākpe̱nii le̱ wa hã! *Emaṅtše̱yeli le̱ nāno̱ maṅtše̱yeli ni, ni eno̱yeli le̱ dše̱o̱ yino̱ ke̱-yeä yino̱! *5,27.

Daniel 4:34

Ni gbĩĩ le̱ ase̱ le̱ mi, Nebukadnezar, mihole mihĩeṅme̱ii ano̱ mikwe̱ ṅwei, ni midſẽṅmo̱ kũ se̱ ba mimli ekoṅ, ni midšie moni yo̱ ṅwei šoṅṅ te yi, ni mikafo ni miwo moni hĩo̱ ši ke̱-yašio̱ nāno̱ le̱ hĩe nyam; edšake̱ *eno̱yeli le̱ nāno̱ no̱yeli ni, ni emaṅtše̱yeli le̱ ye̱ ke̱-dše̱ yino̱ ke̱-yaä yino̱. *K. 5.

Daniel 5:4

Amenu wein ni ame̱dšie šika ke̱ dſie̱te̱i ke̱ akō̱ble ke̱ dade ke̱ tšo ke̱ te̱ nyoṅmoi le̱ ayi.

Mateo 11:25

No be le̱ mli le̱ Iesu here no̱ ni ekē̱: Mīdšie oyi, Atā, ṅwei ke̱ šikpoṅ nuṅtšo̱, ake̱ oṅõ nii ne̱ otē ṅālo̱i ke̱ nilelo̱i, ni odšie otšõ abifabii; 1 Kor. 1,26-29.

Bɔfoi 17:24

Nyoṅmo̱ ní fe dše le̱ ke̱ emli nibii fẽ, nī dši ṅwei ke̱ šikpoṅ nuṅtšo̱ le̱, ehĩĩ so̱lemo̱tšũi ní ake̱ nidsi fe mli, 7,48.

5 Mose 32:4

Te̱sā dšile̱, ni enitšumo̱i hĩ pe̱; edšake̱ egbè̱i fẽ dšale̱ ni. Ano̱kwa Mawu dšile̱, nõša be̱le̱; dšale̱ dšile̱ ni esa pe̱.

Kpojiemɔ 15:3

Ni ame̱la Nyoṅmo̱ tšũlo̱ *Mose lala le̱ ke̱ †tōbi le̱ lala le̱ ame̱kē̱: **Onitšumo̱i le̱ dăra ni ame̱ye̱ nākpe̱, Nuṅtšo̱ Nyoṅmo̱ Ofe; ogbe̱i le̱ dša ni ano̱kwa dšiame̱, bo dšeṅmãdši le̱ amaṅtše̱. *2 Mose 15,1. 11. †Kpods. 5,9. 12. **Lal. 145,17. Ier 10.6. 7.

Kpojiemɔ 16:7

Ni minu *afo̱lesãlate̱ le̱ mīkē̱: Hē̃, Nuṅtšo̱ Nyoṅmo̱ Ofe, †ano̱kwa ke̱ dšale̱ dši okodšomoi le̱. *9,13. †19,2.

1 Samuel 2:3

Nyekawiea hewō wiemo̱i pi ne̱ke̱ doṅṅ! Hetšõmo̱ wiemo̱ hũ akadše nye-nā! Edšake̱ Iehowa le̱, Mawu nilelo̱ ni, ni le̱ eṅmẽo̱ nifemo̱nii.