Daniel 3:7 - Ṅmãle̱ Kroṅkroṅ Le̱

⁷ Nohewo̱ le̱ amrõ pe̱ ni mãdši le̱ fẽ nu kōfẽṅ le̱ ke̱ ble̱ le̱ ke̱ sankũ le̱ ke̱ kete le̱ ke̱ obentá le̱ ke̱ dšõ̀i sro̱toi le̱ fẽ agbē̱mo̱ le̱, mãdši le̱ ke̱ asafoi le̱ ke̱ wiemo̱i le̱ fẽ ho-kũla ši, ni ame̱dšá šika amãgã ní maṅtše̱ Nebukadnezar ke̱-mã ši le̱.

ŊMALƐ KRƆŊKRƆŊ LƐ

⁷ No hewɔ lɛ, amrɔ pɛ ni asafo lɛ fɛɛ nu koofɛŋ kɛ saŋku kɛ kete kɛ obenta kɛ bɛji kɛ lalai srɔtoi lɛ agbɛɛmɔ lɛ, amɛho amɛkula shi, ni amɛja shika amãgã ni Maŋtsɛ Nebukadnezar kɛma shi lɛ.

Daniel 3:7 ပူးပေါင်းရင်းမြစ်များ

Yeremia 51:7

Šika kpulu dši Babel ye̱ Iehowa deṅ, ni ehã *šikpoṅ mū le̱ fẽ etŏ̱ro̱ dā̃: dšeṅmãdši le̱ ena ewein le̱ eko, hewo̱ le̱ dšeṅmãdši le̱ eye se̱ke̱. *25,15. Kpods. 17,4; 18,3.

Daniel 2:46

Ke̱ke̱ ni maṅtše̱ Nebukadnezar ke̱ ehĩe bu ši, ni edšá Daniel, ni efã́ ake̱ ašã afo̱le ke̱ tšofăi-ke̱-ṅmai ahāle̱.

Daniel 3:10

Bo maṅtše̱, *owo akpo̱, ake̱ mofẽmo ní aanu kōfẽṅ ke̱ ble̱ ke̱ saṅkũ ke̱ kete ke̱ obentá ke̱ obónu ke̱ dšõ̀i sro̱toi le̱ fẽ agbē̱mo̱ le̱, ekũla ši, ni edšá šika amãgã le̱, *6,15.

Daniel 3:4

Ke̱ke̱ ni šie̱lo̱ le̱ bo wā ake̱: Nye mãdši ke̱ asafoi ke̱ wiemo̱i! ākē̱nye ake̱:

Daniel 3:5

Befẽbe ní nyeanu kōfẽṅ ke̱ ble̱ ke̱ saṅkũ ke̱ kete ke̱ obentá ke̱ obónu ke̱ dšõ̀i sro̱toi agbē̱mo̱ le̱, nyekũlaä ši, ni nyedšáa šika amãgã le̱ ní maṅtše̱ Nebukadnezar ke̱-mã ši le̱;

Daniel 3:6

ni mofẽmo ní kũlaa ši ní edšá le̱, nakai ṅmle̱tſā le̱ no̱ noṅṅ le̱ aaše̱le̱ afõ la ke̱ flõnõ ni tšoo̱ grigri le̱ mli.

Daniel 3:8

Nohewo̱ le̱ amrõ le̱ noṅṅ le̱ Kaldeamei komei ba ni ame̱baflo̱ Iudafoi le̱ anā,

Bɔfoi 14:16

mo noṅṅ ní blemabii le̱ ayino̱i ní eho le̱ mli le̱ ehã dšeṅmãdši le̱ fẽ nyie ame̱dientše̱ ame̱gbe̱i le̱ ano̱, 17.30.

1 Yohane 5:19

Wo̱le ake̱ wo̱dše̱ Nyoṅmo̱ mli, ni *dšeṅ mũ le̱ fẽ kã mofõṅ le mli; *Gal. 1,4.

Kpojiemɔ 12:9

Ni *ašé̱ drako kpeteṅkple le̱ afõ, moni dši †blema onũfũ le̱ ní atšé̱o̱le̱ diabolo (nāflo̱lo̱ lo abonsam) le̱ ke̱ satan (henye̱lo̱) le̱ ní šišiuo̱ dšeṅ mū le̱ fẽ le̱, ašé̱le̱ afõ šikpoṅ le̱ no̱, ni aše̱re̱ ebo̱foi le̱ hũ aſie afata ehe. *Luk 10,18. Ioh 12,31. †1 Mose 3,1. 14.

Kpojiemɔ 13:14

ni *eke̱ okadii ni ená hegbe̱ ake̱ efe ye̱ kolo le̱ hĩe le̱ ešišiuo̱ mei ni yo̱ šikpoṅ le̱ no̱ le̱, ni ekē̱o̱ mei ní yo̱ šikpoṅ le̱ no̱ le̱ ake̱ amé̱fe amãgã ame̱hã kolo le̱ ní yo̱ klante nā pilamo̱ ní ehĩe kã le̱. *5 Mose 13,2-4.

Kpojiemɔ 13:3

Ni mina eyitšei le̱ ateṅ ekome tamo̱ noni epila gbĕle-pilamo̱, ni atšá egbĕle-pilamo̱ le̱, ni *šikpoṅ mū le̱ fẽ nā kpe̱ ame̱he ye̱ kolo le̱ hewo̱, *17,8.

Kpojiemɔ 13:8

Ni mei fẽ ní *yo̱ šikpoṅ le̱ no̱ le̱ aadšále̱, mei ní aṅmãko ame̱gbe̱ii ye̱ tōbi ni agbe le̱ †wala-wolo le̱ mli **ke̱-dše̱ dšeṅ šišidšé le̱. *12.12. †3,5. **17,8.

Kpojiemɔ 17:8

Kolo le̱ ni ona le̱ *ye̱, ni †ebe̱, ni ebadše̱ bu kwo̱ṅkwo̱ṅ le̱ mli edše kpo ke̱-baho hĩekpãtãmo̱ mli; ni mei ni yo̱ šikpoṅ le̱ no̱ ni aṅmãko ame̱gbe̱ii ye̱ **wala-wolo le̱ mli ke̱-dše̱ dšeṅ šišidšē le̱ anā aakpe̱ ame̱he, ké̱ ame̱na kolo le̱ ake eye̱, ni ebe, tše eye kẽ le. *13,1. 2. †13,3. **8,5.

Kpojiemɔ 19:20

Ni amõ *kolo le̱ ke̱ †amalegbalo̱ le̱ ni fe okadii ye̱ ehĩe ni eke̱-šišiu mei ni he kolo le̱ okadi le̱ ke̱ mei ní dšáa emãgã le̱ afata ehe; aṅõ mei enyo̱ ne̱ fẽ hĩekãlo̱i awo **la kpākpo le̱ ní tšoo̱ ke̱ swō̱ le mli. *13,1. †13,11-17. **20,10. Dan. 7,11. 26.