Daniel 3:15 - Ṅmãle̱ Kroṅkroṅ Le̱

¹⁵ Agbe̱ne̱ ke̱dši nyesā nyehe nyeto le̱, no le̱ befẽbe ní nyeanu kōfẽṅ le̱ ke̱ ble̱ le̱ ke̱ saṅkũ le̱ ke̱ kete le̱ ke̱ obentá le̱ ke̱ obónu le̱ ke̱ dšõ̀i sro̱toi le̱ fẽ agbē̱mo̱ le̱, nyekũlaä ši; ni nyedšáa amãgã ni mife le̱; ši ke̱dši nyedšáá le̱, nakai nmle̱tſā le̱ no̱ noṅṅ le̱ aaše̱re̱nye aſie la ke̱ flõnõ ní tšoo̱ grigri le̱ mli! Ni *namo dši Nyoṅmo̱ ní aadšienye ye̱ mideṅ le̱? *2 Maṅ. 18,35.

ŊMALƐ KRƆŊKRƆŊ LƐ

¹⁵ Agbɛnɛ kɛji nyɛfee kralo nyɛto akɛ kɛji nyɛnu koofɛŋ lɛ kɛ blɛ kɛ saŋku kɛ kete kɛ obenta kɛ lalai srɔtoi lɛ agbɛɛmɔ lɛ, nyɛaaho nyɛkula shi, ni nyɛja amãgã ni mifee lɛ, belɛ no lɛ sane etã. Shi kɛji nyɛjaaa lɛ lɛ, amrɔ lɛ nɔŋŋ lɛ abaashɛrɛ nyɛ ashwie flɔnɔɔ kɛ emli la ni miitso grigri lɛ mli! Mɛɛ nyɔŋmɔ nyɛsusuɔ akɛ aaanyɛ nyɛyiwala ahere yɛ mi midɛŋ?”

Daniel 3:15 ပူးပေါင်းရင်းမြစ်များ

2 Maŋtsɛmɛi 18:35

Šikpõdši le̱ anyoṅmo̱i le̱ fẽ ateṅ namei ehere ame̱sikpoṅ yiwala ke̱-dše̱ mideṅ, hewo̱ ni Iehowa le̱, le̱ le̱ eehere Ierusalem yiwala ke̱-adše̱ mideṅ le̱?

2 Mose 32:32

Ši kẽle̱ agbe̱ne̱ ke̱dši ooṅõ ame̱he eša le̱ ofaame̱ le̱, ṅõ-fa! ni ke̱-dšee nakai hũ le̱, ofai ne̱, ní ogbe mi moṅ migbe̱i ye̱ wolo le̱ ní oṅmã le̱ mli. Lal. 69,29. Dan. 12,1. Luk 10, 20. Rom. 9,8.

2 Mose 5:2

Ni Farao kē̱ ake̱: Namo *dši Iehowa le̱ ni mabo egbē toi ní mahã Israel aya? Milee Iehowa, ni Israel hũ mihãã ame̱ya. *Dan. 3,15.

Yesaia 37:23

Namo ahora obo̱ ni owie musubō̱ wiemo̱i ošile̱ lo̱? namo no̱ owó ogbē no̱ ye̱ ni ohole ohĩṅme̱ii ano̱ ke̱-te ṅwei ye̱ le̱? Israel Mokroṅkroṅ le̱ ni!

Daniel 2:47

Maṅtše̱ le̱ here Daniel no̱ ni ekē̱: Le̱le̱ṅ ake̱ nye-Nyoṅmo̱ le̱ *dši nyoṅmo̱i a-Nyoṅmo̱ ke̱ maṅtše̱mei anuṅtšo̱ ke̱ tēmo̱sãdši akpodšielo̱, ake̱ noni onyẽ odšie ne̱ke̱ tēmosane ne̱ kpo ne̱. *3,29. Ios. 2,11. Lal 86,8. Ies. 52,8. 9.

Daniel 2:9

Ši ke̱dši nyetšõõmi lamõ le̱, no le̱ mla kome kã ši hãnye, edšake̱ amale ke̱ šìšiumo̱ wiemo̱ nyeto nyeyiṅ ake̱ nyebawie ye̱ mihĩe ke̱-yaši beyino̱ ní be le̱ aatšake. Nohewo̱ le̱ nyedšadšea lamõ le̱ nyetšõami, ni maná male ake̱ nyeanyẽ ešiši hũ nyetšõ.

Daniel 3:17

Ke̱dši nakai le̱, wo̱-Nyoṅmo̱ le̱ ní wo̱súmoo̱ le̱ aanyẽ adšiewo̱ ye̱ *la de̱ flõnõ ní tšoo̱ grigri le̱ mli, ni eedsiewo̱ ye̱ odeṅ, maṅtše̱. *Lal. 66,12.

Daniel 6:16

[15.] Ke̱ke̱ ni ne̱ke̱ gbomei ne̱ bua amehe nā ke̱-ba maṅtše̱ le̱ ṅõ; ni ame̱bakē̱ maṅtše̱ le̱ ake̱: Ná ole, maṅtše̱, ake̱ Mediabii ke̱ Persiabii amla dši ake̱, akpo̱ ko lo kitã ko ni maṅtše̱ ewo le̱, atšakee.

Daniel 6:20

[19.] Ke̱ke̱ ni maṅtše̱ le̱ te ši lebi mãṅkpa, beni hĩe bõi gblemo̱ le̱, ni ehe fe oyá, ni eyiṅ ke̱-te dšatai abu le̱ nā.

Mateo 10:19

Ši ké̱ ame̱ṅõnye ke̱-te le̱, nyekahaoa nyehe ye̱ bo̱ni alo, noni nyeakē̱ hewo̱; ši aaṅõ noni nyeawie ahãnye ye̱ nakai ṅmle̱tſā le̱ mli noṅṅ. Luk. 12,11. 12.

Mateo 27:43

Ekē̱ *Nyoṅmo̱ no̱ ehĩe kã: hã ní edšiele̱ ko, ke̱dši eye̱ ehe tšui le̱; edšake̱ ekē̱ ake̱: Nyoṅmo̱ bi dšimi. *Lal. 22,9.

Marko 13:11

Ši ké̱ ame̱kplanye ke̱-te ame̱yahã le̱, nyekahaoa nyehe nyetoa ye̱ noni nyeawie hewo̱, ni asaṅ nyekayea he ṅko̱mo̱; ši moṅ noni ake̱-ahãnye ye̱ nakai ṅmle̱tſā le̱ no̱ le̱, no nyewiea; edšake̱ dšee nye nyewieo̱ le̱, ši moṅ Mumo̱ kroṅkroṅ le̱ ni.

Luka 12:11

Ši ké̱ ame̱kplanye ke̱-te kpēhei le̱ ke̱ lume̱i ke̱ ogai ahĩe le̱, nyekagbaä nyehe nā ye̱ bo̱ni lo noni nyeke̱-adšie nyenā lo noni nyeakē̱ le̱ he; 21,14. 15. Mat. 10,19. 20.

Luka 13:9

ake̱ aleenõ eewo yibii lo; ši ké̱ dšee nakai le̱, dãni otole̱ ofõ ši.

Bɔfoi 4:19

Ši Petro ke̱ Iohane here no̱ ni ame̱kē̱ame̱ ake̱: Ké̱ edša gbe ye̱ Nyoṅmo̱ hĩe ake̱ *abo nye moṅ toi fè Nyoṅmo̱ le̱, nyekodšoa.

Bɔfoi 5:29

Ši Petro ke̱ bo̱foi le̱ here no̱ ni ame̱kē̱: Esa ake̱ aboo̱ Nyoṅmo̱ moṅ toi fē gbomei. 5,12. Dan. 3.18.

Bɔfoi 6:15

Ni mei le̱ ní trá akuašoṅ le̱ mli le̱ fẽ tšũ ame̱hīṅme̱ii ame̱ſie eno̱, ni ame̱na ehĩe tamo̱ Nyoṅmo̱ bo̱fo ko hĩe.