Daniel 2:37 - Ṅmãle̱ Kroṅkroṅ Le̱

³⁷ Bo maṅtše̱ dši *maṅtše̱mei amaṅtše̱, ni ṅwei Nyoṅmo̱ le̱ eṅõ maṅtše̱yeli ke̱ hewale̱ ke̱ no̱yeli ke̱ anumnyam ehão; *Ezek. 26,7.

ŊMALƐ KRƆŊKRƆŊ LƐ

³⁷ Maŋtsɛ, bo ji maŋtsɛmɛi amaŋtsɛ. Nyɔŋmɔ ni yɔɔ ŋwɛi lɛ, ni to bo nakai, ni eduro bo hewalɛ kɛ agbojee kɛ anunyam fɛɛ.

Daniel 2:37 ပူးပေါင်းရင်းမြစ်များ

2 Maŋtsɛmɛi 25:28

ni eke̱le̱ wie wiemo̱ kpakpa, ni eṅõ esẽi le̱ eto maṅtše̱mei ni ke̱le̱ yo̱ Babel le̱ asẽii le̱ ano̱;

2 Kronika 36:23

Bo̱ni Koreš, Persia maṅtše̱ le̱, kē̱ ne̱: Iehowa, ṅwei Nyoṅmo̱ le̱, etu šikpoṅ le̱ no̱ maṅtše̱yelii le̱ fē ewo mideṅ, ni efámi ake̱ miyamã šĩa mihãle̱ ye̱ Ierusalem ye̱ Iuda. Emaṅbii le̱ ateṅ mofẽmo ní yo̱ nyeteṅ le̱, Iehowa, e-Nyoṅmo̱ le̱, afata ehe ní efã ke̱-ya!

Ezra 1:2

Bo̱ni Koreš, Persia maṅtše̱ le̱, kē̱ ne̱: Iehowa, ṅwei Nyoṅmo̱ le̱, etu šikpoṅ le̱ no̱ maṅtše̱yelii le̱ fẽ ewo mideṅ, ni efã́mi ake̱ miyamã šĩa mihãle̱ ye̱ Ierusalem ye̱ Iuda. Ies. 44,28; 45,1.

Ezra 7:12

Artašasta, *maṅtše̱mei amaṅtše̱ le̱, ṅmã hã oso̱fo Ezra ni dši woloṅmãlo̱ ni le ṅwei Nyoṅmo̱ le̱ mla le̱ mli dšogbãṅ le̱, ke̱ nii. *Ezek. 28,7.

Lalai 62:11

Nyeke̱ nyehĩe akafõa amimyeli no̱, ni nyeyitšo hũ akafũa ye̱ dšũ-ke̱-fõ nii ahewo̱; ké̱ *nii mĩfá le̱, nyeke̱ nyetšui akafõa no̱! *Mat. 19,22. Luk. 12,19. 20. 1 Tim. 6,17.

Abe̱i 8:15

Mino̱ maṅtše̱mei tsṍo̱ yeo̱ maṅtše̱, ni lume̱i woo̱ mla ye̱ dšale̱ nā. 16,12. Daads. 10,16.

Yesaia 10:8

Edšake̱ ekē̱o̱ ake̱: Nto milumei le̱ fẽ le̱ maṅtše̱mei so̱ṅṅ ni?

Yesaia 47:5

Tá ši diō ni obote duṅ mli, bo Kaldeabii abiyō! Ši akãṅ he atšé̱ṅo ake̱ maṅtše̱yelii le̱ awura doṅṅ!

Yeremia 28:14

Edšake̱ bo̱ni Iehowa Zebaot, Israel Nyoṅmo̱ le̱, kē̱ ne̱: Mike̱ dade apã efo *ne̱ke̱ dšeṅmãdši ne̱ fẽ akue̱, ní ame̱súmo̱ Nebukadnezar, Babel maṅtše̱ le̱, ni ame̱asúmo̱le̱ hũ, ni mike̱ dſe̱iaṅ koloi tete ehāle̱. *27,5.

Yeremia 34:1

Wiemo ni dše̱ Iehowa ṅõ ba Ieremia ṅõ, beni Nebukadnezar, Babel maṅtše̱ le̱, ke̱ eta le̱ fẽ ke̱ šikpoṅ le̱ no̱ maṅtše̱yelii fẽ ní yo̱ eno̱yeli šiši le̱ ke̱ mãdšimãdši le̱ fẽ ke̱ Ierusalem ke̱ ehe mãdši le̱ fẽ wuo̱ le̱, ne̱:

Ezekiel 26:7

Edšake̱ bo̱ni Nuṅtšo̱ Iehowa kē̱ ne̱: Na, mahã Nebukadnezar, Babel maṅtše̱ le̱ ní dši *maṅtše̱mei amaṅtše̱ le̱, adše̱ kōyigbe̱ aba Tiro no̱ ke̱ okpo̱ṅo̱i ke̱ ſīlii ke̱ okpo̱ṅo̱iatše̱mei ke̱ asafo ke̱ ta babaō. *Dan. 3,37.

Daniel 1:2

Ni Nuṅtšo̱ le̱ ṅõ Iuda maṅtše̱ Iehoiakim ke̱ Nyoṅmo̱ we le̱ nihii le̱ ekomei ewo edeṅ, ni eke̱ame̱ te Šinear šikpoṅ le̱ no̱ ye̱ enyoṅmo̱ le̱ we le̱, ni eke̱ nibii le̱ yato enyoṅmo̱ le̱ nitõ šĩa le̱.

Daniel 2:31

Bo maṅtše̱ ōkwe̱, ni na, amãgã kpeteṅkple ko ne̱, ni ne̱ke̱ amãgã ne̱ da, ni ekpe̱o̱ ake̱ noko, ni edamo̱ ohĩe, ni ehe ye̱ gbeyei.

Daniel 2:44

Ni ne̱ke̱ maṅtše̱mei ne̱ ayino̱ le̱, Nyoṅmo̱ ni yo̱ ṅwei le̱ aatē maṅtše̱yeli ko ši amã ši ni *efiteṅ doṅṅ ke̱-ate nāno̱, ni ašĩṅ maṅtše̱yeli ne̱ ahãṅ maṅ kroko; eedſăra †maṅtše̱yelii ne̱ fẽ wo̱tšo̱wo̱tšo̱, ni eekpãtã ame̱hĩe, ši le̱dientše̱ le̱ eedame̱ ši ke̱-ate nāno̱; *7,14. 27. Ies. 9,6. †1 Kor. 15,24. Kpods. 11,15.

Daniel 4:19

Ke̱ke̱ ni Daniel ní atšē̱o̱le̱ Beltešazar le̱ be dšõ ehe be kplaṅṅ, ni edſẽṅmo̱i haole̱. Maṅtše̱ le̱ here no̱ ni ekē̱: Beltešazar, kāhã lamō le̱ lo ešišitšõmo̱ le̱ mĩhaoö! Beltešazar here no̱ ni ekē̱: Minuṅtšo̱, kūle̱ lamõ ne̱ afe mei ní be tšẽo̱o le̱ anõ, ni ešišitšõmo̱ le̱ hũ afe ohenyeloi le̱ anõ!

Daniel 4:22

dši bo, maṅtše̱, ní oda, ni ohe wa, ni odale̱ le̱ eda āhũ ke̱-yaše̱ ṅwei, ni ono̱yeli le̱ hũ eše̱ šikpoṅ le̱ nāgbēhe le̱.

Daniel 4:25

aaſieo ye̱ gbomei ateṅ, ni ooyahĩ ṅăṅ koloi ateṅ, ni aahã oye dſe̱i tamo̱ tšinai, ni ṅwei bó̱ aafo̱o, ni bei kpawo aaho oyi, ke̱-yaši beyino̱ ni oole ake̱ moni yo̱ ṅwei šoṅṅ te ye̱ hewale̱ ye̱ gbomei amaṅtše̱yeli no̱, ni eṅõ-hãa mofẽmo ní esumoo̱.

Daniel 4:3

Kwe̱ bo̱ni ekadii le̱ dăra hã ke̱ bo̱ni enākpe̱nii le̱ wa hã! *Emaṅtše̱yeli le̱ nāno̱ maṅtše̱yeli ni, ni eno̱yeli le̱ dše̱o̱ yino̱ ke̱-yeä yino̱! *5,27.

Daniel 4:32

ni aaſieo ye̱ gbomei ateṅ, ni ooyahĩ ṅãṅ koloi ateṅ, ni aaha oye dſe̱i tamo̱ tšinai, ní bei kpawo aaho oyi, ke̱-yaši beyino̱ ni *ooná ole ake̱ moni yo̱ ṅwei šoṅṅ le̱ ye̱ hewale̱ ye̱ gbomei amaṅtše̱yeli no̱, ni eṅõ-hãa mofẽmo ní esumoo̱! *5,21.

Daniel 4:34

Ni gbĩĩ le̱ ase̱ le̱ mi, Nebukadnezar, mihole mihĩeṅme̱ii ano̱ mikwe̱ ṅwei, ni midſẽṅmo̱ kũ se̱ ba mimli ekoṅ, ni midšie moni yo̱ ṅwei šoṅṅ te yi, ni mikafo ni miwo moni hĩo̱ ši ke̱-yašio̱ nāno̱ le̱ hĩe nyam; edšake̱ *eno̱yeli le̱ nāno̱ no̱yeli ni, ni emaṅtše̱yeli le̱ ye̱ ke̱-dše̱ yino̱ ke̱-yaä yino̱. *K. 5.

Daniel 5:18

Bo maṅtše̱! Nyoṅmo̱ moni yo̱ ṅwei šoṅṅ le̱ ṅō *maṅtše̱yeli ke̱ hewale̱ ke̱ no̱yeli ke̱ anumnyam ehã otše̱ Nebukadnezar, *2,37; 4,25.

Daniel 7:14

ni ahãle̱ no̱yeli ke̱ anumnyam ke̱ maṅtše̱yeli, koni mãdšimãdši ke̱ asafoi ke̱ wiemo̱i te fẽ asúmo̱le̱, ono̱yeli le̱ nāno̱ no̱yeli ní hoṅ eyaṅ ni, ni emaṅtše̱yeli te noni fiteṅ ni.

Hosea 8:10

Asaṅ ké̱ ame̱bo̱ apā ye̱ dšeṅmãdši ateṅ tete le̱, agbe̱ne̱ mabua ame̱nã ke̱-akpe; ni ame̱no̱ aabõi gbo̱mo̱ ye̱ lume̱i amaṅtše̱ le̱ onĩa hewo̱.

Mateo 6:13

ni oke̱wo̱ akaya kā le̱ mli, ši dšiemo̱wo̱ ke̱-dše̱ efõṅ le̱ mli; ši *onõ dši maṅtše̱yeli le̱ ke̱ hewale̱ le̱ ke̱ anumnyam le̱ ke̱-yašio̱ nāno̱. Amen. *1 Kron. 29,11-13.

Yohane 19:11

Iesu here no̱ ake̱: Ké̱ dšee ṅwei adše̱ aṅõ-hão le̱, kũle̱ onáṅ hewale̱ ko ye̱ mino̱; nohewo̱ le̱ moni dšiemi wo edeṅ le̱ he eša le̱ da fé onõ le̱.

Kpojiemɔ 1:5

ni ke̱-dše̱ Iesu Kristo, ní dši *odasefonyo ano̱kwafo le̱, gbohĩĩ ateṅ †kromo̱bi ke̱ šikpoṅ le̱ no̱ maṅtše̱mei le̱ **ano̱yelo̱ le̱ deṅ. Moni sumoo̱wo̱, ní eke̱ le̱dientše̱ elá ††etšū wohe ke̱-dše̱ wohe ešai le̱ amli, — *3,14. Ioh. 18,37. †Kpods. 1,18. Koi. 1,18. **Kpods. 19.16 ††7,14. Heb. 9,14.

Kpojiemɔ 17:14

Mene̱mei ke̱ tōbi le̱ bawu, ni tōbi le̱ baye ame̱no̱ kũnim, edšake̱ le̱ dši *nuṅtšo̱mei anuṅtšo̱ ke̱ maṅtše̱mei amaṅtše̱, ni mei ní ke̱le̱ yo̱ le̱ dši †mei ní atšé̱ ke̱ mei ní ahala ke̱ mei ní heo̱ yeo̱ le̱. *19,16. †19,14.

Kpojiemɔ 19:16

ni aṅmã gbe̱i ko ye̱ etade ke̱ egboṅ no̱ ake̱: *Maṅtše̱mei amaṅtše̱ ke̱ nuṅtšo̱mei anuṅtšo̱. *17,14. 1 Tim. 4,15.

Kpojiemɔ 4:11

Nuṅtšo̱, bo dši moni sa ake̱ oṅõ anumnyam ke̱ agbodšē ke̱ hewale̱ le̱, edšake̱ bo obo̱ nii fẽ, ni osuomo̱ nā ame̱-yo̱ ni abo̱ame̱.

Kpojiemɔ 5:12

ni ame̱ke̱ gbē wulu kē̱ ake̱: Tōbi ní agbe le̱ sa ake̱ eṅõ *hewale̱ ke̱ nifále̱ ke̱ nilē ke̱ nyẽmo̱ ke̱ agbodšē ke̱ anumnyam ke̱ dšō̱mo̱. *1 Kron 29,11. Fil. 2,9. 10.