Daniel 12:13 - Ṅmãle̱ Kroṅkroṅ Le̱

¹³ Ši bo le̱, ya ke̱-yaši nãgbē le̱ aaše̱, ni oodšō̱ ohe, ni oote ši oyaná ogbe̱fãṅnò ye̱ gbĩĩ te anãgbē le̱ mli.

ŊMALƐ KRƆŊKRƆŊ LƐ

¹³ “Ni bo Daniel, ye anɔkwa kɛyashi naagbee; ni no sɛɛ lɛ obaagbo; shi ooote shi, ni ooona aekoo ni sa bo yɛ naagbee gbi lɛ nɔ.”

Daniel 12:13 ပူးပေါင်းရင်းမြစ်များ

Lalai 1:5

Nohewo le̱ meifõdši damo̱ṅ ši ye̱ kodšomo̱ mli, ni ešafelo̱i hũ damo̱ṅ ši ye̱ dšalo̱i asafo le̱ mli.

Lalai 16:5

Iehowa dši migbošinii ke̱ mikpulu mli gbe̱fãṅnõ; bo ohĩe mišiki mli! Yāfó 3,24.

Lalai 16:9

Hewo̱ le̱ mitšui enyo mimli, ni *minumnyam le̱ mīnyá, ni mihelo hũ aahĩ ši ſeſēſe. *1 Mose 49,6.

2 Mose 33:14

Ni ekē̱ ake̱: Mihĩe ke̱o aate, ni mahão hedšo̱le̱.

Daniel 12:3

Ni mei ní te nii te *aakpe̱ tamo̱ atatu kpe̱mo̱, ni mei ní etšõ mei pī agbe̱ ke̱-te dšale̱ mli le̱ aakpe̱ tamo̱ ṅulamii ke̱-ate nāno̱. *Mat. 13,43. 1 Kor. 16,41. 43.

Daniel 12:4

Ši bo, Daniel le̱, tšĩmo̱ wiemo̱i ne̱ ano̱, ni *oso̱o wolo ne̱ nā ke̱-yaši nāgbē be le̱; mei pī aakane fitšofitšo, ni nilē aafá. *K. 9. Kpods. 10,5.

Zakaria 3:7

Bo̱ni Iehowa Zebaot kē̱ ne̱: Kedši oonyie migbè̱i ano̱ ni ooye migbe̱nānii le̱ ano̱ le̱, no le̱ bo hũ ookodšo miwe le̱, ni asaṅ oobu mikpoi le̱ ahe; ni mahão hegbe̱ ní onyie mei ní damo̱ bie̱ ne̱ ateṅ. *Lal. 91,11.

Mateo 19:28

Ši Iesu kē̱ame̱ ake̱: Le̱le̱ṅ, mīkē̱nye ake̱, nye mei ní nyenyie mise̱ ne̱, beni gbomobi le̱ aatá enumnyam sẽi le̱ no̱ ye̱ dšeṅ hē le̱ mli le̱, nye hũ nyeatrá sẽii nyoṅma ke̱ enyo̱ no̱, ni nyeakodšo Israel akutšei nyoṅma ke̱ enyo̱ le̱. Luk. 22,30.

Luka 21:36

Nohewo̱ le̱ *nyesraã befẽbe ni nyeso̱lea, koni nyenyẽ nii ní baba ne̱ fẽ mli nyedše, ni nyenyẽ gbomobi le̱ hīe nyedamo̱. *Mar. 13,33.

2 Korintobii 5:1

Edšake̱ wo̱le ake̱, ke̱ akũmo̱ *wo̱šikpoṅ ne̱ no̱ bū šĩa ne̱ dšiṅṅ, wo̱ye̱ tšũ ko ni dše̱ Nyoṅmo̱ ṅõ, šĩa ko ní dšee nidši ake̱-fe, ní hĩo̱ ši ke̱-yaä nāno, ye̱ ṅwei. *Hiob 4,19. 2 Pet. 1,13. 14.

2 Tesalonikabii 1:7

ni nye mei ni ahaoo̱nye le, eehã nyeke̱wo̱ fẽ hedšō̱mo̱, beni aadšie Nuṅtšo̱ Iesu kpo ke̱-adše̱ ṅwei *ke̱ ehewale̱ bo̱foi le, *Mat, 25,31.

Kpojiemɔ 14:13

Ni minu gbē dše̱ ṅwei mīkē̱mi ake̱: Ṅmã: Adšō̱ gbohĩĩ le̱ ní gbole̱ ye̱ Nuṅtšo̱ le̱ mli le̱ ke̱-dše̱ ṅme̱ne̱ no̱ ke̱-yaä ne̱. Hē̃, Mumo̱ le̱ kē̱, koni *ame̱dšō̱ ame̱he ke̱-dše̱ ame̱haomo̱i le̱ amli; ši ame̱nitšumo̱i le̱ nyieo̱ ame̱se̱. *Ies. 57,2. Heb. 4,10.