Daniel 11:4 - Ṅmãle̱ Kroṅkroṅ Le̱

⁴ Ši ké̱ ete ši edamo̱ ši le̱, emaṅtše̱yeli le̱ aadſa, ni *aadša mli ke̱-ya ṅwei kō̱yo̱i edſe̱ le̱ mli gbe, ši dšee esešibii aaṅõ-hã, ni asaṅ dšee ehewale̱ ní eke̱ye no̱ le̱ nā aaye no̱, ni emaṅtše̱yeli le̱ aašõ ahã meikrokomei, ši dšee mene̱mei. *8,8. 22.

ŊMALƐ KRƆŊKRƆŊ LƐ

⁴ Shi be mli ni egbojee lɛ ehe shi jogbaŋŋ lɛ mli nɔŋŋ ni emaŋtsɛyeli lɛ baagbee shi. Emli baagbala srɔtoi ejwɛ kɛya jeŋ koji ejwɛ lɛ. Mligbalamɔi nɛɛ anɔyeli baaya ayaje mɛi ni amɛjeee maŋtsɛ nɛɛ shwiei adɛŋ; shi moŋ nɔyelɔi hei nɛɛ ahewalɛ kɛ maŋtsɛ lɛ hewalɛ yeŋ hegbɔ; ni abaashɔ̃ maŋtsɛyeli lɛ ekoŋŋ yɛ mɛi nɛɛ adɛŋ ahã mɛi krokomɛi.

Daniel 11:4 ပူးပေါင်းရင်းမြစ်များ

Lalai 39:6

Na, ofe *migbĩĩ le̱ tamo̱ klakate, ni miwalahe tamo̱ noni dšee nokonoko ye̱ ohĩe. Le̱le̱ṅ, gbomo-fẽ-gbomo le̱, ké̱ edamo̱ no̱ ake̱ mẽ, lamo̱ ke̱ke̱ dšile̱! (Sela.) *Lal. 90,5.

Jajelɔ 4:8

Moko ye̱ ní ekometō ni, ni ebe̱ moko ní fataä ehe feo̱ enyo̱, ebe̱ bi le̱, ebe̱ nyemi hũ; ši kẽle̱ efõõ deṅmegbomo̱, ehĩṅme̱ii hũ tŏ̱ro̱o̱ ke̱ ninámo̱. Ekē̱o̱ ake̱: Namo hewo̱ po migboo̱ deṅme, ni mikãmãa misusuma nii kpakpai ne̱? Ene̱ hũ yakayakanoko ke̱ henāgbamo̱ ní wa ni!

Yeremia 12:15

Ni aaba mli ake̱, beni mifãame̱ se̱ le̱, makũ se̱ mahã mimũsũṅ atšõmi ye̱ ame̱he, ni mike̱ame̱ aakũ se̱ ke̱-aba, mo-fẽmo aaba egbe̱fãṅnõ ke̱ ešikpoṅ ne̱.

Yeremia 12:17

Ši ke̱dši ame̱boṅ toi le̱, no le̱ mafã nakai dšeṅmaṅ le̱ maſie, mafãame̱ ni mafiteame̱, Iehowa kē̱.

Yeremia 18:7

Amrõ ni mawie ye̱ dšeṅmaṅ ko lo maṅtše̱yelihe ko he, ake̱ mibafãle ni madſale ni mafitele̱ le̱; 1,10.

Yeremia 31:40

ni gbohĩĩ ke̱ lamudši adšō̱ mū le̱ fẽ ke̱ ṅmõdsi le̱ fẽ ke̱-yaši Kidron fā le̱ nā, ke̱-yaši okpo̱ṅo̱i agbó le̱ koṅ ní ye bokãgbe̱ le̱ he le̱, aatšṍ kroṅkroṅ ahã Iehowa: akũmo̱ṅ ni awuleṅ aſieṅ ši doṅṅ ke̱-ate nāno̱!

Yeremia 45:4

Kē̱mo̱le̱ ake̱: Bo̱ni Iehowa kē̱ ne̱: Na, noni mimã le̱, mi noṅṅ mikũmoo̱ ne̱, ni noni mite̱o le̱, mi noṅṅ mifãmoo̱ ne̱, ni nakai dši šikpoṅ mū le̱ fẽ.

Yeremia 49:36

ni mike̱ kō̱yo̱i edſe̱ aadše̱ ṅwei nãgbēhei edſe̱ le̱ aba Elam no̱, ni magbe̱-ame̱ maſā ke̱-ate nakai kō̱yo̱i le̱ fẽ no̱, ni dšeṅmaṅ ko dšeṅmaṅ ko be̱ ní Elam mei ní agbe̱ame̱ aſã ne̱ eyaṅ mli.

Ezekiel 37:9

Ni ekē̱mi ake̱: Gba otšõ mumo̱ le̱; gba, gbomobi, ni okē̱ mumo̱ le̱ ake̱: Bo̱ni Nuṅtšo̱ Iehowa kē̱ ne̱: Dše̱ kō̱yo̱i edſe̱ le̱ no̱ oba, mumo̱, ni obamũ oſie ne̱ke̱ mei ní agbe ne̱ ano̱, ní ame̱yi aná wala!

Daniel 7:2

Daniel dše šiši ni ekē̱: Mina ye̱ mininā le̱ mli nyōṅ, ni na, ṅwei kō̱yo̱i edſe̱ le̱ li ye̱ *ṅšo̱ kpeteṅkple le̱ hĩe. *Kpods. 17,15.

Daniel 7:6

Ene̱ se̱ le̱ mihĩe kwe̱mo̱, ni na, ekroko hũ tamo̱ kōtše̱ ni hĩe loflõ fĩdši edſe̱ ye̱ ekotose̱, ni ne̱ke̱ kolo ne̱ ye̱ yitšei hũ edſe̱, ni aṅõ no̱yeli ahãle̱.

Daniel 7:8

Mihĩe aklontoi le̱ akwe̱mo̱, ni na, aklonto kroko ní dši bibiō badše kpo ye̱ ame̱teṅ, ni kleṅkleṅ aklontoi le̱ ateṅ etẽ fãmo̱ ye̱ ehĩe, ni na ne̱ke̱ aklonto ne̱, hĩṅme̱ii ye̱ he tamo̱ gbomo hĩṅme̱ii ke̱ nābu *ní wieo̱ nibii wudši. *11,33.

Daniel 8:22

Agbe̱ne̱ le̱ bo̱ni no kũ ni edſe̱ te ši damo̱ ši ye̱ enãdšiaṅ le̱, maṅtše̱yeli edſe̱ aadše̱ dšeṅmaṅ le̱ mli ate ši, ši ame̱náṅ hewale̱ tamo̱le̱.

Daniel 8:8

Ni tōkpakpo le̱ dše agbo kpeteṅkple dientše̱; ni beni ehe wa kwrā le̱, eklonto kpeteṅkple le̱ kũ, ni aklontoi *edſe̱ ní dăra ni kwe̱o̱ ṅwei kō̱yo̱i edſe̱ le̱ no̱ gbe̱ badše kpo ye̱ enãdšiaṅ. *7,4; 11,5.

Zakaria 2:6

[2.] Ni mikē̱: Nẽgbe̱ oyaä? Ni eke̱mi ake̱: Miyasusu Ierusalem, ní mana boni elē̱mo̱ ke̱ eke̱le̱ yo̱.

Zakaria 6:5

Ni bo̱fo le̱ here no̱ ni eke̱mi ake̱: Ene̱me̱i dšĩ ṅwei kō̱yo̱i edſe̱ le̱ ni ke̱ ame̱he yatšõo̱ *šikpoṅ mū le̱ fẽ nuṅtšo̱ le̱ ni ame̱dšeo̱ kpo le̱. *4,14.

Mateo 12:25

Ši noni Iesu yo ame̱dſẽṅmo̱i le̱, ekē̱ame̱ ake̱: Maṅtše̱yeli-fẽ-maṅtše̱yeli ni gbáa woo̱ le̱dientše̱ ehe le̱, edſaä; ni maṅ-fẽ-maṅ alo šĩa-fẽ-šĩa ní gbáa woo̱ le̱dientše̱ ehe le̱, edamo̱o̱ ši.

Luka 12:20

Ši Nyoṅmo̱ kē̱le̱ ake̱: Kwašia, nyō ne̱ṅ noṅṅ le̱ ababi osusuma ši ye̱ odeṅ; ni nibii ní osā oto le, namo nõ aatšṍ? Heb. 9,25.

Kpojiemɔ 7:1

Ni nii ne̱ ase̱ le̱ mina ṅweibo̱foi edſe̱ damo šikpoṅ kodšĩ edſe̱ le̱ no̱, ni ame̱hīe šikpoṅ le̱ no̱ *kō̱yo̱i edſe̱ le̱ mli, koni kō̱yo̱ ko akatſa ye̱ šikpoṅ le̱ no̱ le̱ ṅšo̱ no̱ lo tšo ko no̱. *Dan. 7,2. Zak. 6.5. Mat. 24,31.