Daniel 1:19 - Ṅmãle̱ Kroṅkroṅ Le̱

¹⁹ Ni maṅtše̱ le̱ ke̱ame̱ wie, ni ame̱fẽ le̱ anaa ame̱teṅ mokomoko ní tamo̱ Daniel, Hanania, Mišael ke̱ Azaria; nohewo̱ le̱ ame̱badamo̱ maṅtše̱ le̱ hĩe.

ŊMALƐ KRƆŊKRƆŊ LƐ

¹⁹ Maŋtsɛ lɛ kɛ amɛ fɛɛ wie, ni Daniel kɛ Hanania kɛ Mishael kɛ Azaria ji mɛi ni maŋtsɛ lɛ hiɛ sɔ fe fɛɛ yɛ oblahii lɛ ateŋ. No hewɔ lɛ, ehala amɛ koni amɛsɔ̃mɔ yɛ maŋtsɛwe lɛ mli.

Daniel 1:19 ပူးပေါင်းရင်းမြစ်များ

1 Mose 41:46

Ni Iosef eye afii nyoṅmai-etẽ, beni eyadamo̱ Mizraim maṅtše̱ Farao hĩe le̱. Ni Iosef dše kpo ye̱ Farao hie, ni eya-kpa Mizraim šikpoṅ le̱ no̱ fā.

1 Maŋtsɛmɛi 17:1

Ni Elia, Tišbinyo le̱, ni dše̱ Gileadbii le̱ ateṅ le̱, bakē̱ Ahab ake̱: Gbĩĩabo̱ ní Iehowa, Israel Nyoṅmo̱ le̱, mo hĩe ni midamoo̱ le̱, hĩe kã ne̱, *ke̱dši bó̱ lo nyoṅmo̱ aane̱ ye̱ afii ne̱ amli fĩ, dša mi miwie! *Iak. 6,17. Kpods. 11,6.

Abe̱i 22:29

Ké̱ ona nū ní bo̱ö̱ mo̱deṅ ye̱ enitšumo̱ mli le̱, maṅtše̱mei ahĩe tete eedamo; edamo̱ṅ mei ní abuuame̱ ahĩe. 21,5.

Yeremia 15:19

Nohewo̱ lo̱ bo̱ni Iehowa kē̱ ne̱: Ke̱dši okũ ose̱ le̱, no le̱ maṅõo ke̱-aba ekoṅ ní obadamo̱ mihĩe; ni ke̱dši odšie nii kro̱ṅṅi ni mũdši be̱ mli le̱, no le̱ ootamo̱ minābu! Ame̱ ame̱akũ ame̱se̱ ke̱-aba oṅõ, ši bo le̱ okũṅ ose̱ ke̱-yaṅ ame̱ṅõ.

Daniel 1:18

Ni beni gbĩĩ ní maṅtše̱ le̱ eto ake̱ ake̱ame̱ aba ee̱ še̱ le̱, piafoi le̱ anukpa le̱ ke̱ame̱ ba Nebukadnezar hĩe.

Daniel 1:4

gbekẽbii ní kpa ko be̱ ame̱he, ní ame̱he yo̱ fe̱o ní ame̱anyi ṅā-fẽ-ṅā ame̱-kase, ní ame̱le nii, ní ame̱yo̱ dſẽṅmo̱, ni ame̱anyẽ maṅtše̱ le̱ mō̃ le̱ṅ ame̱damo̱, koni atšõame̱ Kaldeamei awoloṅ ke̱ wiemo̱.

Daniel 1:5

Ni maṅtše̱ le̱ to ake̱ ahãame̱ ame̱dāṅmā̃ ke̱-dše̱ le̱ maṅtše̱ le̱ dientše̱ eniyenii ke̱ ewein ní enuo̱ le̱ mli; ni alè̱ame̱ afii etẽ, ní no se̱ ní ame̱badamo̱ maṅtše̱ le̱ hĩe.

Daniel 1:6

Ni ame̱teṅ mei ni dše̱ Iudabii le̱ ateṅ dši Daniel, Hanania, Mišael ke̱ Azaria.

Daniel 1:7

Ni piafoi le̱ anukpa le̱ woame̱ gbe̱i, ni ewo Daniel Beltešazar, ni Hanania le̱, ewole̱ Šadrak, ni Mišael le̱, ewole̱ Mešak, ni Azaria le̱, ewole̱ Abednego.

Daniel 2:13

Ni akpo̱ le̱ dšekpo, ake̱ agbe nilelo̱i le̱, ni ātao Daniel ke̱ enanemei le̱ hũ, ní agbeame̱.

Daniel 3:29

Nohewo̱ le̱ miwo akpo̱ ake̱: Maṅ-lẽ-maṅ ke̱ asafo-fẽ-asafo ke̱ wiemo̱-fẽ-wiemo̱ ní aawie Šadrak ke̱ Mešak ke̱ Abednego Nyoṅmo̱ le̱ he efõṅ ko le̱, aaflo̱ ame̱mli dukuduku, ni aahã ame̱šĩai atšṍ-mo̱ tumu; edšake̱ *Nyoṅmo̱ ko Nyoṅmo̱ ko be̱ ní aanyẽ mo adšie ne̱ke̱. *2,47.