Amos 9:9 - Ṅmãle̱ Kroṅkroṅ Le̱

⁹ Edšake̱ na, mafã́ ni maša Israel we le̱ mli ye̱ dšeṅmãdšimãdši fẽ ateṅ, tamo̱ ašaä nii amli ye̱ šānõ mli, ni kuli egbēṅ šikpoṅ!

ŊMALƐ KRƆŊKRƆŊ LƐ

⁹ “Naa, mibafã, ni mibasha Israelbii lɛ amli yɛ je lɛ mli maji lɛ ateŋ tamɔ akɛ shaanii shaa ŋmaa mli lɛ, ni ŋmaa kuli nɛkɛ egbeŋ shi.

Amos 9:9 ပူးပေါင်းရင်းမြစ်များ

Yesaia 27:12

Ni aaba mli ye̱ nakai gbĩ le̱ no̱ ake̱ Iehowa aagbẽ eṅmā̃ le̱ ke̱-adše̱ Eufrate fā le̱ nā ke̱-yaši Mizraim fā le̱ nā, ni nye, Israelbii le̱, aako̱lo̱nye ekomekome.

Yesaia 28:28

Ani abolo able le̱, fle̱mo̱ afle̱o̱le̱? Dabi, dšee dāne̱ egbẽo̱ ni egblaä eſīlinãdši le̱ ke̱ ekpo̱ṅo̱i le̱ ke̱-tšṍo̱ no̱, dšee fle̱mo̱ efle̱o̱le̱.

Yesaia 30:28

Emnmo̱ ní emũo̱ le̱ tamo̱ fā ni eyi ke̱-batá kue̱, ni eke̱ hĩekpãtãmo̱šanõ aaša dšeṅmãdši le̱ amli, ni eke̱ gbe̱dū̃ daṅ-dade aawo mãdšimãdši le̱ adāṅ.

Yeremia 31:36

Ke̱dši ne̱ke̱ *akpo̱i ne̱ aalādše ye̱ mihĩe le̱, Iehowa kē̱, no †dãni Israel seši le̱ aatã, ni ame̱feṅ maṅ ye̱ mihĩe gbĩkogbĩko doṅṅ! *33,25. †Rom. 11,1.

Yeremia 46:28

Kāše gbeyei, mitšũlo̱ Iakob, Iehowa kē̱; edšake̱ mike̱o ye̱. Edšake̱ mafite dšeṅmãdši ni migbe̱o miſã ame̱teṅ le̱ fẽ ke̱-mõ ši, ši bo le̱ mifiteṅo ke̱-mõṅ ši; ši moṅ magbla otoi bo̱ni sa ke̱ke̱, ni mihäṅ oṅõ ohe oye kwrā. 30,11.

Yeremia 49:36

ni mike̱ kō̱yo̱i edſe̱ aadše̱ ṅwei nãgbēhei edſe̱ le̱ aba Elam no̱, ni magbe̱-ame̱ maſā ke̱-ate nakai kō̱yo̱i le̱ fẽ no̱, ni dšeṅmaṅ ko dšeṅmaṅ ko be̱ ní Elam mei ní agbe̱ame̱ aſã ne̱ eyaṅ mli.

Ezekiel 20:38

Ni madšie atũatšelo̱i le̱ ke̱ mei ní etõ mino̱ lo̱ ke̱-adše̱ nyeteṅ; madšieame̱ ke̱-adše̱ ame̱gbo̱tō šikpoṅ le̱ no̱ moṅ, ši ame̱baṅ Israel šikpoṅ le̱ no̱, ni nyeaná nyele ake midši Iehowa le̱.

Ezekiel 36:19

Ni mitšire̱ ame̱yise̱ ke̱-te dšeṅmãdši le̱ ateṅ, ni agbe̱ame̱ aſã šikpõdši le̱ ano̱; bo̱ni amegbè̱i ke̱ ame̱nifemo̱nii le̱ yo̱ le̱, nakai pe̱ mikodšoame̱.

Ezekiel 39:28

no dãni ame̱aná ame̱le ake̱ mi, Iehowa, dši ame̱-Nyoṅmo̱ le̱, ake̱-ní mihã aṅõame̱ nom ke̱-te dšeṅmãdši le̱ ateṅ, ni misā miyabua ame̱nã ke̱-ba ame̱šikpoṅ le̱ no̱ ekoṅ, ni mišĩĩ ame̱teṅ mokomoko ye̱ dše̱i doṅṅ le̱.

Ezekiel 5:10

Nohewo̱ le̱ tše̱mei *aaye bii ye̱ oteṅ, ni bii hũ aaye ame̱tše̱mei, ni makodšoö ni magbe̱ omli mei ní aaſe̱ le̱ fiā maſã kō̱yoi fẽ amli. *5 Mose 29,53-55. Yāfó 4,10.

Ezekiel 5:12

Omlidšãi etẽ mli ekome aagboi ke̱ gbĕle-hela, ame̱aaplenē ke̱ hõmo̱ ye̱ oteṅ, ni mlidšãi etẽ mli ekome aanyõnyõi ye̱ klante nā ke̱-abo̱leo ke̱-akpe, ni magbe̱ mlidšāi etẽ mli ekome hũ maſã kō̱yo̱i fẽ amli, ni magbla klante ke̱-nyie amese̱. K. 2.

3 Mose 26:33

Ši nyedientše̱ le̱, magbe̱nye maſã dšeṅmãdši le̱ ateṅ, ni magbla klante ke-nyie nyese̱, ni nyešikpoṅ le̱ aatšṍ ole̱ṅle̱, ni nyemãdši le̱ aatšṍmo̱ amaṅfõi.

Luka 22:31

Ši Nuṅtšo̱ le̱ kē̱: Simon. Simon, na, satan etao nyehegbe̱, koni eša nyemli take̱ ṅmā̃; 2 Kor. 2,11,

5 Mose 28:64

Ni Iehowa aagbeo aſã mãdši fẽ amli ke̱-dše̱ šikpoṅ le̱ nāgbēhe bie̱ ke̱-yaši, šikpoṅ le̱ nāgbēhe bie̱, ni dše̱i ooya-súmo̱ nyoṅmo̱i krokomei ní bo alo otše̱mei le̱ lee, ní dši tšei ke̱ te̱i le̱, ye̱.