Amos 9:7 - Ṅmãle̱ Kroṅkroṅ Le̱

⁷ Ani dšee Kušbii abii *nyetamo̱ nyehămi, nye Israelbii? — Iehowa kē̱. Ani dšee mi midšie Israel ke̱-dše̱ Mizraim šikpoṅ le̱ no̱, ke̱ †Filistibii hũ ke̱-dše̱ Kaftor, ke̱ Arambii hũ ke̱-dše̱ Kir? *5 Mose 7,7. †Ier. 47,4.

ŊMALƐ KRƆŊKRƆŊ LƐ

⁷ Yehowa kɛɛ akɛ, “Israelbii, mijwɛŋɔ nyɛhe tamɔ mijwɛŋɔ Etiopiabii ahe lɛ. Bɔ ni mijie Israelbii kɛje Ijipt shikpɔŋ lɛ nɔ lɛ, nakai mijie Filistibii lɛ kɛjɛ Kreta kɛ Siriabii lɛ hu kɛjɛ Kir.

Amos 9:7 ပူးပေါင်းရင်းမြစ်များ

2 Maŋtsɛmɛi 16:9

Ni Ašur maṅtše̱ le̱ bole̱ toi, ni Ašur maṅtše̱ le̱ fã yatua Damasko ni eṅõle̱, ni eṅõame̱ nom ke̱-te Kir, ni egbe Rezin.

2 Kronika 14:12

[13.] Ni Asa ke̱ maṅ ni fata ehe le̱ tiuame̱ ke̱-yaši Gerar; ni Kušbii le̱ ateṅ mei pī nyõnyõi ni ame̱nyẽẽ ame̱he ame̱kã doṅṅ; edšake̱ afeame̱ butū ye̱ Iehowa ke̱ eta le̱ hĩe. Ni ame̱lō hānii babaō dientše̱.

2 Kronika 14:9

[10.] Ni Asa fã ni eke̱le̱ yakpe, ni ame̱gbá ta ye̱ Zefata dšō̱ le̱ṅ ye̱ Mareša mase̱i.

2 Mose 12:51

Ni eba mli ake̱ nakai gbĩ le̱ no̱ noṅṅ le̱ Iehowa dšie Israelbii le̱ ke̱-dše Mizraim šikpoṅ le̱ no̱ ye̱ ame̱tai le̱ anā.

Yesaia 20:4

nakai noṅṅ Ašur maṅtše̱ le̱ aakpla Mizraim nomi le̱ ke̱ Kušmei ní afã le̱, gbekẽbii ke̱ onukpai fẽ, ni ame̱anyie ame̱he yayai ke̱ ame̱nane flo, ni ame̱dũnā aakã, ni Mizraim hĩe aaſĩe ši.

Yesaia 22:6

Ni Elam hĩe gãimlibii akotoku ko̱ ſīlii ke̱ gbomei ke̱ okpo̱ṅo̱iatše̱mei ke̱-mība, ni Kir hũ mīdšie tše̱ṅ kpo;

Yesaia 43:3

Ši mi, Iehowa, midši o-Nyoṅmo̱ le̱, Israel Mokroṅkroṅ, oyiwalaherelo̱ le̱! Miṅõ Mizraim mihā ake̱ okpõmo̱nii, ke̱ Kuš ko̱ Seba hũ *ye̱ onãdšiaṅ. *Abe̱i 11,8.

Yeremia 13:23

Ani modiṅ aanyẽ ehewolo atšake, alo kōtše̱ aanyẽ ehe ṅwãtãṅwãtã le̱ atšake? no le̱ nye hũ *nyeanyẽ ekpakpa nyefe, nye mei ní efõṅfemo̱ eka nyeno̱ le̱! *Lal. 55,20.

Yeremia 47:4

ye̱ gbĩ ní baä ni abakpãtã Filistibii le̱ fẽ ahĩe, ni abaplenē Tiro ke̱ Zidon bualo̱-fẽ-bualo̱ ní eſe̱ le̱ hewo̱. Edšake̱ Iehowa bakpãtã Filistibii le̱, ní dši *Kaftor ṅšo̱kpo̱ le̱ no̱ mei ní eſe̱ le̱, ahĩe. *Amos 9,7.

Hosea 12:13

Ši Iakob *dšo foi ke̱-te Aram ṅã le̱ no̱, ni †Israel súmo̱ ye̱ ṅã hewo̱, ekwe̱ tōi ye̱ ṅã hewo̱. *1 Mose 28,5. †1 Mose 22,20.

Amos 1:5

Ni makũ Damasko agbóse̱-adabãṅ le̱, ni maplenē Awen dšō̱ le̱ mli bii le̱, ke̱ maṅtše̱tšotše̱ le̱ ke̱-adše̱ Eden we le̱; ni aaṅõ Aram maṅ le̱ noni ke̱-ate *Kir; Iehowa kē̱. *2 Maṅ. 16,9.

Amos 2:10

Ni nii midšienye ke̱-dše̱ Mizraim šikpoṅ le̱ no̱, ni mike̱nye nyie ye̱ ṅã le̱ no̱ afii nyoṅmai-edſe̱ so̱ṅṅ, koni nyebaṅõ Amornyo le̱ šikpoṅ le̱.

5 Mose 2:23

Ši *Kaftorbii ní dše̱ Kaftor ba le̱ bakpãtã †Avibii, ní hĩ akrowai amli ke̱-yaši Gaza le̱, ahĩe ni ame̱he ši ye̱ ame̱nàdšiaṅ.) *1 Mose 10.14. †Ios. 18,3.