Amos 5:3 - Ṅmãle̱ Kroṅkroṅ Le̱

³ Edšake̱ boni Nuṅtšo̱ Iehowa kē̱ ne̱: Maṅ ní dše kpo ke̱ mei akpe le̱, eſe̱ oha, ní maṅ ní dāe kpo ke̱ mei oha le̱, eſe̱ nyoṅma ehã Israel we le̱.

ŊMALƐ KRƆŊKRƆŊ LƐ

³ Nuŋtsɔ Nyɔŋmɔ lɛ kɛɛ akɛ, “Maŋ ni baawo asraafoi akpe gbɛ kɛya ta lɛ, eeeshwɛ asraafoi oha pɛ ahã lɛ, ni maŋ ni woɔ asraafoi oha gbɛ lɛ, eeeshwɛ emɛi nyɔŋma pɛ ni aaaku amɛsɛɛ aba Israel we lɛ.”

Amos 5:3 ပူးပေါင်းရင်းမြစ်များ

Lalai 144:14

wo̱tšinai hũ afo̱fō̱ babaō, ni ame̱-kašrãke ni ame̱kalādše, ni blo̱mo̱ akaba wo̱blohũi le̱ amli.

Yesaia 1:9

*Efe ake̱ Iehowa Zebaot eſe̱e̱ ſē̱no bibiõ ko ehãāwo̱ kũle̱, wo̱tšṍ tamo̱ †Sodom, ni wo̱fe tamo̱ Gomora pe̱! *Rom. 9,29. †1 Mose 19,24. 25. 5 Mose 29,21-27.

Yesaia 10:22

Ši *ké̱ omaṅ Israel yifále̱ tamo̱ ṅšo̱nã šia po, mei ní eſe̱ le̱ ke̱ke̱ aakũ ame̱se̱ aba! Amã hĩekpãtãmo̱ no̱ mí, eyi eteke no̱ ke̱ dšale̱. *Rom. 9,27.

Yesaia 6:13

Ši ké̱ ſe̱ emlidšāi nyoṅma mli ekome ye̱ no̱ tete le̱, aakũ se̱ akpãtã ame̱hĩe; tamo̱ tšo kple ko lo odum ko ni atō agbē ši ní eſe̱ ekuku; seši *kroṅkroṅ dši ekuku le̱, *4,8.

Ezekiel 12:16

Ši *maſe̱ ame̱teṅ mei fiō ko, ní ame̱dše klante ke̱ hõmo̱ ke̱ gbĕle-hela le̱ mli, beni afe ní ame̱gba ame̱nihĩnii le̱ fẽ ye̱ dšeṅmãdši ní ame̱yaä mli le̱ ateṅ, ni ameaná ame̱le ake midši Iehowa le. *6,8.

Amos 6:9

Ni aaba mli ake̱, ké̱ ſe̱ hĩĩ nyoṅma ye̱ šĩa kome tete le̱, ame̱agboi kẽ.

Romabii 9:27

Ši Iesaia bo ye̱ Israel hewo̱ ake̱: *“Ké̱ Israelbii le̱ ayibo̱ tamo̱ ṅšo̱nā šia le̱, mei ní †eſe̱ le̱ yiwala aahere. *Ies. 10,22. 23. †Rom. 11,5.

5 Mose 28:62

Ni nyeyi fio ke̱ke̱ aaſe̱, tše̱ sá le̱ nyeyi fá *tamo̱ ṅwei ṅulamii; edšake̱ nyeboo Iehowa, nye-Nyoṅmo̱ le̱, gbē toi. *1,10.

5 Mose 28:63

Ni aaba mli ake̱, bo̱ni Iehowa nyã́ he ake̱ eefenye edšŭrõ ní ehã nyeyi afá le̱, nakai noṅṅ Iehowa *aanyã́ he ake̱ eekpãtã nyehĩe ni efitenye, ni aafãmo̱nye ke̱-adše̱ šikpoṅ ní nyeyaä nyeyaṅõ le̱ no̱ aſie. *Abe̱i 1,26.

5 Mose 4:27

Ni Iehowa aagbe̱nye aſã dšeṅmãdši le̱ amli, ni aaſe̱ nyeteṅ mei fiō ke̱ke̱ ye̱ dšeṅmãdši ní Iehowa aakplanye ke̱-ate le̱ ateṅ.