Amos 4:10 - Ṅmãle̱ Kroṅkroṅ Le̱

¹⁰ Mitšu gbĕle-hela ni tamo̱ *Mizraim nõ le̱ ke̱-ba nyeteṅ, ni mike̱ klante gbegbē nyeblahĩĩ le̱; ni mihã aṅõ nyekpo̱ṅo̱i le̱ anom, ni mihã nyensrai le̱ amli fũdšē le̱ te ši ke̱-babote nyegugõdši amli tete; ni kẽle̱ nyekpaleko ke̱-bako miṅõ! Iehowa kē̱. *2 Mose 3,8.

ŊMALƐ KRƆŊKRƆŊ LƐ

¹⁰ “Mihã gbele hela tamɔ Ijipt hela lɛ bote nyɛteŋ, ni mihã nyɛblahii lɛ nyɔnyɔɔ yɛ ta mli, ni ashɔ̃shɔ̃ɔ nyɛkpɔŋɔi yɛ nyɛdɛŋ kɛtee. Mihã nyɛgbohii ni jwere nyɛnsrai amli lɛ je fu wo nyɛ. Shi fɛɛ lɛ nyɛkpaleko kɛbako miŋɔɔ.”

Amos 4:10 ပူးပေါင်းရင်းမြစ်များ

2 Maŋtsɛmɛi 10:32

Nakai gbĩĩ le̱ amli Iehowa hã Israel te̱ no̱ bõi tšemo̱; ni *Hazael tſiaame̱ nii ye̱ Israel kpokpai le̱ fẽ no̱, *8,12.

2 Maŋtsɛmɛi 13:3

Ni Iehowa mli wo Israel la, ni dāne̱ etuo̱ame̱ ewoo *Hazael, Aram maṅtše̱ le̱, ke̱ ebi Ben-Hadad deṅ. *10,32.

2 Maŋtsɛmɛi 13:7

Tše̱ eſe̱e̱ maṅ le̱ mli eko ehãã Iehoahaz, ake̱ dša okpo̱ṅo̱iatše̱mei nyoṅmai-enumo̱ ke̱ ſīlii nyoṅma ke̱ naneno̱nyielo̱i akpei-nyoṅma; edšake̱ Aram maṅtše̱ le̱ eplenēame̱ ni efeame̱ tamo̱ ṅmā̃gbēmo̱ mlu.

2 Maŋtsɛmɛi 8:12

Ni Hazael kē̱: Mẽhewo̱ minuṅtšo̱ fóo̱? Ni ehere no̱ ake̱: Edšake̱ mile efõṅ ni *obafe Israelbii le̱: ame̱mãdši ni he wa le̱ obamãmo̱ nā la, ni ame̱blahĩĩ le̱ oke̱ klante bagbeame̱, ni ame̱bii fufo̱bii le̱ ooṅõame̱ otſĩa ši, ni ame̱yeiho̱lo̱i le̱ oogblagbla ame̱mli! *10.32.

2 Mose 10:27

Ši Iehowa wadše Farao tšui, ni ekplẽẽ ake̱ ameya. 4,21.

2 Mose 10:3

Ni Mose ke̱ Aaron te Farao ṅõ, ni ame̱yakē̱le̱ ake̱: Bo̱ni Iehowa, *Hebribii a-Nyoṅmo̱ le̱, kē̱ ne̱: Mẽ beyino̱ po ookplẽ ní oba ohe ši ye̱ mihĩe? Hã mimaṅ le̱ aya, ní ame̱yasúmo̱mi. *5,3.

2 Mose 14:4

Ni *mawadše Farao tšui, ní etiuame̱, †ni mawo mihĩe nyam ye̱ Farao ke̱ eta mū le̱ fẽ no̱, koni Mizraimbii aná ale ake midši Iehowa le̱. Ni amefe nakai. *4,21. †9,16. Ezek. 28,22.

2 Mose 15:26

ni ekē̱: Ke̱dši oobo Iehowa, o-Nyoṅmo̱ le̱, gbē toi, ni oofe noni dša gbe̱ ye̱ ehĩe, ni oobo ekitãi le̱ atoi, ni ooye ekpoi le̱ fẽ no̱ le̱, no le̱ *helai le̱ ní mike̱ba Mizraimbii ano̱ le̱, mike̱ ekomeflo baṅ ono̱; edšake̱ midši Iehowa †otšalo̱ le̱. *5 Mose 7,15. †5 Mose 32,39. Mat. 9,12.

2 Mose 8:19

Ke̱ke̱ ni ṅkũnyāyelo̱i le̱ kē̱ Farao ake̱: *Ene̱ le̱ Nyoṅmo̱ wao ne̱! Ši †awadše Farao tšui, ni ebooame̱ toi, boni Iehowa ewie le̱. *14,25. †4,21.

2 Mose 9:12

Ni Iehowa wadše Farao tšui, ni ebooame̱ toi, take̱ bo̱ni Iehowa ke̱ Mose ewie le̱. 4,21.

2 Mose 9:17

Okã he ōwó ohe no̱ ye̱ mimaṅ le̱ no̱ kẽ ake̱ ohãã ameya.

Yesaia 34:3

Ni *aaše̱re̱ ame̱mei ni enyõnyõi le̱ aſĩe, ni ame̱gbohĩĩ le̱ aadše fũ, ni gõdši le̱ aasĕre ke̱ ame̱lá le̱. *14,19.

Yesaia 50:11

Na, nyefẽ ní nyeše̱reo̱ la, ní nyeke̱ gãimlibii ni tšoo̱ bo̱leo̱ nyehe le̱, nyeyaä nyelalile̱i ke̱ gãimlibii ni tšoo̱ ní nyeše̱re le̱ amli! Mideṅ nyeaná ene̱ ke̱-adše̱, aw̌ere̱hō mli nyeakãmo̱ ši ye̱!

Yesaia 9:12

[13.] Ši maṅ le̱ ekũũ ese̱ ebaa moni yile̱ le̱ ṅõ, ni ame̱taoo Iehowa Zebaot se̱gbe̱ hũ.

Yesaia 9:13

[14.] Hewo̱ le̱ Iehowa *aafo yitšo ke̱ lei, pãmpã ke̱ gãlã gbĩ kome ye̱ Israel. *10,3.

Yesaia 9:17

[18.] Ši efõṅfemo̱ tšoo̱ tamo̱ la, ešãa kpitikpitii ke̱ ṅmeii, ehereo̱ ye̱ kõ-hayīi amli, ni elasũ teo̱ ši kpī ke̱-yaä ṅwei.

Yeremia 11:22

Nohewo̱ le̱ bo̱ni Iehowa Zebaot kē̱ ne̱: Na, mibawoame̱ nyõmo̱ kẽ: oblahīĩ le̱ aagboi ye̱ klante nā, ame̱bihĩĩ ke̱ ame̱biyei le̱ aagboi ke̱ hõmo̱,

Yeremia 15:3

Ni mahã *nibii sro̱toi edſe̱ aba ame̱no̱, Iehowa kē̱: Klante ní ake̱-agbe-ame̱, ke̱ gbēí ní aašãtãame̱, ke̱ ṅwei lofõdsi ke̱ šikpoṅ no̱ koloi ní aayeame̱ ní ame̱kpãtã ame̱hĩe. *Ezek. 14,21.

Yeremia 16:4

Gbĕle-hela ní pīo̱ mo aagbeame̱, afeṅ ame̱yăra ni afũṅame̱ hũ: ame̱atšṍ tumu ye̱ šikpoṅ le̱ no̱, ni ame̱aplenē ye̱ klante ke̱ hōmo̱ nā, ni ame̱gbohĩĩ le̱ aatšṍmo̱ ṅwei lofõdši ke̱ šikpoṅ no̱ koloi aniyenii.

Yeremia 18:21

Nohewo̱ le̱ dšiemo̱ ame̱bii le̱ ohã hõmo̱, ni otuame̱ owo klante deṅ, ni akpakpā ame̱ṅãmei le̱ abii ye̱ ame̱he, ni ame̱tšṍmo̱ okũlafoi, ni gbĕle agbe ame̱wùmei le̱, ni ame̱blahĩĩ le̱, abãmo̱ame̱ klante ye̱ ta mli!

Yeremia 48:15

Afite Moab, ni akwo̱ ke̱bote emãdši le̱ amli, ni eblahĩĩ nī ahala le̱ ekpleke ši ke̱-te gbẽ, maṅtše̱ le̱, mo gbe̱i ní dši Iehowa Zebaot le̱ kē̱.

Yeremia 49:26

Nohewo̱ le̱ eblahĩĩ le̱ aanyõnyõi ye̱ eblohũi le̱aṅ, ni aaplenē hĩĩ tawulo̱i le̱ fẽ ye̱ no gbĩ le̱ no̱, Iehowa Zebaot kē̱;

Yeremia 5:3

Iehowa, ani dšee ano̱kwayeli he ohĩṅme̱ii kã? *Otſiaame̱ nii, ši ewaa amehe; oplenēame̱, ši ame̱kplẽẽ tšo̱semo̱; †ame̱wadše ame̱hĩeaṅ fè te̱sā; ame̱kplẽẽ kpalemo̱ kwrā. *2,30. †Ies. 48,4.

Yeremia 6:11

Hewo le̱ Iehowa mlila le̱ eyimi obõ, etomi ke̱ nātsĩ. Fo̱semo̱ oſie gbe-kẽbii ni yo̱ blo̱hũiaṅ le̱ ke̱ oblahĩĩ asafo le̱ fẽ no̱ šikome; edšake̱ abamõ nū ke̱ eṅã, nūmo ke̱ moni eye gbĩĩ fẽ.

Yeremia 9:22

Kē̱mo̱ ake̱: Bo̱ni Iehowa kē̱ ne̱: Gbomei *agbohĩĩ aaſie ši tamo̱ ṅmõ mli tumu, lo tamo̱ ṅmā̃ nyaṅkũi ye̱ ṅmā̃kpalo̱i ase̱, ni mokomoko be̱ ní aabua nā! *7,33.

Hosea 11:5

Ekũṅ ene̱ ke̱-yaṅ Mizraim šikpoṅ le̱ no̱ doṅṅ, ši Ašur dši emaṅtše̱; edšake̱ ame̱kplẽẽ se̱kū̃.

Yoel 2:20

Ni *kōyigbe̱nyo le̱, matšile̱ ke̱-adše̱ nyehe ke̱-ate šoṅṅ, ni maſiele̱ ke̱-ate šikpoṅ gbĩṅ ke̱ amaṅfõ le̱ no̱, ehĩe-ta le̱ aate bokãgbe̱ ṅšo̱ le̱ mli, ni ese̱-ta le̱ aate anaigbe̱ ṅšo̱ le̱ mli, ni esãdšã le̱ aate ši, hē̃, efũdšē le̱ aate ši; edšake̱ efe nibii wudši! *1,4. 6.

3 Mose 26:16

mi hũ noni mafenye ne̱: mike̱ tšuifā̃ sane ke̱ hela ní wa ke̱ fulu aabaſie nyeno̱, ní aahã nyehĩṅme̱ii afite, ni nyetšui asu; ni nyeadũ nyedũmo̱nii yakatſā, edšake̱ nyehenye̱lo̱i moṅ baye.

3 Mose 26:25

Ni mike̱ *oweletō̱-klante aaba nyeno̱ ní eto̱ mikpãṅmo̱ le̱ he owele; ni ké̱ nyebua nyehe nā ye̱ nyemãdši le̱ amli le̱, mahã gbĕle-hela aba nyeteṅ, ni aaṅõnye awo henyelo̱ le̱ deṅ; *Ies. 1,20.

Amos 4:6

Ni mi hũ mihãnye nyãnyõdši ano̱ tšemo̱ ye̱ nyemãdši fiā-kwa mli, ke̱ abolo hõmo̱ ye̱ nyehĩle̱hei le̱ fẽ; ni kẽle̱ nyekpaleko ke̱-bako miṅõ! Iehowa kē̱.

Amos 8:3

Ni Nyoṅmo̱ we le̱ lalai le̱ aatšṍ lelewo̱mo̱ ye̱ nakai gbĩ le̱ no̱, Nuṅtšo̱ Iehowa kē̱. Gbohĩĩ le aafá, ni aaše̱reame̱ aſie hefẽhe *diṅṅ! *6,10.

Hagai 2:17

*Mike̱ ṅmā̃ šā̃ ke̱ ṅălãmo̱ ke̱ nyoṅmo̱ṅte̱ tſianye ye̱ nyeninenā nitšumo̱i fẽ mli; kẽle̱ nyekpalee ke̱-baa miṅõ! Iehowa ke̱. *1,11.

5 Mose 28:21

Iehowa aahã gbĕle-hela akpe̱te̱ ohe, ke̱-yaši beyino̱ ní eetã oyi ye̱ šikpoṅ ní oyaä ní oyaṅõ ake̱ onõ le̱ no̱.

5 Mose 28:22

Iehowa aaha lōtā̃-wulo̱mo̱ ke̱ atiridī ke̱ fulu ke̱ he-ladō̱ ke̱ klante ke̱ latšā ke̱ *nibii aṅãlãmo̱ aba ono̱, ni ame̱anyie ose̱ ke-yaši beyino ní ohĩe aakpãtã. *1 Maṅ. 17,7.

5 Mose 28:60

ni eehã *Mizraim tšẽṅemo̱ helai ní ošeo le̱ fẽ aba ono̱, ni ame̱aka ohe. *K. 27.

5 Mose 7:15

Ni Iehowa aako̱ ohela-fẽ-hela aše̱ afõ, ni eṅõṅ Mizraim helai fõdši ní ole le̱ ekomeflo efõṅ ono̱; ši moṅ eeṅõ-ſie ohenye̱lo̱i le̱ fẽ ano̱.