Bɔfoi 9:31 - Ṅmãle̱ Kroṅkroṅ Le̱

³¹ Agbe̱ne̱ le̱ asafo le̱ ná hedšo̱le̱ ye̱ Iudea ke̱ Galilea ke̱ Samaria ſẽ, ni enane mõ ši, ni enyieo̱ ye̱ Nuṅtšo̱ le̱ gbeyeišemo̱ mli, ni eke̱ Mumo̱ kroṅkroṅ mīše̱dšemo̱ le̱ ſereo̱.

ŊMALƐ KRƆŊKRƆŊ LƐ

³¹ Agbɛnɛ asafo lɛ na hejɔlɛ yɛ Yudea kɛ Galilea kɛ Samaria fɛɛ, ni enane mɔ shi, ni enyiɛɔ yɛ Nuŋtsɔ lɛ gbeyeishemɔ mli, ni ekɛ Mumɔ Krɔŋkrɔŋ miishɛjemɔ lɛ shwereɔ.

Bɔfoi 9:31 ပူးပေါင်းရင်းမြစ်များ

1 Kronika 22:18

Nto Iehowa, nye-Nyoṅmo̱ le̱, kenye ye̱, ni *ehã nyehe edšo̱nye ye̱ hefēhe ke̱-kpe? edšake̱ etu šikpoṅ le̱ no̱ bii le̱ fẽ ewo mideṅ, ni aba šikpoṅ le̱ ši ye̱ Iehowa ke̱ emaṅ le̱ hĩe. *K. 9. Yi. 29,25.

1 Kronika 22:9

Na, abafo̱ binū ko ahão, le̱ le̱ ebafe hedšō̱mo̱-gbomo, ni mahã ehe adšo̱le̱ ye̱ ehenye̱lo̱i ni bo̱lele̱ le̱ fẽ adeṅ; edšake̱ aatšē̱le̱ Salomo, ni mahã Israel hedšo̱le̱ ke̱ toiṅdšo̱le̱ ye̱ eyino̱;

Nehemia 5:15

Ši sá amraloi le̱ ni nyie mihĩe le̱ waä maṅ le̱ yi, ni ame̱heo̱ abolo ke̱ wein ye̱ ame̱dẽ, sŏro dſie̱te̱ĩ šekelinyoṅmai-edſe̱ le̱ hũ; ame̱webii le̱ tete yeo̱ maṅ le̱ no̱. Ši mi le̱, Nyoṅmo̱ gbeyeišemo̱ hewo̱ le̱ mifee nakai.

Nehemia 5:9

Ni misā mikē̱: Noni nyefeo̱ ne̱ ehĩĩ! Ani esaa ake̱ nyenyieo̱ ye̱ wo̱-Nyoṅmo̱ le̱ gbeyeišemo̱ mli, ye̱ dšeṅmãdši ní dši wo̱henye̱lo̱i le̱ ahora ní ame̱-abo̱wo̱ le̱ hewo̱ lo?

Hiob 28:28

Ni ekē̱ gbomo ake̱: Na, Nuṅtšo̱ le̱ gbeyeišemo̱ le̱, no dši nilē, ni efõṅ hedšē dši dſẽṅmo̱! Lal. 111,10. Abe̱i 1, 7.

Lalai 111:10

Iehowa gbeyeišeme̱ dši nilē šišidšē, mei fẽ ni yeo̱ no̱ le̱ náa se̱yōmo̱ kpakpa; eyidšiemo̱ le̱ hĩo̱ ši ke̱-yaä nāno̱. Abe̱i 1,7.

Lalai 86:11

Iehowa, tšõmo̱mi ogbe̱ le̱, manyie ono̱kwale le̱ mli; femo̱ mitšui ekome, ní maše ogbe̱i le̱ gbeyei! Lal. 27,11.

Lalai 94:13

beni afe ni ohã ehe adšo̱le̱ ye̱ fĩmo̱ gbĩĩ amli, ke̱-yaši beyino̱ ni aatša bu ahã mofõṅ le̱! Lal. 37,7.

Abe̱i 1:7

*Iehowa gbeyeišemo̱ dši nilẽ šišidšē; ši kwašiai gbeo̱ nilẽ ke̱ tšo̱semo̱ he guo̱. *9,10. Lal. 111,10. Hiob 28,28.

Abe̱i 23:17

Kāhã otšui hĩe mīkõ ešafelo̱i ano̱, ši moṅ hĩemo̱ Iehowa gbeyeisemo̱ mli dāne̱.

Abe̱i 8:13

Iehowa gbeyeišemo̱ dši ake̱ anye̱ efõṅ; hewo ke̱ hetšṍmo̱ ke̱ dšeṅba fõṅ ke̱ kũtũmpo̱o nābu le̱ mīnye. 6,12-19.

Yesaia 11:10

Ni aaba mli ye̱ nakai gbĩ le̱ no̱ ake̱ *Išai šišifã ní dši aflaṅā ní aši ahã mãdšimãdši le̱, no se̱gbe̱ dšeṅmãdši le̱ aatao, ni ehedšō̱mo̱he le̱ hĩe aaba nyam. *Rom. 16,12.

Yesaia 33:6

Ni šifĩmo̱ aaba ye̱ oyino̱ le̱, ke̱ yiwalaheremo̱ ke̱ ṅā ke̱ nilē babaō; Iehowa gbeyeišemo̱ dši edſetri.

Zakaria 8:20

Noni Iehowa Zebaot kē̱ ne̱: Aakã he aba mli ake̱ mãdšimãdši ke̱ mãdši pī amli bii aaba,

Bɔfoi 12:24

Ši Nyoṅmo̱ wiemo̱ le̱ ſere ni ete no̱. 6,7. Ies 55,11.

Bɔfoi 16:5

Agbe̱ne̱ asafoi le̱ ná hewale̱ ye̱ hemo̱-ke̱-yeli mli, ni ame̱yi fáa dāne̱.

Bɔfoi 2:47

ni ame̱dšieo̱ Nyoṅmo̱ yi, ni ame̱hĩe ba nyam ye̱ maṅ mū le̱ fẽ hĩe. Ni Nuṅtšo̱ le̱ *ṅõo̱ mei ní ahere ame̱yiwala le̱ efataä asafo le̱ he gbĩ-fẽ-gbĩ. *4,4; 5,14; 11,21; 14,1.

Bɔfoi 20:32

Ni agbe̱ne̱ le̱, enyemimei, mītunye mīwo Nyoṅmo̱ ke̱ edromo̱ wiemo̱ le̱ deṅ, le̱ eyo̱ hewale̱ ní eke̱-ahã nyenane amõ ši ní eke̱ wo̱fasenii le̱ ahãnye ye̱ mei ſẽ ní atšū ame̱he le̱ ateṅ.

Bɔfoi 5:11

Ni gbeyei kpeteṅkple mõ asafo mū le̱ fẽ ke̱ mei fè ni nu nii ne̱.

Bɔfoi 6:7

Ni *Nyoṅmo̱ wiemo̱ le̱ ſere, ni kaselo̱i le̱ ayi bafá babaō dientše̱ ye̱ Ierusalem; ní oso̱foi le̱ tete ateṅ mei pī boo̱ hemo̱-ke̱-yeli le̱ toi. *19,20.

Bɔfoi 8:1

Ši egbē le̱ ṅõ *Saulo hũ nā. — Ni nakai gbĩ le̱ no̱ noṅṅ le̱ yiwale̱ kple te ši wo asafo ní yo̱ Ierusalem le̱; ni ame̱fẽ †ame̱gbe̱ ame̱ſã Iudea ke̱ Samaria niiaṅ, dša bo̱foi le̱ ke̱ke̱ ſe̱. *7,58. †11,19.

Romabii 14:17

Edšake̱ Nyoṅmo̱ maṅtše̱yeli le̱ dšee niyeli ke̱ numo̱ ni, ši moṅ dšale̱ ke̱ hedšo̱le̱ ke̱ Mumo̱ kroṅkroṅ mli mīše̱ ni; Luk. 17,20.

Romabii 14:19

Nohewo̱ le̱ agbe̱ne̱ nyehãa wo̱tina hedšo̱le̱ nibii ke̱ nibii ní wo̱ke̱-ahã wo̱nanemei anane amõ šĩ moṅ. 12,18; 15,2.

Romabii 15:13

Ši no̱hĩekãmo̱ Nyoṅmo̱ le̱ ke̱ mīše̱ ke̱ hedšo̱le̱ fẽ awonye obõbō̃bõ ye̱ hemo̱-ke̱-yeli mli, koni nyená hĩeno̱kãmo̱ ní ateke no̱ ye̱ Mumo̱ kroṅkroṅ hewale̱ mli.

Romabii 5:5

ni *no̱hĩekãmo̱ le̱ woo mo hĩe-gbĕle; edšake̱ atšṍ Mumo̱ kroṅkroṅ ní aṅõ-hãwe̱ le̱ no̱ afo̱se Nyoṅmo̱ suomo̱ awo wo̱tšuii amli. *Heb. 6,18. 19.

1 Korintobii 14:12

Gbĩĩ abo̱ ní nyehĩe do̱ō̱ ye̱ mumo̱ṅnii ahe le̱, nakai noṅṅ nyetaoa koni nyeteke no̱ ni asafo le̱ nane amõ ši. K. 1-4.

1 Korintobii 14:26

Bĕle̱ meniṅ mo̱, anyemimei? Ké̱ *nyenā bakpe ši, ni nyeteṅ moko ye̱ lala ko, moko hũ †ye̱ tšõmo̱ ko, moko ye̱ lile̱i sro̱to ko, moko ye̱ kpodšiemo̱ ko, moko ye̱ šišitšõmo̱ ko le̱: nyehãa afea fẽ **bo̱ni mei anane aamõ ši. *11,18. 20. †12,8-10. **Ef. 4,12.

2 Korintobii 10:8

Edšake̱ ké̱ ſā̃ po *maſã ke̱-teke no̱ ye̱ †wo̱hegbe̱ ní Nuṅtšo̱ le̱ ehãwo̱ ní wo̱ke̱-hã nyenane amõ ši ni dšee ake̱ wo̱ke̱-wulenye hewo̱ dšiṅṅ, mihĩe gboṅ, *12,6. †1 Kor. 5,4. 5.

2 Korintobii 12:19

Asaṅ nyesusuo̱ ake̱ wo̱he nā so̱ṅṅ wo̱dšieo̱ wo̱tšõo̱nye ne̱ lo? Nyoṅmo̱ hĩe wo̱wieo̱ ye̱, ye̱ Kristo mli, ši, suomo̱mei, nii ne̱ fẽ le̱, nyenanešimõmo̱ hewo̱ wo̱wieo̱.

2 Korintobii 13:10

Nohewo̱ hũ ni miṅmã ene̱ beni mibe̱ nyeṅõ le̱, *koni ké̱ miba nyeṅõ le̱, mike̱nye akaye wä, ye̱ †hegbe̱ ní Nuṅtšo̱ le̱ ehãmi ye̱ sāmo̱ ni dšee fitemo̱ hewo̱ le̱ nā. *10,11. †10,8.

2 Korintobii 7:1

Agbene̱, nye mei ní asumoo̱nye, ake̱ noni wó̱ná ne̱ke̱ šiwōi ne̱ hewo̱ le̱, nyehãa wo̱tšūa wo̱he ke̱-dše̱a helo ke̱ mumo̱ fẽ he mũdši mli, ni wo̱gbe hetšemo̱ nā ye̱ Nyoṅmo̱ gbeyeišemo̱ mli.

Efesobii 4:12

koni aṅõ-sã hetšelo̱i le̱ ahã sũomo̱ nitšumo̱ le̱, ke̱ Kristo gbomotšo le̱ tſā; 1 Pet. 2,5.

Efesobii 4:16

le̱ emli gbomotšo mũ le̱ fẽ mõmoo̱ ehe šimo̱šimoo̱ ehe no̱ ni etšõo̱ noni dše̱o̱ talo̱-fẽ-talo̱ mli le̱ no̱ etšratšraä ehe no̱ ye̱ henõ-fẽ-henõ nitšumo̱ susumo̱ le̱ nā, ni ehãa gbomotšo le̱ daä, ni emãa ehe ye̱ suomo̱ mli. Kol. 2,19.

Efesobii 4:29

*Wiemo̱-ša-ko-wiemo̱-ša-ko akadše nyenã kwrã; ši moṅ †wiemo̱ ni hī ni ehīa, koni ehã mo nane amõ ši, ni ake̱-dro mei ni nuo̱ le̱. *5,4. †Kol. 3,16. 17; 4,6.

Efesobii 5:21

ni nyebabaä nyehe ši nyehãa nyehe ye̱ Kristo gbeyeišemo̱ mli, 1 Pet 5,5.

5 Mose 12:10

Ši ke̱ nyefo Iordan ní nyeyahĩ šikpoṅ ní Iehowa, nye-Nyoṅmo̱ le̱, ṅõ-hãanye ake̱ nyenõ le̱ no̱, ni ehãnye hedšō̱mo̱ ke̱-dše̱ nyehenye̱lo̱i fẽ ní ebo̱lenye ke̱-kpe le̱ deṅ, ni nyehĩ ši ſeſēſe le̱, 1 Maṅ. 5,6.

Filipibii 2:1

Nohewo̱ le̱ ké̱ Kristo mli wiemo̱-ke̱-tšõmo̱ ko ye̱, ké̱ suomo̱ mĩše̱dšemo̱ ko ye̱, ké̱ mumo̱ṅ nanyobó̱ ko ye̱, ké̱ mũ-sũṅtšõle̱ ke̱ mo̱bo̱nale̱ ko ye̱ le̱,

Kolosebii 1:10

koni nyenyie bo̱ni sa Nuṅtšo̱ le̱ ni asa ehĩe kwrā, ni nyewo yibii ye̱ nitšumo̱ kpakpa-fẽ-nitšumo̱ kpakpa mli, Ef. 4,1. Fil. 1,27.

1 Tesalonikabii 5:11

Hewo̱ le̱ nyetšé̱a nyetšui nyeṅmẽa nyemli, ni *mo ahã enanyo nane amõ ši, take̱ bo̱ noṅṅ ni nyefeo̱ le̱. *Iud. 20.

1 Timoteo 1:4

ni asaṅ ame̱kadi *adesãi ke̱ weku-šišitšõmo̱ tšralā le̱ se̱, edšake̱ ene̱mei ke̱ ṅwanedšē baä fè Nyoṅmo̱ tšumā̃ ní yo̱ hemo̱-ke̱-yeli mli le̱, nakai fai mikpaäo ekoṅ. *4,7.

Hebribii 4:9

Nohewo le̱ hedšō̱mo̱gbĩyeli ko kã ši kẽ hã Nyoṅmo̱ maṅ le̱.

Yoshua 21:44

Ni Iehowa hãame̱ hedšē̱mo̱ ke̱-kpe, take̱ bo̱ni ekã ame̱tše̱mei le̱ akitã le̱ pe̱pē̱pe̱; ni ame̱henye̱lo̱i le̱ ateṅ mokomoko nyẽẽ ame̱hĩe adamo̱; ame̱henye̱lo̱i le̱ fẽ le̱, Iehowa tuame̱ ewo ame̱deṅ.

Yuda 1:20

Ši, suomo̱mei, nye le̱ *nyehāa nyenane amõa ši ye̱ nyehemo̱-ke̱-yeli ni yo̱ kroṅkroṅ fè fẽ le̱ no̱, ni nyeso̱lea ye̱ Mumo̱ kroṅkroṅ le̱ mli, *Kol. 2,7. 1 Tes 5,11.

Kojolɔi 3:30

Ni aba Moab ši ye̱ nakai gbĩ le̱ no̱ awo Israel nine šiši. Ni šikpoṅ le̱ no̱ dšo̱ afii nyoṅmai-kpānyo̱.