Bɔfoi 4:31 - Ṅmãle̱ Kroṅkroṅ Le̱

³¹ Ni beni ame̱so̱le le̱, heni ame̱nā ebakpe ši ye̱ le hoso, ni Mumo̱ kroṅkroṅ yimo̱ ame̱fẽ ame̱mli obõbõ, ni ame̱ke̱ ekã dšadše Nyoṅmo̱ wiemo le.

ŊMALƐ KRƆŊKRƆŊ LƐ

³¹ Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

Bɔfoi 4:31 ပူးပေါင်းရင်းမြစ်များ

Yesaia 65:24

Ni aaba mli ake̱, dãni ame̱atšé̱mi le̱, mihere no̱; ni beni ame̱wieo̱ lolo le̱, mabo toi! 30,19; 58,9.

Mateo 21:22

Ni nofẽno ni nyeaso̱le nyebi ke̱ hemo̱-ke̱-yeli le̱, nyenine aaše̱ no̱.

Yohane 14:12

Le̱le̱ṅ, le̱le̱ṅ, mīkē̱nye ake̱: Moni heo̱ mino̱ yeo̱ le̱, nitšumo̱i ni mitšuo̱ le̱, le̱ hũ eetšu, ni eetšu nii ní fè nomei tete, edšake̱ miya tše̱ le̱ ṅõ, Mar. 16,19. 20.

Yohane 15:16

Dšee nye nyehalami, ši mi moṅ mihalanye, ni mitonye koni nye hũ nyeya ni nyeyawo yibii, ni nyeyibii le̱ ahĩ ši, koni nofẽno he fai ní nyeakpa tše̱ le̱ ye̱ migbei ano̱ le̱, eṅõ-hãnye.

Yohane 15:7

Ke̱dši nyehĩ mimli ni miwiemo̱i le̱ hĩ nyemli le̱, nyeakpa nofẽno ní nyetaoo̱ he fai, ni aafe aahãnye. Mar. 11,24.

Bɔfoi 14:3

Ši ame̱tše̱ ye̱ dše̱i kẽ ní ame̱ke̱ ekã wie Nuṅtšo̱ he, ni le̱ hũ eye edromo̱ wiemo̱ le̱ he odase ni ehã atšṍ ame̱nine no̱ afe *okadii ke nākpenii pī. *19,11. Heb. 2,4.

Bɔfoi 2:1

Ni beni *Pentekoste gbĩ (alo gbĩ ní dši nyoṅmai-enumo̱) le̱ še̱ le̱, ame̱fẽ ame̱nā bakpe ši ke̱ dſẽṅmo̱ kome ye̱ hekome. *3 Mose 23,15-21. Bo̱f. 1.14.

Bɔfoi 2:2

Ni trukā le̱ gbē̱mo̱ ko ní tamo̱ ahum ni tſaä wā dše̱ ṅwei ba, ni ebayi šĩa heni ame̱trá le̱ fẽ obõ.

Bɔfoi 2:4

ni Mumo̱ kroṅkroṅ bayimo̱ ame̱fẽ ame̱mli obõbõ, ni ame̱bõi wiemoi sro̱toi-sro̱toi awiemo̱, take̱ bo̱ni Mumo̱ le̱ ṅõ-wo ame̱nā le̱. 10,44-46.

Bɔfoi 4:13

Agbe̱ne̱ beni ame̱na Petro ke̱ Iohane ekã le̱ ni ame̱yo ake̱ dšee woloṅlelo̱i ke̱ nilelo̱i komei dšiame̱ le̱, efe ame̱hĩe yā, ni ame̱ko̱ se̱ ake̱ ame̱ke̱ Iesu hĩ ši.

Bɔfoi 4:29

Ni agbene hũ, Nuṅtšo̱, kwe̱mo̱ ame̱he gbeyei ní ame̱woo̱ le̱, ni ohã otšũdši le̱ ke̱ ekã pī adšadše owiemo̱ le̱, Ef. 6,19.

Filipibii 1:14

ni nyemimei ni yo̱ Nuṅtšo̱ le̱ mli le̱ ateṅ mei babaõ etšo mikpãi le̱ ano̱ ená ekā̃ babaõ fè tšutšu le̱ ke̱-mīdšadše Nyoṅmo̱ wiemo̱ le̱ ni ame̱šee gbeyei.

Filipibii 1:20

ye̱ migbe̱kwe̱mo̱ ke̱ no̱hĩekãmo̱ le nā, ake̱ mihĩe gboṅ ye̱ nokonoko mli, ši moṅ, bo̱ni afeo̱ dã le̱, nakai agbe̱ne̱ hũ ake̱ ekā̃ fẽ aawo Kristo hĩe nyam ye̱ migbomotšo mli, ye̱ wala mli dšio, gbĕle mli dšio. 1 Pet. 4,16.

Yakobo 1:5

Ši ké̱ nilē eſe̱ nyeteṅ moko le̱, *ékpa Nyoṅmo̱ ni hãa mei fẽ fā ni ewiee moko hĩe le̱ fai, ni aaṅõ-hãle̱. *Abe̱i 2,3-6.