Bɔfoi 28:8 - Ṅmãle̱ Kroṅkroṅ Le̱

⁸ Ši eba mli ake̱ atridī ke̱ fo̱-ke̱-lá emõ Publio tše̱ ke̱-kã ši; ni Paulo te eṅõ, ni eso̱le eṅõ enidši eſie eno̱ ni etšále̱.

ŊMALƐ KRƆŊKRƆŊ LƐ

⁸ Eba mli akɛ Publio tsɛ kã shi kɛ atridii kɛ fɔ kɛ la wamɔ; ni Paulo tee eŋɔɔ, ni esɔle ekɛ eniji shwie enɔ ni etsa lɛ.

Bɔfoi 28:8 ပူးပေါင်းရင်းမြစ်များ

Mateo 10:1

Ni etšé̱ ekaselo̱i nyonma ke̱ enyo̱ le̱ ke̱-ba, ni ehãame̱ mumo̱i fõdši le̱ ano̱ hegbe̱ ake̱ ame̱fãmo̱ame̱ ní ame̱tšá hela-fẽ-hela ke̱ hedšramo̱-fë-hedšramo̱.

Mateo 10:8

Nyetšáa helatše̱mei, nyehãa kpitiyelo̱i ahe atšea, nyetēa gbohĩĩ aši, nyefãmo̱a daimonioi; yaka nyená, yaka nyeṅõ-hãa! Bo̱f. 20,33.

Mateo 12:13

Ke̱ke̱ ni ekē̱ nū le̱ ake̱: Kpa onine le̱ mli! Ni ekpã mli, ni eye emū tamo̱ ekome le̱.

Mateo 9:18

Beni ewieo̱ wiemo̱i ne̱ etšõo̱ame̱ le̱, na, onukpa ko ba bakotole̱ ekē̱: Mibiyō édše mli amrõ ne̱; ši ba ní obaṅõ onine oṅmẽ eno̱, ni ehĩe atsẽ.

Marko 16:18

*ame̱ahole onũfũi; ni ke̱dši ame̱nu noko ní gbeo̱ mo le̱, efeṅame̱ efõṅ ko; †ame̱aṅõ ame̱nidši ame̱ſie helatše̱mei ano̱, ni ame̱he aawaame̱. *Luk. 10,19. Bo̱f. 28,3-6. †Iak. 5,14. 15.

Marko 5:23

ni ekpale̱ fai āhũ ekē̱ ake̱: Gbo mibiyō fiō heo̱ agbo ne̱; hewo̱ le̱ ba ni oke̱ *onidši abaſie eno̱, ní ehe awale, ní eyi aná wala. *7,32.

Marko 6:5

Ni enyẽẽ hewale̱-nitšumo̱ ko etšu ye̱ dše̱i, ake̱ dša noni eṅõ enidši eṅmẽlẽ helatše̱mei fiō ko no̱ ni etšáame̱ le̱.

Marko 7:32

Ni ake̱ moko ni mũo̱ toi ni mumui hũ dšile̱ ba eṅõ, ni ame̱kpale̱ fai koni eṅõ *enine eṅmẽ eno. *5,23.

Luka 13:13

Ni *eke̱ enidši ſie eno̱, ni amrõ le̱ noṅṅ le̱ edšadše trõmō̃, ni ewo Nyoṅmo̱ hĩe nyam. *Mar. 7,32.

Luka 4:40

Ni beni hũlũ nyo ši le̱, mei fẽ ní yo̱ mei ní helai sro̱toi hĩeame̱ le̱ ke̱ame̱ ba eṅõ; ni eṅõ enidši eſie ame̱fẽ ame̱no̱ ekomekome ni etšáame̱.

Bɔfoi 28:7

Ši ṅšo̱kpo̱ le̱ no̱ onukpa ní atšé̱o̱le̱ Publio le̱ ye̱ trom ko ye̱ dše̱i niiaṅ; le̱ eherewo̱ hĩemẽ ni eke̱ tšuidšŭrõ fewo̱ gbo̱ gbĩĩ etẽ so̱ṅṅ.

Bɔfoi 28:9

Agbe̱ne̱ beni afe ene̱ le̱, meikrokomei hũ ní he yeo̱ ye̱ ṅšo̱kpo̱ le̱ṅ le̱ ha, ni atšáame̱.

Bɔfoi 9:40

Ni Petro ſie ame̱fẽ ke̱-dše kpo, ni ekũla ši eso̱le, ni etšṍ ebe ke̱-te gbonyo le̱ ṅõ ekē̱: Tabita, *te ši! Ni egble ehĩṅme̱ii, ni beni ena Petro le̱, eho etá ši. *Mar. 5,41.

1 Korintobii 12:28

Ni kleṅkleṅ le̱ Nyoṅmo̱ wo meikomei bo̱foi ye̱ asafo le̱ mli, noni dši enyo̱ le̱, gbalo̱i, noni dši etẽ le̱, tšōlo̱i, no se̱ le̱, hewale̱i, no se̱ le̱, helai-atšámo̱ dromo̱kēnii, yeli-ke̱-buamo̱, no̱yelii, wiemo̱i sro̱toi awiemo̱. Ef. 4,11. 12.

1 Korintobii 12:9

moko le̱, ahãle̱ hemo̱-ke̱-yeli ye̱ nakai Mumo̱ le̱ noṅṅ mli; ni mokroko hũ ahãle̱ tšámo̱ dromo̱kēnii ye̱ nakai Mumo̱ le̱ noṅṅ mli;