Bɔfoi 20:21 - Ṅmãle̱ Kroṅkroṅ Le̱

²¹ ní miye tšuitšakemo̱ ke̱ Nyoṅmo̱ hãmo̱ ke̱ wo̱-Nuṅtšo̱ Iesu Kristo no̱ hemo̱-ke̱-yeli le̱ he odase mitšõ Iudafoi ke̱ Helabii fè le̱.

ŊMALƐ KRƆŊKRƆŊ LƐ

²¹ ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Bɔfoi 20:21 ပူးပေါင်းရင်းမြစ်များ

Mateo 3:2

ni ekē̱ ake̱: Nyetšakea nyetšuii; ši ṅwei maṅtše̱yeli le̱ ebe̱ṅke̱. 4,17.

Mateo 4:17

Ke̱-dše̱ no no̱ le̱ Iesu bōi šie̱mo̱ ni ekē̱: Nyetšakea nyetšuii; ši ṅwei maṅtše̱yeli le̱ ebe̱ṅke̱! 3,2.

Marko 1:15

ni ekē̱: *Be le̱ eše, ni Nyoṅmo̱ maṅtše̱yeli le̱ eninanye: nyetšakea nyetšuiiaṅ, ni nyehea sanekpakpa le̱ nyeyea! *Gal. 4,4.

Marko 6:12

Ni ame̱yiṅ ame̱te, ni ame̱yašie̱ ame̱tšõ mei ake̱ amé̱tšake ame̱tšui.

Luka 13:3

Dabida, ši moṅ mīkē̱nye ake̱, ké̱ *nyetšakee nyetšuii le̱, nyefẽ nyehĩe bakpãtã nakai noṅṅ. *Lal. 7,13.

Luka 13:5

Dabida, ši moṅ mīkē̱nye ake̱, ké̱ nyetšakee nyetšuii le̱, nyefẽ nyehĩe bakpãtã nakai noṅṅ.

Luka 15:10

Nakai noṅṅ, mīkē̱nye ake̱, mīše̱ baä ye̱ *Nyoṅmo̱ bo̱foi le̱ ahĩe ye̱ ešafelo̱ kome ní tšakeo̱ etsui le̱ hewo. *Ef. 3,10.

Luka 15:7

Mike̱nye ake̱, nakai noṅṅ mīše̱ aaba ṅwei ye̱ ešafelo̱ kome ní tšakeo̱ etsui le̱ hewo̱ fè dšalo̱i nyoṅmai-ne̱hū ke̱ ne̱hŭ ní tšuitšakemo̱ ehĩaa-ame̱ le̱.

Luka 16:28

edšake̱ miye̱ nyemimei enumo̱, beni afe ní eyaye odase etšõame̱, koni ame̱ hũ ame̱kaba pīmo̱he ne̱.

Luka 24:47

ní ášie̱ tšuitšakemo̱ ke̱ ešaifā ye̱ egbe̱i le̱ ano̱ atšõ mãdši fẽ, ni abõi ke̱-dše̱ Ierusalem.

Yohane 20:31

ši ene̱mei le̱ aṅmã, koni nyehé nyeye ake̱ Iesu dši Kristo, Nyoṅmo̱ bi le̱, ni ké̱ *nyeheo̱ nyeyeo̱ le̱, ní nyená wala ye̱ egbe̱i le̱ mli, *1 Ioh. 5,18.

Yohane 3:36

Moni heo̱ bi le̱ no̱ yeo̱ le̱, eye nāno̱ wala; ši moni boo bi le̱ toi le̱, ēnaṅ wala, ši moṅ Nyoṅmo̱ mlifũ hĩo̱ eno̱. K. 13.

Bɔfoi 10:43

Le̱ ehe odase *gbalo̱i le̱ fẽ yeo̱, ake̱ mofẽmo ní heo̱ eno̱ yeo̱ le̱ aaná ehe ešai fā ye̱ egbe̱i le̱ ahewo. *Ies. 63,5. 6. Ier. 31,34. Ezek. 31,15. Dan. 9,21.

Bɔfoi 11:18

Ši beni ame̱nu wiemo̱i ne̱ le̱, ame̱bu ame̱nā, ni ame̱wo Nyoṅmo̱ hĩe nyam ame̱kē̱: Bĕle̱ dšeṅmãdši le̱ hũ Nyoṅmo̱ ehãame̱ tšuitšakemo̱ ní ako̱-ahere ame̱yiwala!

Bɔfoi 16:31

Ni ame̱kē̱: Hemo Nuṅtšo̱ Iesu Kristo le̱ no̱ oye, ni aahere oke̱ owe le̱ fẽ yiwala.

Bɔfoi 17:30

Nohewo̱ le̱, *bei ní alee le̱ Nyoṅmo̱ ekũ ehĩe efõ no̱, ši agbe̱ne̱ le̱ †ēwo gbomei fẽ ní yo̱ hefẽhe le̱ kitã ake̱ ame̱tšake ame̱tšai, *14,16. †Luk. 24,47.

Bɔfoi 19:17

Ni beni Iudafoi ke̱ Helabii fẽ ní yo̱ Efeso le̱ nu ene̱ le̱, *gbeyei mõmo̱ ame̱fẽ, ni awo Nuṅtšo̱ Iesu gbe̱i le̱ hĩe nyam naakpa. *5,5. 11.

Bɔfoi 2:38

Ni Petro kē̱ame̱ ake̱: *Nyetšakea nyetšuii amli ní nyeteṅ mofẽmo ahã abaptisile̱ awo Iesu Kristo gbe̱i amli, koni aṅõ nyehe ešai le̱ afanye, ni nyeaná Mumo̱ kroṅkroṅ nõkēnõ le̱. *3,17-19. Luk. 24,17.

Bɔfoi 2:40

Ni ewie wiemo̱i krokomei pī eke̱-ye odase ni eke̱-woame̱ ṅā ake̱: Nyehãa aherea nyeyiwala ke̱-dše̱a *yíne̱ kõdõṅ ne̱ mli. *5 Mose 32,5. Fil. 2,15.

Bɔfoi 20:23

ake̱ dša noni Mumo̱ kroṅkroṅ le̱ yeo̱ odase faṅṅ ye̱ maṅ-fẽ-maṅ no̱ ekē̱o̱ ake̱ kpāi ke̱ amanehŭlũi mẽo̱mi le̱. 9,16; 21,4. 11.

Bɔfoi 20:24

Ši kẽle̱ mibuu ene̱mei ekomeflo, ni miwala hũ mibuu ake̱ edšra wa ye̱ mihĩe, beni afe ní mike̱ mīše̱ agbe migbe̱nyiemo̱ le̱ ke̱ súomo̱ ní miná ye̱ Nuṅtšo̱ Iesu deṅ ake̱ miye Nyoṅmo̱ dromo̱ sanekpakpa le̱ he odase faṅṅ le̱ nā. 21,13.

Bɔfoi 24:24

Ši gbĩĩ kplaṅṅ se̱ le̱ Felike ke̱ eṅã Drusila ní dši Iudayō le̱ ba, ni eha ayatšé̱ Paulo ke̱-ba, koni ebo Kristo no̱ hemo̱-ke̱-yeli he sane le̱ toi.

Bɔfoi 26:18

ní oyagble ame̱hĩṅme̱ii, koni ame̱kpale ke̱-dše̱ duṅ mli ke̱-ba la he, ke̱-dše̱ abonsam hewale̱ mli ke̱-ba Nyoṅme̱ ṅõ, ni ame̱ná ame̱he ešai fã ke̱ *gbošinii ye̱ mei ní ake̱ mino̱ hemo̱-ke̱-yeli efeame̱ kroṅkroṅ le̱ ateṅ. *20,32.

Bɔfoi 26:20

ši moṅ midšadše mitšõ mei ní yo̱ Damasko le̱ tšutšu, ke̱ mei ní yo̱ Ierusalem ke̱ Iudea šikpoṅ le̱ no̱ fē, ke̱ dšeṅmãdši le̱ hũ, ake̱ ame̱tšake ame̱tšui ni ame̱kpale ke̱-ba Nyoṅme̱ ṅõ ni ame̱tšu nii ni sa tšuitšakemo̱.

Bɔfoi 28:23

Ni beni ame̱tole̱ gbĩ le̱, ame̱teṅ mei pī ba eṅõ ye̱ etōhe le̱, ni edšadše Nyoṅmo̱ maṅtše̱yeli le̱ he sane etšõame̱, ni eye he odase faṅṅ, ni edše̱ Mose mla le̱ ke̱ gbalo̱i le̱ amli etao ní ame̱yĩṅ atšṍ ke̱-ba Iesu gbe̱făṅ ke̱-dše̱ lebi ke̱-baši gbe̱ke̱.

Bɔfoi 3:19

Nohewo̱ le̱ nyetšakea nyetšuiiaṅ, ni nyekũa nyese̱, koni agbe nyehe ešai le̱, 2,38.

Bɔfoi 8:25

Agbe̱ne̱, beni ame̱ye odase ní ame̱wie Nuṅtšo̱ le̱ wiemo̱ lo̱ ame̱tšõame̱ ni ame̱kũ ame̱se̱ ame̱baä Ierusalem le̱, ame̱dšadše sanekpakpa le̱ ame̱tšõ ye̱ Samariabii akrowai pī amli.

Romabii 1:14

Mihĩe Helabii ke̱ dšekõdši, nilelo̱i ke̱ mei ní lee nii fẽ nyōmo̱.

Romabii 1:16

Edšake̱ *mihĩe gboo Kristo sanekpakpa le̱ he, edšake̱ edši †Nyoṅmo̱ hewale̱, ní aṅō-hereo̱ mofẽmo ní heo̱ yeo̱ le̱ yiwala, Iudanyo le̱ tšutšu ke̱ Helanyo hũ. *Lal 119,46. †1 Kor. 1,18. 24. Bo̱f. 13,46.

Romabii 10:9

Ši ke̱dši oke̱ onābu dšadše ake̱ Iesu *dši Nuṅtšo̱ le̱, ni ohé oye ye̱ otšui mli ake̱ Nyoṅmo̱ tēle̱ ši ke̱-dše̱ gbohĩĩ ateṅ le̱, aahere oyiwala. *2 Kor. 4,5.

Romabii 2:4

Alo gbe ogbeo̱ emlihīle̱ ke̱ eyišiṅmē̃ ke̱ etšuišitō babaō le̱ he guo̱, ši olee ake̱ Nyoṅmo̱ mlihīle̱ le̱ wa ewaäo ní oſa ohe? 2 Pet. 8,15.

Romabii 4:24

ši moṅ wo̱ mei ní ababu ahãwo̱ le̱ hũ hewo̱, wo̱ mei ní wo̱héo̱ moni tē wo̱-Nuṅtšo̱ Iesu ši ke̱-dše̱ gbohĩĩ ateṅ le̱ ne̱ wo̱yeo̱ le̱;

Romabii 5:1

Agbe̱ne̱, ake̱ noni atšṍ hemo̱-ke̱-yeli no̱ *abuwo̱ bem hewo̱ le̱, wo̱ ke̱ Nyoṅmo̱ teṅ ye̱ †hedšo̱le̱ ye̱ wo̱-Nuṅtšo̱ Iesu Kristo hewo̱, *3,24. 28; 4.25. †Ies. 53,5.

1 Korintobii 1:22

edšake̱ *Iudafoi le̱, okadii aši ame̱bio̱, ni †Helabii hũ taoo nilē, *Mat 12,38. Ioh. 4,8 †Bo̱f. 17,18. 32.

2 Korintobii 7:10

Edšake̱ do̱le̱ ní sa Nyoṅmo̱ hĩe le̱ tše̱o̱ heſamo̱ ní ke̱ mo yaä walaheremo̱ mli noni moko ſaa ehe ye̱ hewo̱ le̱; ši *dše ne̱ṅ do̱le̱ le̱ tše̱o̱ gbĕle. *Mat. 27,3-5.

Galatabii 2:16

kẽle̱ wo̱le ake̱ abuu gbomo bem ke̱-dše̱e̱ mla nitšumo̱i amli, ake̱ dša atšõ Iesu Kristo no̱ hemo̱-ke̱-yeli le̱ no̱ ke̱ke̱: bewo̱ le̱ wo̱ hũ wo̱hé Kristo Iesu no̱ wo̱ye, koni abuwo̱ bem ke̱-dše̱ Kristo hemo̱-ke̱-yeli mli, ni dšee mla nitšumo̱i amli; edšake̱ abuṅ helo-ko-helo-ko bem ke̱-dše̱ṅ mla nitšumo̱i amli. Bo̱f. 15,10. 11. Rom. 8,20. 28; 4,5; 11,6, Ef. 2,3.

Galatabii 2:20

Ase̱ṅmi ke̱ Kristo; hewo̱ le̱ dšee mi mihĩe kā doṅṅ, ši *Kristo ni hĩe kā ye̱ mimli; ši mihĩe nĩ kā ye̱ helo mli agbe̱ne̱ ne̱, Nyoṅmo̱ bi le̱, ni sumo̱mi ni †eṅõ ehe ehā ye̱ mihewo̱ le̱, hemo̱-ke̱-yeli mli mihĩe kā ye̱. *Ioh 17,23. †Gal. 1,4.

Galatabii 3:22

Ši moṅ *ṅmãle̱ le̱ eṅõ nibii fẽ eto eša šiši, koni atšõ Iesu Kristo no̱ hemo̱-ke̱-yeli no̱ ake̱ šiwõ le̱ ahã mei ni heo̱ yeo̱ le̱. *Rom. 3,9-19; 11,32.

Efesobii 1:15

Ene̱hewo̱ le̱ mi hũ, beni minu nyehemo̱-ke̱-yeli ni nyeyo̱ ye̱ Nuṅtšo̱ Iesu mli le̱ ke̱ nyesuomo̱ ni nyeke̱-sumoo̱ mei-kroṅkroṅi le̱ fẽ le̱ he le̱, Kol. 1,4.

Kolosebii 2:5

Edšake̱ ké̱ mike̱nye be̱ ye̱ *helo gbe̱fãṅ dšiṅṅ, mumo̱ gbe̱fãṅ le̱ mike̱nye ye̱, ni mimī še̱o̱, ni minaä †nyegbe̱dši-ano̱tō le̱ ke̱ nyehé ni nyeheo̱ Kristo no̱ nyeyeo̱ le̱ šifīmo̱ le̱, *1 Kor. 5,3. †1 Kor. 14,40.

Filemon 1:5

ake̱-ni minuo̱ osuomo̱ ke̱ hemo̱-ke̱-yeli ni ohīe ye̱ Nuṅtšo̱ Iesu ke̱ mei-kroṅkroṅi le̱ fē agbe̱fãṅ le̱ he le̱;

1 Yohane 5:1

Mofẽmo ni heo̱ yeo̱ ake̱ Iesu dši Kristo le̱, Nyoṅmo̱ mli adše̱ afó̱le̱. Ni mofẽmo ni sumoo̱ moni fó̱le̱ le̱, esumoo̱ moni adše̱ emli afó̱le̱ le̱ hũ. 4,15. 16.

1 Yohane 5:5

Ni namo dši moni *yeo̱ dše le̱ no̱ kũnim le̱, ake̱ dša moni heo̱ yeo̱ ake̱ Iesu dši Nyoṅmo̱ bi le̱? *4,4.