Bɔfoi 2:33 - Ṅmãle̱ Kroṅkroṅ Le̱

³³ Agbe̱ne̱ ake̱ noni awo eno̱ ke̱-te Nyoṅmo̱ ninedšŭrõ no̱ ni ená Mumo̱ kroṅkroṅ le̱ he šiwō le̱ ke̱-dše̱ tše̱ le̱ dẽ hewo̱ le̱, efo̱se noni nyenaä ní nyenuo̱ ne̱ eſie šĩ.

ŊMALƐ KRƆŊKRƆŊ LƐ

³³ Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Bɔfoi 2:33 ပူးပေါင်းရင်းမြစ်များ

Lalai 118:16

Iehowa ninedšũrõ le̱ awó no̱; Iehowa ninedšũrõ tšuo̱ nii wudši.

Lalai 89:19

Edšake̱ *wo̱tše̱ṅ le̱, Iehowa nõ ni, ni wo̱maṅtše̱ le̱, Israel Mokroṅkroṅ le̱ nõ ni. *Lal. 47,10.

Lalai 89:24

Ni mabutu mei ní he tšẽo̱le̱ le̱ ye̱ ehĩe, ni mei ní nye̱o̱le̱ le̱, matſiaame̱ nii.

Yesaia 52:13

Na, *mitšũlo̱ le̱ aafe enii nilē mli: aawó eno̱, ni eekwo̱ godšō, ni aawo ehĩe nyam babaō! *42,1.

Yesaia 53:12

Nohewo̱ le̱ mahãle̱ egbe̱fãṅnõ ye̱ mei agboi ateṅ, ni eke̱ hewalo̱i aadša hānii; edšake̱ eṅõ esusuma ewo gbĕle mli, ni *abule̱ aši no̱tõlo̱i ano̱, ni etĕre mei babaō ahe eša, ni †edamo̱ mli ehã no̱tõlo̱i. *Mar. 15,28. Luk. 22,27. †Luk. 23,25.

Mateo 28:18

Ni Iesu ba eke̱ame̱ bawie ekē̱: *Aṅõ hegbe̱ fẽ ahãmi ye̱ ṅwei ke̱ šikpoṅno̱. *11,27. Ef. 1,20-22.

Marko 16:19

Ke̱ke̱ le̱ beni Nuṅtšo̱ Iesu ke̱ame̱ ewie se̱ le̱, aṅõle̱ ke̱-te ṅwei, ni *eyatá Nyoṅmo̱ ninedšŭrõ no̱. *Lal. 110,1. Bo̱f. 7,55.

Luka 24:49

Ni na, *mihã mitše̱ šiwō le̱ aba nyeno̱; nohewo̱ le̱ nyehĩa ši ye̱ Ierusalem mã le̱ṅ ke̱-yaši beyino̱ ni aadše̱ ṅwei awonye hewale̱. *Ioh. 15,26; 15,7. Bo̱f. 1,4.

Yohane 14:16

Ni mi le̱ mabi tše̱ le̱, ni eehãnye *hefatalo̱ kroko, koni eke̱nye ahĩ ši ke̱-ya nāno̱; *K. 26; 15,26; 16,7.

Yohane 14:26

Ši hefatalo̱ le̱, ni dši Mumo̱ kroṅkroṅ le̱, moni tše̱ le̱ batšũ ye̱ migbe̱i ano̱ le̱, le̱ eetšõnye nii fẽ, ni eekainye nii fẽ ní mikē̱nye le̱. K. 16.

Yohane 15:26

Ši *hefatalo̱ le̱, ní †mibatšũle̱ nyeṅō ke̱-adše̱ tše̱ le̱ ṅõ le̱, moni dši ano̱kwale Mumo̱ le̱ ní dše̱o̱ tšo̱ le̱ ṅõ baä le̱, le̱, ké̱ eba le̱, eeye mihe odase; *14,26. †Luk. 24,49.

Yohane 17:5

Ni agbe̱ne̱, Atā, ṅõ anumnyam ní miyo̱ ye̱ oṅõ dãni dše le̱ yo̱ le̱ owo mihĩe nyam. K. 24; 1,1. Fil. 2,3.

Bɔfoi 1:4

Ni beni eke̱ ame̱nā kpe ši le̱, ewoame̱ akpo̱ ake̱ ame̱kadše Ierusalem, ši moṅ ame̱mẽ tše̱ le̱ šiwō le̱, ní *nyenu ye̱ mina le̱; *Ioh. 15,16. Luk. 24,49.

Bɔfoi 10:45

Ni heyelilo̱i ní dše̱ ketiafō le̱ mli nī ke̱ Petro ba le̱ anā kpe̱ ame̱he ake̱ afo̱se Mumo̱ kroṅkroṅ nõkēnõ le̱ aſie dšeṅmădšiaṅbii hũ ano̱;

Bɔfoi 2:17

“Nyoṅmo̱ kē̱: Ni aaba mli ye̱ nāgbē gbĩĩ le̱ ano̱, ake̱ mafo̱se mi-Mumo̱ le̱ eko maſie helo fẽ no̱, ni nyebihĩĩ ke̱ nyebiyei le̱ aagba, ní nyeblahĩĩ le̱ aana ninai, ni nyenukpai le̱ aala lamōi;

Bɔfoi 5:31

le̱ eno̱ Nyoṅmo̱ *wó ke̱-te eninedšŭrõ no̱, ni ewole̱ lumo̱ ke̱ walaherelo̱, koni eṅõ tšuitšakemo̱ ke̱ ešaifā ehã Israel. *2,38.

Romabii 5:5

ni *no̱hĩekãmo̱ le̱ woo mo hĩe-gbĕle; edšake̱ atšṍ Mumo̱ kroṅkroṅ ní aṅõ-hãwe̱ le̱ no̱ afo̱se Nyoṅmo̱ suomo̱ awo wo̱tšuii amli. *Heb. 6,18. 19.

Galatabii 3:14

koni Abraham dšó̱mo̱ le̱ aba dšeṅ-mãdši le̱ ano̱ ye̱ Kristo Iesu mli, ni wo̱ke̱ hemo̱-ke̱-yeli le̱ aná Mumo̱ le̱ šiwō le̱.

Efesobii 1:13

le̱ noṅṅ eno̱ nye hũ nyeke̱ nyehĩe fõ, beni nyenu ano̱kwale le̱ wiemo̱ le̱ ni dši nyeyiwalaheremo̱ le̱ sanekpakpa le̱; le̱ noṅṅ emli ake̱ šiwõ le̱ Mumo̱ kroṅkroṅ le̱ *so̱o nyenã ye̱, beni nyehe nyeye le̱, *4,30.

Efesobii 4:8

Nohewo̱ le̱ ekē̱: *“Ekwo̱ ke̱-te ṅwei, ni eṅõ †nomi anom, ni eke̱ nikenii hã gbomei.” *Lal. 68,19. †Kol 2,15.

Tito 3:6

mo hũ ni etšō Iesu Kristo, wo̱yiwalaherelo̱ le̱ no̱, *efo̱se eſíe wo̱no̱ babaō le̱, *Ioel 3,1.

Hebribii 10:12

ši le̱ le̱, noni ešã ešai ahe afo̱le *šikome nyoṅlo le̱, eyatá Nyoṅmo̱ ninedšŭrõ no̱; *K. 10.14.

Hebribii 2:9

ši moni ahã ſe̱ fiō ke̱ke̱ ní eke̱ ṅweibo̱foi aye egbo le̱, wo̱na ake̱ Iesu ni, moni gbĕle mli amanehũlũ le̱ hewo̱ ni *ake̱ anumnyam ke̱ wō fĩle̱ akekre le̱, beni afe ní Nyoṅmo̱ dromo̱ nā le̱ esa enā gbĕle ehã mofẽmo. *Fil. 2,8. 9.

1 Petro 1:21

nye mei ni *nyetšṍ eno̱ nyeheo̱ Nyoṅmo̱, moni tēle̱ ši ke̱-dše̱ gbohĩĩ ateṅ ni ewo ehĩe nyam le̱ no̱ nyeyeo̱ le̱, beni afe ní nyehemo̱-ke̱-yeli ke̱ nyehĩeno̱kãmo̱ ahĩ Nyoṅmo̱ no̱. Ioh. 14,6.

1 Petro 3:22

moni yo̱ Nyoṅmo̱ *ninedšŭrõ no̱, ake̱-ní ete ṅwei, ni aṅõ ṅwei bo̱foi ke̱ hegbe̱i ke̱ hewale̱i awo ešiši le̱. *Ef. 1,20. 21.