Bɔfoi 2:14 - Ṅmãle̱ Kroṅkroṅ Le̱

¹⁴ Ši Petro ke̱ mei nyoṅma ke̱ ekome le̱ te ši damo̱ ši, ni ewó egbē no̱ ni ewie etšõame̱ ekē̱: Iudahĩĩ ke̱ mei fẽ ní yo̱ Ierusalem, nyenáa nyelea ene̱, ni nyeboa miwiemo̱i le̱ atoi:

ŊMALƐ KRƆŊKRƆŊ LƐ

¹⁴ Shi Petro kɛ mɛi nyɔŋma kɛ ekome lɛ te shi amɛdamɔ shi, ni ewo egbee nɔ ekɛ asafo lɛ wie ekɛɛ, “Yudahii kɛ mɛi fɛɛ ni yɔɔ Yerusalɛm, nyɛnaa nyɛlea enɛ, ni nyɛboa miwiemɔi lɛ atoi.

Bɔfoi 2:14 ပူးပေါင်းရင်းမြစ်များ

Abe̱i 8:32

Nohewo̱ le̱, mibii, nyeboami toi! Edšake̱ adšō̱ mei ní nyieo̱ migbè̱i le̱ ano̱ le̱!

Yesaia 40:9

Kwo̱ ke̱-ya goṅ ni kwo̱ ko no̱, bo sanekpakpadšadšelo̱ Zion! wó ogbē no̱ ke̱ hewale̱, sanekpakpadšadšelo̱ Ierusalem! Wó no̱, kāše gbeyei; kē̱mo̱ Iuda mãdši le̱ ake̱: Na, nye-Nyoṅmo̱ le̱ ne̱!

Yesaia 51:1

Nyeboami toi, nye mei ní nyenyiee̱ dšale̱ se̱, ni nyetaoe̱ Iehowa se̱gbe̱ le̱: Nyekwe̱a te̱sā ni agbánye ke̱-dše̱ mli le̱, ke̱ *bu ní atšanye ke-dše mli le! *48,1.

Yesaia 51:4

Mimaṅbii, nyefea toi nyehãami, ni mimaṅ, nyeboami toi! ši mla aadše̱ miṅõ adše kpo, ni mike̱ mikodšomo̱ le̱ aamã ši ake̱ mãdšimãdši le̱ ala.

Yesaia 51:7

Nyeboami toi, nye mei ní nyele dšale̱, maṅ ní mimla yo̱ nyetšuiiaṅ: Nyekašea *ádesã ahorabō̱ gbeyei, ni asaṅ nyetšui akafãa ye̱ ame̱lĩmo̱ le̱ hewo̱! *Mal. 5,11.

Yesaia 52:8

*Obulo̱i le̱ agbẽ ne̱: Ame̱fẽ-tſẽm ame̱ahole ame̱gbēi ano̱ ame̱ala; edšake̱ hĩe ke̱ hĩe ame̱ana bo̱ni Iehowa aakpale Zion ke̱-aba ekoṅ le̱. *56,10; 62.9. Ezek. 3,17.

Yesaia 55:2

Mẽba nyekaneo̱ šika nyeheo̱ noni dšee abolo, ni nyeke̱ nyenitšumo̱nii le̱ heo̱ noni eto̱o̱ mo? Nyeboami toi moṅ, ní nyeye nii kpakpai, ni nyesusuma mī aše̱ ye̱ fo̱nii ahe!

Yesaia 58:1

Blo̱mo̱ wā: kāhã onā mība ši! Wó ogbē no̱ tamo̱ te̱tre̱mantre̱, ni odšadše *mimaṅ le̱ no̱tõmo̱i le̱ otšõame̱, ni otšõ Iakob we le ame̱he ešai le̱! *Mika 3,8.

Hosea 8:1

Ṅõ *te̱tre̱mantre̱ le̱ omã onã! Eeyi Iehowa we le̱ no̱ tamo̱ okropoṅ; edšake̱ ame̱dũ mikpãṅmo̱ le̱ mli, ni ame̱tõ mimla le̱. *Ies. 55,1.

Mateo 2:1

Ši beni *afo̱ Iesu ye̱ Betlehem ye̱ Iudea ye̱ maṅtše̱ Herode yino̱ le̱, na, nilelo̱i dše bokã ba Ierusalem babi ake̱: *Luk. 2,1-7.

Bɔfoi 1:26

Ni *ame̱fõ ame̱no̱ ošikii, ni ošiki le̱ yagbe Matia no̱, ni abule̱ aši bo̱foi nyonma ke̱ ekome le̱ no̱. *Abe̱i 16,33.

Bɔfoi 13:16

Ke̱ke̱ ni Paulo te ši edamo̱ ši, ni efõ enine ekē̱: Atāmei Israelhĩĩ ke̱ nye mei ní nyešeo̱ Nyoṅmo̱ gbeyei, nyeboa toi!

Bɔfoi 2:22

Atāmei Israelbii, nyeboa ne̱ke̱ wiemoi ne̱ atoi: Iesu Nazarenyo le̱, nū ni Nyoṅmo̱ ke̱ hewale̱nitšumo̱i ke̱ nākpe̱nii ke̱ okadii ni etšṍ enine no̱ efe ye̱ nyeteṅ le̱ ye ehe odase etšõnye, tamo̱ bo̱ni nyedientše̱ nyele le̱,

Bɔfoi 21:28

ni ame̱blo̱ ake̱: Atāmei Israelbii, nyebafataä wo̱he! Na nū le̱ ní wieo̱ maṅ ne̱ ke̱ mla le̱ ke̱ bie̱ ne̱ he efõṅ etšõo̱ mei fẽ ye̱ hefẽhe le̱; ni esā eke̱ Helabii eba so̱lemo̱we le̱ eke̱-babule hekroṅkroṅ ne̱ hũ. 6.13. Ezek 44,7.

Bɔfoi 5:35

ni eke̱ame̱ ake̱: Atāmei Israelbii, nyehũmia ši ye̱ ne̱ke̱ gbomei ne̱ ahewo̱, bo̱ni nyeke̱ame̱ aaye ahã.

Bɔfoi 7:2

Ni ekē̱: Anyemĩmei ke̱ atāmei, nyeboa toi. Anumnyam Nyoṅmo̱ le̱ dšie ehe kpo etšõ wo̱tše̱ Abraham, beni eyo̱ Mesopotamia, ni enako ebahĩ Haran le̱, 1 Mose 11,31; 15,7.

5 Mose 27:9

Ni Mose ke̱ oso̱foi ní dši Levibii le̱ wie tšõ Israel mū le̱ fẽ ake̱: Nyefea diṅṅ ní nyeboa toi, Israel! *Ṅme̱ne̱ gbĩ ne̱ otšṍ Iehowa, o-Nyoṅmo̱ le̱, maṅ. *28,18. 19.

Yakobo 2:5

Minyemimei ni misumoo̱, nyeboa toi! Ani dšee dše ne̱ṅ ohĩafoi ni dši niiatše̱mei *ye̱ hemo̱-ke̱-yeli gbe̱fãṅ le̱ Nyoṅmo̱ †ehala, koni ame̱tšomo̱ maṅtše̱-yeli ni ewo ši ehã mei ni sumoo̱le̱ le̱ yelo̱i? *Luk. 12,21. †1 Kor. 1,26.