Bɔfoi 16:13 - Ṅmãle̱ Kroṅkroṅ Le̱

¹³ Ni hedšō̱mo̱gbĩ le̱ no̱ le̱ wo̱dše̱ mã le̱ṅ wo̱te fā nā, heni afo̱ö̱ so̱lemo̱ ye̱ le̱, ní wo̱trá ši wo̱wie wo̱tšõ yei ní ebabua ame̱he nā ye̱ dše̱i le̱.

ŊMALƐ KRƆŊKRƆŊ LƐ

¹³ Hejɔɔmɔ gbi lɛ nɔ lɛ, wɔjɛ maŋ lɛ mli wɔtee faa ko naa, he ni wɔjwɛŋmɔ kɛɛ wɔ akɛ asɔleɔ yɛ lɛ, ni wɔyatara shi, ni wɔkɛ yei ni ebabua amɛhe naa yɛ jɛi lɛ wie.

Bɔfoi 16:13 ပူးပေါင်းရင်းမြစ်များ

Mateo 13:2

Ni asafo babaō babua ame̱he nā ye̱ eṅõ, ni nohewo̱ le̱ ete lele ko mli eyatá ši, ni asafo le̱ fẽ damo̱ ṅšo̱ le̱ nā.

Marko 16:15

Ni ekē̱ame̱ ake̱: Nyeyaä dše le̱ṅ fē-kwa nyeyašie̱a sanekpakpa le̱ nyetšõa nofẽno ní abo̱ le̱. Mat 28,18-20.

Luka 13:10

Ni ētšõ nii ye̱ kpēhei le̱ eko mli ye̱ hedšō̱mo̱gbĩ le̱ no̱.

Yohane 8:2

Ni lebi mā̃ṅkpa le̱ eba so̱lemo̱we le̱ ekoṅ, ni maṅ le̱ fẽ ba eṅõ, ni eho etá ši etšõame̱ nii.

Bɔfoi 13:14

Ši ame̱ le̱ ame̱dše̱ Perge ni ame̱fo mli ke̱-ba Antiokia ye̱ Pisidia; ni ame̱te kpēhe le̱ ye̱ hedšō̱mo̱gbĩ le̱ no̱, ni ame̱yatrá ši.

Bɔfoi 13:42

Ši beni ame̱dše Iudafoi akpẽhe le̱, dšeṅmădšiaṅbii le̱ kpaame̱ fai ake̱ ame̱badšadše ne̱ke̱ wiemo̱i ne̱ ame̱tšõame̱ ekoṅ ye̱ hedšō̱mo̱gbĩ ní baä le̱ no̱.

Bɔfoi 16:16

Ši eba mli ake̱, beni wo̱yaä heni aso̱leo̱ ye̱ le̱, tšũlo̱yō ko ní klamo̱ mumo̱ yo̱ emli ke̱wo̱ bakpe, moni ke̱ eklamo̱ le̱ hãa enuṅtšo̱mei *náa nii pī. *19,24.

Bɔfoi 16:6

Ši ake̱-ní Mumo̱ kroṅkroṅ le̱ etšĩame̱ gbe̱ ake̱ ame̱kawie wiemo̱ le̱ ame̱tšõ ye̱ Asia hewo̱ le̱, ame̱fo mli ye̱ Frigia ke̱ Galatia šikpoṅ le̱ no̱; 18,23.

Bɔfoi 17:2

Ni Paulo te ame̱ṅõ tamo̱ bo̱ni efo̱ö̱ femo̱ le̱, ni eke̱ame̱ yayiyi ye̱ ṅmãle̱i le̱ ahe hedšō̱mo̱gbĩĩ etẽ so̱ṅṅ,

Bɔfoi 18:4

Ši dā hedšō̱mo̱gbĩ no̱ le̱ eyawieo̱ etšõo̱ mei ye̱ kpẽhe le̱, ni etšṍo̱ Iudafoi ke̱ Helabii ayiṅ.

Bɔfoi 20:7

Ši otši mii *kleṅkleṅ gbĩ le̱ no̱ le̱, beni kaselo̱i le̱ babua ame̱he nā koni †ame̱kũmo̱ abolo le̱, Paulo wie tšõame̱, ni ekã wiemo̱ le̱ he ke̱-yaši nyōṅteṅ, edšake̱ ke̱ dše tše̱re le̱ ebayi mli. *1 Kor. 16,2. †Bo̱f. 2,42. 46.

Bɔfoi 21:5

Ni eba mli ake̱, beni wo̱ye gbĩĩ le̱ tã le̱, wo̱ṅõ-ſie no̱, ni ame̱ ke̱ ame̱ṅãmei ke̱ ame̱bii fẽ badsiewo̱ gbe̱ ke̱-dše̱ mã le̱ṅ; ni *wo̱kũla ši ye̱ ṅšo̱ le̱ nā ni wo̱so̱le. *20,36.

Bɔfoi 9:20

ni amrõ le̱ noṅṅ ešie̱ ye̱ kpēhei le̱ ake̱ Iesu dši Nyoṅmo̱ bi le̱.

Galatabii 3:28

Iudanyo be̱ le̱, Helanyo hũ be̱ doṅṅ; nyõṅ be̱ le̱, odehe hũ be̱ doṅṅ; nō be̱ le̱, yō hũ be̱ doṅṅ: edšake̱ nyefẽ, mokome dšinye ye̱ Kristo Iesu mli, Rom. 10,12. 1 Kor 12,13.

Kolosebii 1:23

ke̱dši nyehĩe heme̱-ke̱-yeli le̱ mli ni nyedamo̱ ši šiṅṅ, ni nyetšĩṅ nyehe ke̱-dše̱ṅ sanekpakpa le̱ ni nyenu ni ašie̱o̱ atšõo̱ bō̱nii fẽ ni yo̱ ṅwei šiši le̱, ni mi Paulo misúmoo̱ ye̱ he le̱, no̱hĩekãmo̱ le̱ he le̱.