Bɔfoi 1:8 - Ṅmãle̱ Kroṅkroṅ Le̱

⁸ ši moṅ kē̱ Mumo̱ kroṅkroṅ le̱ ná ba nyeno̱ le̱, nyeaná hewale̱ ni nyeatšṍmo̱ midasefoi ye̱ Ierusalem ke̱ Iudea ke̱ Samaria fẽ, ke̱-yaši šikpoṅ le̱ nāgbēhei le̱.

ŊMALƐ KRƆŊKRƆŊ LƐ

⁸ Shi moŋ kɛ Mumɔ Krɔŋkrɔŋ lɛ na ba nyɛnɔ lɛ, nyɛaana hewalɛ ni nyɛaatsɔ̃mɔ midasefoi yɛ Yerusalɛm kɛ Yudea kɛ Samaria fɛɛ, kɛyashi jeŋ koji ejwɛ lɛ.”

Bɔfoi 1:8 ပူးပေါင်းရင်းမြစ်များ

Lalai 22:27

*Amanenalo̱i le̱ aaye nii, ni ame̱-atō̱ro̱; Iehowa se̱gbe̱taoloi le̱ aadšie eyi; nyetšui yi aná wala ke̱-ya nãno̱! *Lal. 69,33.

Lalai 98:3

Ekai emo̱bo̱nale̱ ke̱ eno̱kwayeli le̱ ehã Israel we le̱; šikpoṅ le̱ nāgbēhei le̱ fẽ ena wo̱-Nyoṅmo̱ le̱ yiwalaheremo̱ le̱. Ies 52,10.

Yesaia 42:10

Nyelaä lala hē nyehãa Iehowa, nyelaä nyedšiea eyi ke̱-dše̱a šikpoṅ le̱ nāgbēhe le̱! Nye mei ni nyenyieo̱ ṅšo̱ hĩe, ke̱ nibii fẽ ní yo̱ emli le̱, ṅšo̱kpo̱i le̱, ke̱ mei ni hĩo̱ no̱ le̱!

Yesaia 49:6

ekē̱ ake̱: Efáá ake̱ oofe mitšũlo̱, ni ote Iakob akutšei le̱ aši, ní oke̱ Israel mei ni abă ame̱yi le̱ akũ se̱ ke̱-ba; ši moṅ *miṅõo mife dšeṅmãdši le̱ hũ ala, koni otšṍ miyiwalaheremo̱ ke̱-yaši šikpoṅ le̱ nāgbēhe le̱! *42,6; 60.3. Luk. 2,62. Bo̱f. 18,47.

Yesaia 52:10

Iehowa *edšie enine kroṅkroṅ le̱ he ye̱ dšeṅmãdši le̱ fẽ ahĩe, koni šikpoṅ le̱ nāgbēhei le̱ fẽ ana wo̱-Nyoṅmo̱ le̱ yiwalaheremo̱ le̱. *53,1.

Yesaia 66:19

Ni mike̱ okadi ko aato ame̱he, ni matšũ ame̱teṅ mei ni edše mli le̱ ke̱-ate dšeṅmãdši le̱ aṅõ: ke̱-ate Taršiš, Pul ke̱ Lud, gãitšẽlo̱i le̱, ke̱ Tubal ke̱ Iavan, ṅšo̱kpo̱i ní yo̱ šoṅṅ ní nuko mihe ni ame̱nako minumnyam le̱ aṅõ; ni ame̱adšadše minumnyam le̱ ame̱tšõ ye̱ dšeṅmãdši le̱ ateṅ. Mat. 28,19.

Yeremia 16:19

Iehowa, mihewale̱ ke̱ mō̃ ní wa ke̱ mibobāhe ye̱ fĩmo̱ gbĩ no̱! bo noṅṅ oṅõ dšeṅmãdši le̱ aadše̱ šikpoṅ le̱ nāgbēhei aba abakē̱ ake̱: Wo̱tše̱mei le̱ agbošinii ní ame̱ná le̱, amale ke̱ke̱ ni, ke̱ yakayakanii ní se̱námo̱ ko be̱ṅ!

Mika 3:8

Ši mi le̱, miyi obõ ke̱ hewale̱ ke̱ Iehowa Mumo̱ le̱ ke̱ kodšomo̱ ke̱ ekā̃ so̱ṅṅ, ní maṅõ-dšadše Iakob mlatõmo̱ le̱ ke̱ Israel he ešai le̱ matšõame̱. Ies. 55,1.

Zakaria 4:6

Ke̱ke̱ ni ehere no̱ ni ekē̱mi ake̱: Ene̱ dši Iehowa wiemo̱ ní ba Zerubabel ṅõ ake̱: Dšee nyẽmo̱ nā le̱, dšee hewale̱ nā, ši Mimumo̱ le̱ nā! Iehowa Zebaot kē̱.

Mateo 24:14

Ni aasie̱ maṅtše̱yeli le̱ he sanekpakpa ne̱ atšõ *dše ne̱ṅ fẽ, ní ake̱-ye dšeṅmãdši le̱ fẽ †odase; ni no dãni nāgbē le̱ aaba. *28,19. †10,18.

Mateo 28:19

Nohewo̱ le *nyeyaä ní nyeyafea dšeṅmãdši fẽ mikaselo̱i, nyebaptisiaame̱ nyewoa Tše̱ le̱ ke̱ Bi le̱ ke̱ Mumo̱ kroṅkroṅ le̱ gbe̱i amli, *Mar. 16,15. 16.

Marko 16:15

Ni ekē̱ame̱ ake̱: Nyeyaä dše le̱ṅ fē-kwa nyeyašie̱a sanekpakpa le̱ nyetšõa nofẽno ní abo̱ le̱. Mat 28,18-20.

Luka 1:35

Ni bo̱fo le̱ to he ekē̱le̱ ake̱: *Mumo̱ kroṅkroṅ aaba ono̱, ni Ṅweinyo le̱ hewale̱ aabaha ono̱, nohewo̱ le̱ nakai bi kroṅkroṅ le̱ hũ ní oofo̱ le̱, aatšé̱le̱ Nyoṅmo̱ bi. *Mat. 1,18. 20.

Luka 10:19

Na, mīhãnye hegbe̱ ní nyenānā onũſũi ke̱ nyoṅmo̱ṅkrakroi ke̱ henye̱lo̱ le̱ hewale̱ le̱ fẽ no̱; ni nokonoko efeṅnye efõṅ ko; Mar. 16.18. Lal. 91,13.

Luka 24:29

Ni ame̱nyẽ eno̱ ame̱kē̱: Oke̱wo̱ áhĩ ši, edšake̱ dše mina nĩ eše̱ hĩebule̱ etã. Ni ete mli ni eke̱ame̱ yahĩ ši.

Yohane 15:27

ni nye hũ nyeaye odase, edšake̱ nyeke̱mi yo̱ ke̱-dše̱ šišidšē. Bo̱f. 1,8; 5,32.

Bɔfoi 1:22

ke̱-dše̱ Iohane baptisimo̱ le̱ no̱ ke̱-yaši gbĩ no̱ ní aṅõle̱ ke̱-dše̱ wo̱ṅõ ke̱-te ṅwei le̱, ateṅ mokome atšṍ ešitē le̱ he odasefonyo afata wo̱he.

Bɔfoi 1:5

edšake̱ Iohane le̱, nu eke̱ baptisi, ši nye le̱ eyeṅ gbĩĩ pī ko ní ake̱ Mumo̱ kroṅkroṅ aabaptisinye. Mat. 3,41.

Bɔfoi 13:31

ni edšie ehe kpo gbĩĩ pī etšõ mei ni ke̱le̱ dše̱ Galilea ba Ierusalem le̱, mei noṅṅ ní dši edasefoi hã maṅ le̱. 1,3.

Bɔfoi 2:32

Ne̱ke̱ Iesu ne̱ Nyoṅmo̱ tēle̱ ši; no he odasefoi dši wo̱fẽ.

Bɔfoi 22:15

ši obatšṍ ehe odaseyelo̱, koni oye nii fiā ní ona ní onu le̱ ahe odase otšõ gbomei fẽ.

Bɔfoi 3:15

ni walalumole̱, nyegbele̱; ši *Nyoṅmo̱ tēle̱ ši ke̱-dše̱ gbohĩĩ ateṅ, no noṅṅ he odasefoi dšiwo̱. *4,10.

Bɔfoi 4:33

Ni hewale̱ kpeteṅkple bo̱foi le̱ ke̱-ye Nnntšo̱ Iesu sitē le̱ he odase, ni *dromo̱ kpeteṅkple ye̱ ame̱fẽ ame̱no̱. *2.47.

Bɔfoi 5:32

Ni *wo̱dši ne̱ke̱ sãdši ne̱ ahe odasefoi, nakai noṅṅ dši Mumo̱ kroṅkroṅ le̱ hũ ni Nyoṅmo̱ ṅõ-hã mei ní boo̱le̱ toi le̱. *Luk. 24,48. Ioh. 15,26. 27.

Bɔfoi 6:8

Ni Stefano, moni hemo̱-ke̱-yeli ke̱ hewale̱ eyile̱ obõ le̱, fe nākpe̱nii ke̱ okadii wudši ye̱ maṅ le̱ mli.

Bɔfoi 8:1

Ši egbē le̱ ṅõ *Saulo hũ nā. — Ni nakai gbĩ le̱ no̱ noṅṅ le̱ yiwale̱ kple te ši wo asafo ní yo̱ Ierusalem le̱; ni ame̱fẽ †ame̱gbe̱ ame̱ſã Iudea ke̱ Samaria niiaṅ, dša bo̱foi le̱ ke̱ke̱ ſe̱. *7,58. †11,19.

Romabii 10:18

Ši mīkē̱ ake̱: Aso nu ame̱nuu? Le̱le̱ṅ ake̱ *ame̱gbē edšidše ke̱-te šikpoṅ mū le̱ fẽ no̱, ni ame̱wiemo̱i le̱ eše̱ dšeṅ nāgbēhei le̱. *Lal. 19,5.

Romabii 15:19

ye̱ *okadii ke̱ nākpe̱nii ahewale̱ mli, ye̱ Nyoṅmo̱ Mumo̱ hewale̱ mli; bo̱ni fe ní midše̱ Ierusalem mibo̱le ši āhũ ke̱-yaši Ilirikum ni mišie̱ Kristo sanekpakpa le̱ migbe nā. *Mar. 16,17.

Kolosebii 1:23

ke̱dši nyehĩe heme̱-ke̱-yeli le̱ mli ni nyedamo̱ ši šiṅṅ, ni nyetšĩṅ nyehe ke̱-dše̱ṅ sanekpakpa le̱ ni nyenu ni ašie̱o̱ atšõo̱ bō̱nii fẽ ni yo̱ ṅwei šiši le̱, ni mi Paulo misúmoo̱ ye̱ he le̱, no̱hĩekãmo̱ le̱ he le̱.