5 Mose 5:33 - Ṅmãle̱ Kroṅkroṅ Le̱

³³ Gbe̱ ní Iehowa, nye-Nyoṅmo̱ le̱, ewonye he kitã le̱ fẽ no̱ nyenyiea, koni nyeyi aná wala, ni ahĩ ahãnye, ni nyegbĩĩ ase̱ atše̱ ye̱ šikpoṅ ní nyeyaṅõ le̱ no̱!

ŊMALƐ KRƆŊKRƆŊ LƐ

³³ Nyɛbaa nyɛjeŋ tamɔ bɔ ni Yehowa, nyɛNyɔŋmɔ lɛ, etsɔ̃ɔ nyɛ lɛ, koni nyɛna wala yɛ shikpɔŋ ni nyɛyaa nyɛyaŋɔ lɛ nɔ.”

5 Mose 5:33 ပူးပေါင်းရင်းမြစ်များ

1 Maŋtsɛmɛi 3:14

Ni ke̱dši oonyie migbè̱i le̱ ano̱, ni oye mikpoi le̱ ke̱ mikitãi le̱ ano̱, tamo̱ bo̱ni otše̱ David nyie no̱ le̱, no le̱ ma-hõ otše̱ ye̱ dšeṅ!

2 Maŋtsɛmɛi 17:37

Ni akpo̱i ke̱ gbe̱nanii ke̱ mla ke̱ kitã ni eṅmã ehãnye le̱, nyedſẽṅa no̱ ni nyeyea no̱ dāne̱, ni nyekašea nyoṅmo̱i krokomei agbeyei.

1 Kronika 28:8

Nohewo̱ le̱ agbe̱ne̱ ye̱ Israel mū le̱ fè ní dši Iehowa asafo le̱ hĩe ke̱ wo̱-Nyoṅmo̱ le̱ toii amli le̱: Nyeyea Iehowa, nye-Nyoṅmo̱ le̱, kitãi le̱ fẽ no̱ ni nyedi se̱, beni afe ni ne̱ke̱ šikpoṅ kpakpa ne̱ atšṍ nyenõ, ni nyešĩ nyehă nyebii ni baba ye̱ nyese̱ le̱ ake̱ gbošinii ke̱-ya nano̱!

Lalai 119:6

Ké̱ mihĩe kã okitãi le̱ fẽ he le̱, mihĩe gboṅ.

Lalai 37:11

Ši mei ni he dšo̱ le̱, šikpoṅ le̱ aatšṍ ame̱nõ, ni ame̱mī aaše̱ ame̱he ye̱ hedšo̱le̱ babaō mli. K. 9. Mat. 5,5.

Lalai 37:22

Edšake̱ mei ní edsō̱ le̱, šikpoṅ le̱ aatšṍ ame̱nõ; ši mei ni elomo̱ le̱, aaflo̱ame̱ aſie. K. 9.

Lalai 37:29

Dšalo̱i le̱, šikpoṅ le̱ aatšṍ ame̱nõ ni ame̱ahĩ no̱ dä. Ies. 60,21.

Lalai 37:34

Kwe̱mo̱ Iehowa gbe̱ ni onyie egbe le̱ no̱, ni eewó ono̱, koni šikpoṅ le̱ atšṍ onõ; beni aaflo̱ meifõdši le̱, oona. K. 9.

Lalai 37:9

Edšake̱ efõṅfelo̱i le̱, aaflo̱ame̱ aſie; ši mei ní kwe̱o̱ Iehowa gbe̱ le̱, šikpoṅ le̱ *aatšṍ ame̱nõ. *K. 11. 22. 29. 34.

2 Mose 20:12

Wo otše̱ ke̱ onye, koni ogbīĩ atše̱ ye̱ šikpoṅ le̱ ní Iehowa, o-Nyoṅmo̱ le̱, ṅohãao le̱ no. Mat. 15,4. Ef. 6,2. 3.

Abe̱i 3:1

Mibi, ohĩe akakpa mimla le̱ no̱, ši hã otšui ato mikitãi le̱!

Yeremia 42:6

Ekpakpa ni dšio, efõṅ ni dšio, Iehowa, wo̱-Nyoṅmo̱ le̱, mo ṅõ ní wo̱tšũo̱o ne̱ gbē toi wo̱o̱bo, beni afe ní ahĩ ahãwo̱, ké̱ wo̱bo Iehowa, wo̱-Nyoṅmo̱ le̱, gbē toi le̱.

Yeremia 7:23

ši moṅ ne̱ke̱ sane ne̱ he kitã miwoame̱ mikē̱: Nyeboa migbē toi, ni matsṍ nye-Nyoṅmo̱, ni nye hũ nyeatšṍ mimaṅ; ni nyenyiea migbè̱i ni miwonye kitã ye̱ he le̱ fẽ no̱, beni afe ni ahĩ ahãnye! 2 Mose 19,5.

Ezekiel 20:19

Midši Iehowa, nye-Nyoṅmo̱ le̱; nyenyiea ye̱ mikpo̱i le̱ moṅ anā, ni nyeyea mimlai le̱ ano̱ ni nyefea!

Luka 1:6

Ni ame̱yi enyo̱ le̱ fẽ le̱, dšalo̱i dšiame̱ ye̱ Nyoṅmo̱ hĩe, ni ame̱yeo̱ Nuṅtšo̱ le̱ kitãi ke̱ ekpo̱i le̱ fẽ no̱ ni kpa ko be̱ ame̱he.

Romabii 2:7

mei ní ke̱ ekpakpafemo̱ mli tšuišiṅmē̃ taoo̱ anumnyam ke̱ wō ke̱ šihĩle̱ ní fiteṅ le̱, aahãame̱ nāno̱ wala;

Efesobii 6:3

“koni *ahĩ ahão, ni otše̱ ye̱ šikpoṅ le̱ no̱.” *5 Mose 5,16.

5 Mose 10:12

Ni agbe̱ne̱, Israel, meni Iehowa, o-Nyoṅmo̱ le̱, *taoo̱ ye̱ odeṅ doṅṅ, ake̱ dša oše Iehowa, o-Nyoṅmo̱ le̱, gbeyei, ní onyie egbè̱i le̱ fẽ no̱, ni osumo̱le̱, ni osúmo̱ Iehowa, o-Nyoṅmo̱ le̱, ke̱ otšui fẽ ke̱ osusuma fẽ, *Mika 6,8.

5 Mose 11:9

ni nyegbĩĩ le̱ ase̱ atše̱ ye̱ šikpoṅ ní Iehowa kã nyetše̱mei le̱ akitã ake̱ eke̱-bahãame̱ ke̱ ame̱seši le̱ ne̱, *šikpoṅ ni hoo̱ fufo̱ ke̱ wò le̱. *2 Mose 3,17.

5 Mose 12:25

Kāye, koni ahĩ ahão ke̱ obii ní baä ye̱ ose̱ le̱, ké̱ ofe noni dša ye̱ Iehowa hĩe le̱.

5 Mose 12:28

Dſẽṅmo̱ no̱ ní obo ne̱ke̱ wiemo̱i ne̱ fẽ ní miwoo̱o he kitã le̱ toi, koni ahĩ ahão ke̱ obii ní baä ye̱ ose̱ le̱ ke̱-ya nāno̱, ké̱ ofe noni hĩ ke̱ noni dša ye̱ Iehowa, o-Nyoṅmo̱ le̱, hĩe le̱.

5 Mose 22:7

ši *ṅmē̃mo̱ nye le̱ he, ni omõmo̱ bii le̱, koni ahĩ ahão ni ogbĩĩ atše̱. *3 Mose 22,28.

5 Mose 29:8

Nohewo̱ le̱ nyedſẽṅa kpãṅmo̱ ne̱ mli wiemo̱i le̱, ano̱ ni nyeyea no̱, koni nyeſere ye̱ nibii fẽ ní nyefeo̱ le̱ mli.

5 Mose 30:16

Ke̱dši ooye kitãi ke̱ akpoi ke̱ mlai ní miwoo̱o ṅme̱ne̱ gbĩ ne̱ ake̱ osumo̱ Iehowa, o-Nyoṅmo le̱, ni onyie egbè̱i ano̱ le̱ no̱ le̱, no le̱ oyi aaná wala ni oyi aafá, ni Iehowa, o-Nyoṅmo le̱, aadšō̱o ye̱ šikpoṅ ní oyaa oyaṅõ le̱ no̱.

5 Mose 4:1

Ni agbe̱ne̱, Israel, bo akpo̱i ke̱ mlai ní mitšõo̱nye le̱ toi ní nyeye ṅo̱, koni nyeyi aná wala, ni nyeya nyeyaṅõ šikpoṅ ní Iehowa, nyetše̱mei a-Nyoṅmo̱ le̱, ke̱-hãanye le̱.

5 Mose 4:40

Nohewo̱ le̱ ye ekpo̱i ke̱ ekitãi ní miwoo̱o ṅme̱ne̱ ne̱ no̱, koni ahĩ ahão ke̱ obii ni baã ye̱ ose̱ le̱, ni ogbĩĩ ase̱ atše̱ ye̱ šikpoṅ ní Iehowa, o-Nyoṅmo̱ le̱, ke̱-hãao le̱ no̱ dā.

5 Mose 5:16

Wo otše̱ ke̱ onye, take̱ bo̱ni Iehowa, o-Nyoṅmo̱ le̱, woö kitã le̱, koni ogbĩĩ atše̱ ní ahĩ ahão ye̱ šikpoṅ le̱ ní Iehowa, o-Nyoṅmo̱ le̱, ṅõ-hãao le̱ no̱.

5 Mose 5:29

Miná ná kũle̱ ame̱na ne̱ke̱ tšui dā, ní ame̱ke̱-šemi gbeyei, ni ame̱ye mikitãi le̱ fẽ no̱, koni ahĩ ahãame̱ ke̱ ame̱bii ke̱-ya nāno̱! 29,8. 4 Mose 11,29.

5 Mose 6:1

Agbe̱ne̱ kitãi ke̱ akpo̱i ke̱ mlai ní Iehowa, nye-Nyoṅmo̱ le̱, efã́ ake̱ atšõnye le̱ ne̱, koni nyeyaye no̱ ye̱ šikpoṅ ní nyefoo̱ mli ke̱-ya ní nyeyaṅõ le̱ no̱,

5 Mose 6:3

Nohewo̱ le̱ bo toi, Israel, ni odſẽṅ no̱, ní oye no̱, koni ahĩ ahão, ní nyeyi afá babaō ye̱ šikpoṅ ní hoo̱ fufo̱ ke̱ wò le̱ no̱, take̱ bo̱ni Iehowa, otše̱mei a-Nyoṅmo̱ le̱, ewoö ši le̱.

5 Mose 8:1

Kitãi fẽ ní miwoo̱o ṅme̱ne̱ ne̱, nyedſẽṅa no̱ ní nyeyea no̱, koni nyeyi aná wala, ni nyeyi afá, ni nyeya nyeyaṅõ šikpoṅ ní Iehowa kã nyetše̱mei le̱ akitã ye he le̱.

1 Timoteo 4:8

Edšake̱ gbomotšo he mo̱deṅbō̱ he se̱námo̱ fáá, ši *Nyoṅmo̱-dsámo̱ he ye̱ se̱námo̱ ye̱ nii fiā mli, ni eye̱ wala ní yo̱ agbe̱ne̱ ne̱ ke̱ noni baba le̱ he šiwō. 6,6.