5 Mose 5:22 - Ṅmãle̱ Kroṅkroṅ Le̱

²² Ne̱ke̱ wiemo̱i ne̱ Iehowa ke̱ gbē ní wa dše̱ la le̱ ke̱ atatu le̱ ke̱ duṅ kpī le̱ mli wie tšo nyesafo mū le̱ fẽ ye̱ goṅ le̱ no̱, ni eke̱ noko fataa he; ni eṅmã ye̱ *te̱i te̱tre̱bii enyo̱ no̱, ni eṅõ-hãmi. *2 Mose 31,18.

ŊMALƐ KRƆŊKRƆŊ LƐ

²² “Nɛkɛ kitãi nɛɛ Yehowa kɛ gbee ni wa jɛ la lɛ kɛ atatu kpii lɛ mli ewo nyɛsafo muu lɛ fɛɛ yɛ gɔŋ lɛ nɔ; ni ekɛ nɔ ko fataaa he. Kɛkɛ ni eŋma ewo tɛi tɛtɛrɛbii enyɔ nɔ, ni ekɛhã mi.”

5 Mose 5:22 ပူးပေါင်းရင်းမြစ်များ

2 Maŋtsɛmɛi 17:37

Ni akpo̱i ke̱ gbe̱nanii ke̱ mla ke̱ kitã ni eṅmã ehãnye le̱, nyedſẽṅa no̱ ni nyeyea no̱ dāne̱, ni nyekašea nyoṅmo̱i krokomei agbeyei.

2 Mose 20:21

Ni maṅ le̱ *damo̱ se̱ fle̱ṅṅ, ši Mose tši be̱ṅke̱ duṅ kpī le̱ ní Nyoṅmo̱ yo̱ mli le̱. *Heb. 12,18.

2 Mose 24:12

Ni Iehowa kē̱ Mose ake̱: Kwo̱ ke̱-ba miṅõ ye̱ goṅ le̱ no̱, ni ohĩ bie̱; ni *maṅõ te̱i te̱tre̱bii ke̱ mlai ke̱ kitãi ní miṅmã mahão, koni otšõame̱. *31,18.

2 Mose 31:18

Ni beni eke Mose ewie egbe nā ye̱ Sinai goṅ le̱ no̱ le̱, eṅõ odaseyeli te̱i enyo̱, ní dši *te̱i te̱tre̱bii ní Nyoṅmo̱ ke̱ ewao ṅmã no̱ le̱, ehãle̱. *32,15. 16; 34,28. 5 Mose 4,13; 5,22; 9,10; 10,6.

5 Mose 4:33

Ani maṅ ko enu *Nyoṅmo̱ gbē mīwie ke̱-mīdše̱ la mli dã, take̱ bo̱ni bo le̱ onu le̱, ni ame̱yi ená wala? *2 Mose 20,1. 19.

5 Mose 4:36

Ṅwei tō̃ ehã onu egbē ke̱-dše̱, koni eke̱-tšo̱seo, ni šikpoṅ le̱ no̱ hũ ehã ona ela kpeteṅkple le̱, ni ewiemo̱i le̱ onu ke̱-dše̱ la le̱ teṅ.

5 Mose 5:23

Ši eba mli ake̱, beni nyenu gbē le̱ ke̱-dše̱ duṅ le̱ mli, ni goṅ le̱ tšoo̱ ke̱ la le̱, nyetši nyebe̱ṅke̱mi, nyekutšei atše̱mei ke̱ nyenukpai le̱ fẽ,

5 Mose 5:4

Hĩe ke̱ hĩe Iehowa kenye wie ye̱ goṅ le̱ no̱ ke̱-dše̱ la le̱ teṅ. K. 24. 2 Mose 19,19.

Hebribii 12:18

Edšake̱ nyebaa *goṅ ní ataä he ní šãa ke̱ la, ke̱ atatu ke̱ duṅ ke̱ ahum, *2 Mose 19,12. 16. 18. 5 Mose 4,11.