5 Mose 4:32 - Ṅmãle̱ Kroṅkroṅ Le̱

³² Edšake̱ agbe̱ne̱ bi gbĩĩ ní eho ní etšṍ ohĩe le̱ amli sane, ke̱-dše̱ gbĩ no̱ ní Nyoṅmo̱ bo̱ gbomo ye̱ šikpoṅ le̱ no̱, ni asaṅ ke̱-dše̱ ṅwei nāgbēhe kome ke̱-yaši ṅwei nāgbẽhe kroko le̱, ake̱ aye sane ko ni tamo̱ ne̱ke̱ sane kpeteṅkple ne̱, alo anu sane ko ní tamo̱ no lo?

ŊMALƐ KRƆŊKRƆŊ LƐ

³² “Nyɛbia blema gbii ni eho dani afɔ nyɛ lɛ mli sane akɛ kɛjɛ gbi nɔ ni Nyɔŋmɔ bɔ gbɔmɔ adesa yɛ shikpɔŋ lɛ nɔ nɛɛ lɛ, nɔ ko kpeteŋkple tamɔ nɛkɛ sane eba dã lo? Aloo nyɛbia kɛjɛa ŋwɛi naagbeehe kome kɛyashia ŋwɛi naagbeehe kome hu akɛ anu sane ko ni tamɔ enɛ dã lo?

5 Mose 4:32 ပူးပေါင်းရင်းမြစ်များ

1 Mose 1:27

Ni *Nyoṅmo̱ bo̱ gbomo ye̱ esubãṅ le̱ no̱, Nyoṅmo̱ subãṅ le̱ no̱ ebo̱le̱ ye̱; †nū ke̱ yō ebo̱ame̱. *Ef. 4,24. †1 Mose 2,7. 22. Mat. 19,4.

2 Samuel 7:23

Ni mẽ *dšeṅmaṅ kome po yo̱ šikpoṅ ne̱ no̱ ni ke̱ omaṅ Israel ye gbo̱, ni Nyoṅmo̱ yiṅ ete eyakpõ efe le̱dientše̱ emaṅ, ni eke̱-he gbe̱i, ni etšu nii wudši ehãnye ke̱ nii ni yo̱ gbeyei ehã ošikpoṅ le̱, ye̱ omaṅ ni okpo ohã ohe ke̱-dše̱ Mizraim, ke̱-dše̱ dšeṅmãdši ke̱ ame̱nyoṅmo̱i le̱ adeṅ le̱, hĩe? *5 Mose 4,7.

Hiob 8:8

Ši bo le̱ bi tšutšu yino̱bii le̱, ni obo noni ame̱tše̱mei etao mli ni ame̱na le̱ toi.

Lalai 44:1

Korabii le̱ ase̱yōmo̱ lala ní ake̱-hã lalatše̱ nukpa le̱.

2 Mose 34:10

Ni ekē̱: Na, mi le̱ mikpãṅ kpãṅmo̱ ko: omaṅ le̱ fẽ hĩe mibafe nākpe̱nii ní afeko eko ye̱ šikpoṅ le̱ no̱ fẽ, lo maṅ ko maṅ ko mli dã, ni maṅ le̱ fẽ ni oyo ame̱teṅ le̱ aana Iehowa nitšumo̱ le̱; ši gbeyei noko dši noni mibafeo le̱.

Yesaia 45:12

Mi mife šikpoṅ le̱, ni mibo gbomei mito no̱; mi minidši gble ṅwei mli, ni mifã́ ame̱safo le̱ fẽ.

Yoel 1:2

Nyeboa ene̱ toi, nye onukpai, ni nyefea toi, nye šikpoṅ le̱ no̱ hii fẽ! Ani ene̱ eko eba dá ye̱ nyeyino̱ alo nyetše̱mei ayino̱ tete?

Amos 3:2

Nye ke̱ke̱ mile *ye̱ šikpoṅ le̱ no̱ wekui le̱ ateṅ; nohewo̱ le̱ mibawonye nyenišaianii le̱ fẽ he nyõmo̱! *5 Mose 5,35.

Mateo 24:31

Ni eetšũ ebo̱foi le̱ ke̱ *te̱tre̱mantre̱ ní gbē wā, ni ame̱abua emei ní ahala le̱ anā ke̱-adše̱ kō̱yo̱i edſe̱ le̱ no̱, ke̱-adše̱ ṅwei nāgbēhe kome no̱ ke̱-yaši nāgbēhe kroko le̱ no̱. *1 Kor. 15,52. 1 Tes. 4,16. Kpods. 8,1. 2.

Marko 13:27

Ke̱ke̱ ni eetšũ *ebo̱foi le̱, ni ame̱abua ehalamo̱bii le̱ anā ke̱-adše̱ kō̱yo̱i edſe̱ le̱ no̱, ke̱-dše̱ šikpoṅ nāgbēhe ke̱-yaši ṅwei nāgbēhe. *Mat. 13,41.

5 Mose 28:64

Ni Iehowa aagbeo aſã mãdši fẽ amli ke̱-dše̱ šikpoṅ le̱ nāgbēhe bie̱ ke̱-yaši, šikpoṅ le̱ nāgbēhe bie̱, ni dše̱i ooya-súmo̱ nyoṅmo̱i krokomei ní bo alo otše̱mei le̱ lee, ní dši tšei ke̱ te̱i le̱, ye̱.

5 Mose 30:4

Ke̱dši omei ní ase̱re̱ aſie le̱ eko yadše ṅwei nāgbēhe tete le̱, dše̱i tō̃ Iehowa, o-Nyoṅmo̱ le̱, aabua ona ke̱-adše̱, ni eeṅõo ke̱-dše̱ dše̱i ke̱-ba.

5 Mose 32:7

Kaimo̱ blema gbĩĩ le̱, ni odſẽṅ yino̱i sro̱toi le̱ amli afii le̱ ahe! Bi otše̱, ni eetsõo, onukpai le̱, ni ame̱agbao! Lal. 77,12.

5 Mose 33:29

Adšō̱o, Israel! Namo tamo̱ bo? Maṅ ní Iehowa ehere oyiwala! Moni dši oyeli-ke̱-buamo̱ tše̱ṅ, ke̱ ogbodšē klante le̱! Ni ohenye̱lo̱i le̱ aaſie ame̱nā ši ahão; ši bo le̱ oonānā ame̱hei groṅṅi le̱ ano̱. 4,7. 8. Lal. 33,12; 144,15.

5 Mose 4:7

Edšake̱ nẽ maṅ kpeteṅkple ko yo̱, ni eyo̱ nyoṅmo̱i ní be̱ṅke̱o̱ame̱, tamo̱ bo̱ni Iehowa, wo̱-Nyoṅmo̱ le̱, be̱ṅke̱o̱wo̱ befẽbe ní wo̱tšé̱o̱le̱ le̱? 38,23. 2 Sam. 7,23.