5 Mose 4:24 - Ṅmãle̱ Kroṅkroṅ Le̱

²⁴ Edšake̱ Iehowa, o-Nyoṅmo̱ le̱, la ní šãa mo kwrakwra dšile̱, Mawu awuṅãyelo̱ ni! 9,3. 2 Mose 20.5. Ies. 10,17. Heb. 12,29.

ŊMALƐ KRƆŊKRƆŊ LƐ

²⁴ ejaakɛ Yehowa, nyɛNyɔŋmɔ lɛ, etamɔ la grigri ni shãa nii wɛɛ; ni Nyɔŋmɔ ni yeɔ awuŋã ni.

5 Mose 4:24 ပူးပေါင်းရင်းမြစ်များ

2 Maŋtsɛmɛi 24:20

Edšake̱ Iehowa mlifũ hewo̱ ni eba mli nakai ye̱ Ierusalem ke̱ Iuda no̱ āhũ *ke̱-yaši beyino̱ ní eše̱re̱ame̱ eſie ke̱-dše̱ ehĩe. Ni Zedekia tše Babel maṅtše̱ le̱ hĩe atŭa. *23,21.

Lalai 21:9

Onine aaše̱ ohenye̱lo̱i fẽ no̱; oninedšũrõ aaše̱ mei ni nye̱o̱o le̱ ano̱.

Lalai 78:58

Edšake̱ ame̱ke̱ ame̱hei groṅṅi le̱ wo emli la, ni ame̱ke̱ ame̱mãgãi le̱ hã eye awuṅā. 5 Mose 32,21.

2 Mose 15:7

Ogbodšē le̱ nā so̱ṅṅ obutu mei ní te ši woö le̱; otšũ omlila le̱ ke̱-ba, ešã-ame̱ *tamo̱ gbetšelii. *Ies. 47,14.

2 Mose 20:5

Kādšáame̱, ni kāsúmo̱ame̱ hũ; edšake̱ *mi, Iehowa, o-Nyoṅmo̱ le̱, midši Nyoṅmo̱ awuṅãyelo̱ ní woo̱ tše̱mei atõmo̱i anyõmo ke̱-tšṍo̱ bii ano̱ ke̱-yašio yino̱bii ní dši etẽ ke̱ yino̱bii ní dši edſe̱ ní nye̱o̱mi le̱ ano̱; *34,7. Ier. 31,29. 30. Ezek. 18,2. 3. 20.

2 Mose 24:17

Ni Iehowa anumnyam le̱, ké̱ akwe̱ le̱, etamo̱ *la ní šãa nii ye̱ goṅ le̱ yiteṅ ye̱ Israelbii le̱ ahĩe. *5 Mose 4,24; 9,3. Heb. 12,29.

2 Mose 33:3

ke̱-ya šikpoṅ ní fufo̱ ke̱ wò hoo̱ ye̱ no̱ le̱ no̱. Ši mihĩṅ oteṅ ke̱-yaṅ; edšake̱ *maṅ ní kue̱ṅ ti dšio, koni mikaplenēo ye̱ gbe̱ le̱ no̱. *32,9. 10.

2 Mose 34:14

ni okadšá nyoṅmo̱ kroko. Edšake̱ Iehowa le̱, awuṅãyelo̱ dši egbe̱i; Mawu awuṅãyelo̱ ni; 20,3. 5.

Yesaia 10:17

Ni Israel kane le̱ aatšṍ la, ni e-Mokroṅkroṅ le̱ aatšṍ lalilei, ni eetšo ni eešã eṅmeii ke̱ ekpitikpitii le̱ gbĩ kome. 5 Mose 4,24.

Yesaia 30:27

Na, Iehowa gbei le̱ dše̱ šoṅṅ miba, emlifũ le̱ mītšo, ni ēdše lasũ kpī; enābu eyi obõ ke̱ mlila, elile̱i tamo̱ la ní šãa nii.

Yesaia 30:33

Edšake̱ asā šā̃he ato dšeeṅmõ bē-be, asā ato maṅtše̱ le̱, ekwo̱, elē̱; laiku ní yo̱ dše̱i le̱ la ke̱ lai babaō ye̱ mli, ni Iehowa mumo̱ ní emũo̱ ní tamo̱ swō̱ fā le̱ aamã nā la. Kpods. 19,20.

Yesaia 33:14

Ešafelo̱i ní yo̱ Zion le̱ ahe mīkpokpo, ni ṅmiṅmi emõmo̱ osatofoi le̱ [ame̱-kē̱o̱ ake̱]: Wo̱teṅ namo aahĩ la ní šãa nii mase̱i? ni wo̱teṅ namo aahĩ la ni etšẽ ke̱-yaã nāno̱ le̱ mase̱i?

Yesaia 42:8

*Midsi Iehowa, migbe̱i dši no, †ni mike̱ minumnyam le̱ hãṅ mokroko, ni mi-ke̱ miyidšiemo̱ le̱ hũ hãṅ amãgãi! *2 Mose 3,16. †Ies. 48,11.

Amos 5:6

Nyetaoa Iehowa se̱gbe̱, ni nyeyi aaná wala! ké̱ dšee nakai le̱, eedše tamo̱ la ye̱ Iosef we le̱, ni eešã nii, ni mokomoko be̱ ní aagbe ahã Betel.

Nahum 1:2

Mawu *awuṅãyelo̱ ke̱ oweleto̱lo̱ dši Iehowa; oweleto̱lo̱ dši Iehowa, ni emlifũ wa. Oweleto̱lo̱ dši Iehowa hā ehetšẽlo̱i, ni eke̱-too̱ ehãa ehenye̱lo̱i. *2 Mose 20,6. 5 Mose 4,24.

Nahum 1:6

Namo aanyẽ emlila le̱ nā adamo̱? ni namo aanyẽ ši ahĩ ye̱ emlifũ ní nā wa le̱ mli? Ehĩedō̱ le̱ fo̱seo̱ ſieo̱ ši tamo̱ la, ni te̱sāi gblaä ye̱ ehĩe.

Zefania 1:18

Asaṅ *ame̱dſie̱te̱i ke̱ ame̱šika fẽ nyẽṅame̱ adšie ye̱ Iehowa mlifũ gbĩ le̱ ne̱, ši ewuṅãyeli la le̱ aašã šikpoṅ mū le̱ fẽ; edšake̱ eke̱ plenēmo̱ ni baä trukā aaplenē šikpoṅ le̱ no bii le̱ fẽ. *Ezek. 7,19.

Zefania 3:8

Nohewo̱ le̱ nyekwe̱ami gbe̱, Iehowa kē̱, kē̱-yaši gbĩ no̱ ni mate ši ake̱ odasefonyo! edšake̱ miyiṅtō dši ake̱ *mabua dšeṅmãdši le̱ anā, ni makpē maṅtše̱yelii le̱ ke̱-akpe, koni †mafo̱se mimlila ke̱ mi-mlifũ ni nā wa le̱ fẽ maſie ame̱no̱; edšake̱ miwuṅãyeli la le̱ aašã šikpoṅ mū le̱ fẽ. *Ioel 4,2. †Lal. 79,6.

4 Mose 25:11

Oso̱fo Aaron bi Eleazar bi Pinehas ekũ mimli ni ewo Israelbii le̱ ala le̱ nā, edšake̱ eye awuṅã ehãmi ye̱ ame̱teṅ, ni ehãã maplenē Israelbii le̱ ye̱ miwuṅãyeli le̱ mli.

1 Korintobii 10:22

Alo Nuṅtšo̱ le̱ mli la wo̱woo̱? ani wo̱he wa fèle̱?

5 Mose 29:20

ni Iehowa aadšiele̱ ye̱ Israel aku-tšei le̱ fẽ mli ato ahã eſõṅ, ye̱ ne̱ke̱ kpãṅmo̱ ne̱ ní aṅmã ye̱ ne̱ke̱ mlawolo ne̱ mli le̱ he lōmo̱i le̱ fẽ nā.

5 Mose 32:16

Ame̱hã eke̱ nyoṅmo̱i kpõdši ye awuṅã, nihĩnii ame̱ke̱-wo emli la.

5 Mose 5:9

Kādšáame̱, ni kāsúmo̱ame̱ hũ; edšake̱ mi, Iehowa, o-Nyoṅmo̱ le̱, midši Nyoṅmo̱ awuṅãyelo̱ ní woo̱ tše̱mei atõmo̱i anyõmo̱ ke̱-tšṍo̱ bii ano̱, ke̱-yašio̱ yino̱bii ní dši etẽ ke̱ yino̱bii ní dši edſe̱ ní nye̱o̱mi le̱ ano̱;

5 Mose 6:15

Edšake̱ Mawu *awuṅãyelo̱ dši Iehowa, o-Nyoṅmo̱ le̱, ní yo̱ oteṅ le̱, koni Iehowa, o-Nyoṅmo̱ le̱, mli akawoö la, ní ekpãtã ohĩe ke̱-dše̱ šikpoṅ le̱ no̱. *2 Mose 20,5.

5 Mose 9:3

Nohewo le̱ ná ole ṅme̱ne̱ gbĩ ne̱ ake̱ Iehowa, o-Nyoṅmo̱ le̱, dši moni nyie ohĩe ke̱-yaä tamo̱ *la ní šãa nii; le̱ noṅṅ eefiteame̱, ni le̱ noṅṅ eebaame̱ ši ye̱ ohĩe, ni ooſieame̱ ni ookpãtã ame̱hĩe oya, take̱ bo̱ni Iehowa, o-Nyoṅmo̱ le̱, ke̱o ewie le̱. *4,24.

Hebribii 12:29

Edšake̱ wo̱-Nyoṅmo̱ le̱, la ní fiteo̱ mo hũ dšile̱. 5 Mose 4,24; 9,3.