5 Mose 31:7 - Ṅmãle̱ Kroṅkroṅ Le̱

⁷ Ni Mose tšé̱ Iošua ni ekē̱le̱ ye̱ Israel mū le̱ fe hĩe ake̱: Ohe awa ni ofe ekã; edšake̱ bo oke̱ ne̱ke̱ maṅ ne̱ baya šikpoṅ ní Iehowa kã ame̱tše̱mei le̱ akitã ake̱ eke̱-bahãame̱ le̱ no̱, ni bo noṅṅ oodša mli ohãame̱. Ios. 1,6.

ŊMALƐ KRƆŊKRƆŊ LƐ

⁷ Kɛkɛ ni Mose tsɛ Yoshua kɛba eŋɔɔ, ni ekɛɛ lɛ yɛ Israel maŋ muu lɛ fɛɛ hiɛ akɛ, “Ohe awa, ni ofee ekãa, ejaakɛ bo okɛ nɛkɛ maŋ nɛɛ baaya shikpɔŋ lɛ ni Yehowa ewo amɛtsɛmɛi lɛ he shi akɛ ekɛbaahã amɛ lɛ nɔ, ni bo nɔŋŋ oooja shikpɔŋ lɛ ohã amɛ akɛ amɛgbɛfaŋnɔ.

5 Mose 31:7 ပူးပေါင်းရင်းမြစ်များ

2 Samuel 10:12

Femo̱ ekã ni ohã wo̱damo̱ ši ake̱ hĩĩ wo̱hã wo̱maṅ ke̱ wo̱-Nyoṅmo̱ le̱ mãdšĩ le̱; ni Iehowa afe noni sa ehĩe!

1 Maŋtsɛmɛi 2:2

Mi le̱ miya dšeṅdšeṅ fẽ gbe̱ le̱: nohewo̱ le̱ ohe awa, ni ofe onii ake̱ nū;

1 Kronika 22:13

Ke̱dši odſẽṅ no̱ ni oye akpo̱i ke̱ mlai ni Iehowa wo Mose ye̱ Israel hewo̱ le̱ ano̱ le̱, no le̱ ooſere; ohe awa ni ofe ekã; kāše gbeyei ni otšui akafã hũ! 1 Maṅ. 2,2. 3

Daniel 10:19

ni ekē̱: *Kāše gbeyei, bo nū ni asumoo̱ osane naakpa! hedšo̱le̱ ahão! ohe awa, hē̃, ohe awa! Ni beni eke̱mi wie le̱, miná hewale̱, ni mikē̱: Wiemo̱, minuṅtšo̱, edšake̱ owomi hewale̱! *Kpods. 1,17.

4 Mose 13:20

ke̱ bo̱ni šikpoṅ le̱ dientše̱ yo̱, ake̱ ebaä nii lo ebaa dšogbaṅ, ake tšei ye̱ no̱ lo tšei be̱ no̱. Nyehĩe awaä ni nyetše̱re̱a šikpoṅ le̱ no̱ yibii le̱ eko ke̱-baä! Agbene nakai be le̱ dši kleṅkleṅ weinyibii atšu le̱ be.

4 Mose 27:19

ni oke̱le̱ adamo̱ oso̱fo Eleazar ke̱ asafo mū le̱ fẽ hĩe, ni owole̱ kitã ye̱ ame̱hĩe;

Yohane 1:17

Edšake̱ mla le̱, Mose no̱ atšṍ aṅõhã; ši dromo̱ ke̱ ano̱kwale le̱, Iesu Kristo ke̱-ba. Rom. 10,4.

Efesobii 6:10

Noni eſe̱ le̱, minyemimei, nye-he awaä ye̱ Nuṅtšo̱ le̱ ke̱ ehewale̱ nyẽmo̱ le̱ mli. 1 Kor. 16,13. 1 Ioh. 2,14.

5 Mose 1:38

Iošua, Nun bi le̱, moni damoo̱ ohĩe le̱, dši moni aaše̱ dše̱i; wole̱ hewale̱, edšake̱ *le̱ ebadša šikpoṅ le̱ mli ehã Israelbii le̱. *4 Mose 34,17.

5 Mose 1:8

Na, mike̱ šikpoṅ le̱ efõ nyehĩe; nyeyaä ní nyeyaṅõa šikpoṅ ní Iehowa kã nyetše̱mei Abraham ke̱ Isak ke̱ Iakob kitã ye̱ he ake̱ eke̱ahãame̱ ke̱ ame̱sešibii ní baä ye̱ ame̱se̱ le̱.

5 Mose 11:8

Nohewo̱ le̱ nyeyea kitãi ní mi-woo̱nye ṅme̱ne̱ ne̱ fẽ no̱, koni nyehe awa, ni nyeya nyeyaṅõ šikpoṅ ní nye-foo̱ mli ke̱-ya nyeyaṅõ le̱;

5 Mose 3:28

Ni owo Iošua kitã, ni owole̱ ekã ke̱ hewale̱, edšake̱ le̱ ebanyie maṅ ne̱ hĩe ke̱-foṅ, ni le̱ noṅṅ eedša šikpoṅ ni oona le̱ mli ehãame̱. 31,3. 7.

5 Mose 31:21

Ni aaba mli ake̱, beni nifõdši babaō ke̱ fĩmo̱i eba ame̱no̱ le̱, no le̱ ne̱ke̱ lala ne̱ aaye ame̱he odase; edšake̱ ame̱sešibii le̱ ahĩe kpaṅ no̱ ní edšeṅ ame̱dāṅ. Edšake̱ *mile ame̱dſẽṅmo̱i ní ame̱dſãṅo̱ amrõmrõ ne̱ po, dãni mike̱ame̱ aayaše̱ šikpoṅ ní mikã he kitã le̱ no̱. *Lal. 139,2.

5 Mose 31:23

Ni ewo Iošua, Nun bi le̱, kitã ake̱: Ohe awa ni ofe ekã; edšake̱ bo oke̱ Israelbii le̱ baya šikpoṅ ní mikãame̱ kitã ye̱ he le̱ no̱, ni mike̱o aahĩ ši!

5 Mose 31:3

Iehowa, o-Nyoṅmo̱ le̱, aanyie ohĩe ke̱-fo, le̱ noṅṅ eefite nakai dšeṅmãdši le̱ ye̱ ohĩe, ni ooye ame̱no̱; Iošua dši moni aanyie ohĩe ke̱-fo, tamo̱ bo̱ni Iehowa ekē̱ le̱. 3,28.

5 Mose 31:6

Nyehe awaä ni nyefea ekã, nyekašea gbeyei ni nyetšui akafãa ame̱no̱; edšake̱ Iehowa, o-Nyoṅmo le̱, dši moni ke̱o nyie, esĩno ni esa ekwaṅo!

Yoshua 1:5

Mokomoko nyẽṅ ohĩe adamo̱ ye̱ owalagbĩĩ fẽ mli; bo̱ni mike̱ Mose hĩ ši le̱, nakai noṅṅ mike̱o aahĩ ši; *mišĩṅo ni mikwaṅo hũ. *5 Mose 31,5. Heb. 13,5.

Yoshua 1:6

*Wadšemo̱ ohe ni ofe ekã; edšake̱ bo obadša šikpoṅ ni mikã ne̱ke̱ maṅbii ne̱ atše̱mei le̱ akitã ake̱ mike̱-bahãame̱ le̱ mli ohãame̱. *5 Mose 3,28; 31,7. 28.