5 Mose 30:16 - Ṅmãle̱ Kroṅkroṅ Le̱

¹⁶ Ke̱dši ooye kitãi ke̱ akpoi ke̱ mlai ní miwoo̱o ṅme̱ne̱ gbĩ ne̱ ake̱ osumo̱ Iehowa, o-Nyoṅmo le̱, ni onyie egbè̱i ano̱ le̱ no̱ le̱, no le̱ oyi aaná wala ni oyi aafá, ni Iehowa, o-Nyoṅmo le̱, aadšō̱o ye̱ šikpoṅ ní oyaa oyaṅõ le̱ no̱.

ŊMALƐ KRƆŊKRƆŊ LƐ

¹⁶ Kɛji nyɛaaye Yehowa, nyɛNyɔŋmɔ lɛ, kitãi ni miwoɔ nyɛ ŋmɛnɛ gbi nɛɛ nɔ lɛ anɔ, ni nyɛaaba nyɛjeŋ bɔ ni Yehowa taoɔ, ni nyɛaaye ekitãi kɛ ekpɔi lɛ kɛ emlai lɛ anɔ lɛ, no lɛ nyɛyi aaana wala. Nyɛyi aaafa, ni Yehowa, nyɛNyɔŋmɔ lɛ, aaajɔɔ nyɛ yɛ shikpɔŋ lɛ ni nyɛyaa nyɛyaŋɔ lɛ nɔ.

5 Mose 30:16 ပူးပေါင်းရင်းမြစ်များ

1 Maŋtsɛmɛi 3:3

Ni Salomo sumoo̱ Iehowa, ni enyieo̱ etše̱ David akpo̱i le̱ amli; ši hei groṅṅi le̱ noṅṅ le̱ hũ ešãa afo̱lei ke̱ tšofã-ke̱-ṅma ye̱.

Abe̱i 3:1

Mibi, ohĩe akakpa mimla le̱ no̱, ši hã otšui ato mikitãi le̱!

Yesaia 1:19

Ké̱ nyemĩsumo̱ ni nyebo toi le̱, nyeaye šikpoṅ le̱ no̱ nii kpakpai! 3 Mose 28,18. 19.

Yohane 14:21

Moni mikitãi le̱ yo̱ edeṅ ni eyeo̱ no̱ le̱, le̱ dši moni sumoo̱mi; ni moni sumoo̱mi le̱, mitše̱ aasumo̱le̱, ni mi hũ masumo̱le̱, ni *madšie mihe ši matšõle̱. *2 Kor. 3,18.

1 Korintobii 7:19

Ketiafō dšee noko, ní fõ hũ dšee noko, ši Nyoṅmo̱ kitãi le̱ ano̱yeli moṅ dši noko. Gal. 5,6; 6,15.

5 Mose 30:17

Ši ke̱dši otšui gba afã, ni oboo toi, ni ohã alakao ni oyadšá nyoṅmoi krokomei ni osúmoame̱ le̱,

5 Mose 30:19

Mītšé̱ *ṅwei ke̱ šikpoṅ ṅme̱ne̱ ní ame̱baye nyehe odase ake̱ mike̱ wala ke̱ gbĕle, dšō̱mo ke̱ lōmo̱ eſie nyehĩe; nohewo le̱ ko wala, koni bo ke̱ oseši fẽ ayi aná wala, *4,26.

5 Mose 30:6

Ni Iehowa, o-Nyoṅmo̱ le̱, *aafo otšui ke̱ osešibii le̱ atšui ketia, beni afe ní osumo̱ Iehowa, o-Nyoṅmo̱ le̱, ke̱ otšui mū le̱ fẽ ke̱ osusuma mū le̱ fẽ, koni oyi aná wala. *10,16. Ier. 4,4. Ezek. 11,19. Rom. 2,29. Kol. 2,11.

5 Mose 32:47

Edšake̱ dšee wiemo̱ flo dši hãnye, ši moṅ *nyeyiwala ni, ni ne̱ke̱ wiemo̱ ne̱ nyeke̱-ahã nyegbĩĩ ase̱ atše̱ ye̱ šikpoṅ ní nyefoo̱ Iordan ke̱-ya nyeyaṅõ le̱ no̱. *3 Mose 18,5.

5 Mose 4:1

Ni agbe̱ne̱, Israel, bo akpo̱i ke̱ mlai ní mitšõo̱nye le̱ toi ní nyeye ṅo̱, koni nyeyi aná wala, ni nyeya nyeyaṅõ šikpoṅ ní Iehowa, nyetše̱mei a-Nyoṅmo̱ le̱, ke̱-hãanye le̱.

5 Mose 5:33

Gbe̱ ní Iehowa, nye-Nyoṅmo̱ le̱, ewonye he kitã le̱ fẽ no̱ nyenyiea, koni nyeyi aná wala, ni ahĩ ahãnye, ni nyegbĩĩ ase̱ atše̱ ye̱ šikpoṅ ní nyeyaṅõ le̱ no̱!

5 Mose 6:5

Ni suomo̱ Iehowa, o-Nyoṅmo̱ le̱, ke̱ otšui fẽ ke̱ osusuma fẽ ke̱ ohewale̱ fẽ! 10,12. Mat. 22,37.

Yoshua 23:11

Nohewo̱ le̱ nyelea nyehe no̱kwe̱mo̱, koni nyesumo̱ Iehowa, nye-Nyoṅmo̱ le̱!